الموضوع: فكرتك ممكن تكون مشروع غيرك... والعكس صحيح

المشاركة الأصلية كتبت بواسطة viper911s

انا كنت بفكر فى مغسلة سيارات بالبخار
بس هى محتاجة مكان راقى نسبيا علشان سعر الغسلة تقريبا 30 جنية
الماكينة بتكون فى حدود 8 الاف (تقريبا مستعمل)
المحل ايجارة الف
واثنين عمال الواحد 500 فى الشهر
مع مجموعة الاسبرايهات 600واستهلاكك للمية قول 500 وكهرباء 500
هى دى التكاليف
يعنى تكاليفك 3600 فى الشهر انت بتعمل الغسلة الهيكل الخارجى 30 مع الداخلى بخلاف غسيل الموتور المبلغ بيزيد
الجنوط بيزيد
لو حسبتها ان دخلك 4 عربياتت فى اليوم غسيل بس برة وجوة بس
هتغطى تكاليفك الشهرية والباقى بتاعك
انا الدراسة عندى فى البيت ححاول ادور عليها واجيبها

المشاركة الأصلية كتبت بواسطة abd_el_7amid

بالفعل ظنك فى محله يا سباعى
(حرامية x كى جى 2)


مشروع مغسلة سيارات متكاملة - أرباحه 10 آلاف شهرياً!!!!




الارباح المتوقعة شهريا :فى حدود 10000 الى 15000 جنية مصرى
بحسب الموقع
قيمة المعدات : 12000 جنية مصرى وللدفع النقدى وضع اخر

هذه دراسة جدوى لمشروع ربحه حلال مائة بالمائة ومساعدة منا للشباب الذى يطمح إلى الثراء ولكن أكل العيش لا يعرف الخجل بل المجتهد وحده هو الذى يرقى بجده وفكره الايجابي .
إليك دراسة مبسطه لمشروع غسيل وتلميع سيارات) )

أولا:- لنفرض أن إيجار المحل هو 1500 جنيهاً شهريا
ثانيا:- المشروع يحتاج إلى حوالي عدد 2 عمال براتب 500 جنيها = 1000 جنيها شهريا
ثالثا:- كهرباء شهريا 200 جنيهاً في حالة عمل عدد 1 ماكينة بخار لمدة 12ساعة يوميا مستمرة
رابعا:- مواد تلميع شهريا 600 جنيهاً فقط
خامسا:- تقوم بجمع المصاريف الشهرية 1500 + 1000 + 200 + 600 = 3300 جنيهاً
مصاريف ثابتة شهريا 3300جنيهاً
إذن أنت تحتاج يوميا تقريبا مبلغ = 110 جنيهاً لتغطية جميع مصاريفك ، أي تحتاج لغسيل حوالي4 سيارات 30.00 جنيهاً لتغطية مصاريفك اليومية
النشاط الذي يمكن مزاولته :
1- غسيل السيارة من الداخل والخارج 30.00 جنيهاً
2- غسيل الموتور 20.00 جنيها
3- تعقيم المكيف وأزالت الروائح الكريهة 15.00 جنيهاً
غسيل وتلميع السيارة من الداخل 50.00 جنيهاً 4-
5- تشميع السيارة من الخارج لحماية الطلاء 70.00 جنيهاً
إذا قمت بغسيل عدد 10 سيارات يوميا = 300.00 جنيهاً
غسيل وتلميع سيارة واحد من الداخل يوميا = 50.00 جنيهاً
تشميع سيارة واحدة من الخارج يوميا = 100.00 جنيهاً
الإجمالي : 450.00 جنيها
قيمــة المعــدات
قيمة جهاز غسيل السيارات بالبخار = 8000 جنيهاً
(الجهاز يعمل بالبخار ويغسل السيارة الواحدة بلتر ماء فقط وهو صديق للبيئة وموفر للوقت والمجهود و الطاقة)
قيمة جهاز التعقيم = 1800جنيهاً
إجمالي قيمة المعدات بالنشاط = 9800 جنيهاً فقط =
إذن..المصاريف الشهرية هى 3300ومصاريف المعدات هى 9800
والربح الشهرى بإذن الله يكون 13500 بناء على هذه الدراسة إذن أنت تسترد أكثر من قيمة المعدات فى اقل من شهر واحد فقط.
ملاحظة : هذه الدراسة تعتبر تقديرية طبقاً لموقع النشاط ويمكن تغييرها طبقا للموقع وساعات العمل وأيام العمل والمواسم وعدد العمالة
دا لو استخدمت مكنة بخار بس ... ضيف بقى الغسيل العادى (ماء و صابون ) ادوات الغسيل اهمها اسطوانة الفوم
و عدد1- 3 مكنسة كهربائية للتنظيف الداخلى ودا هيكون من (15-20 جنيه)
ضيف كمان الغسيل الكميائى ودا من 100 - 150 جنيه
طبعا الاسعار السابق ذكرها قابلة للتغير من مكان لاخر...
وان شاء الله دا مشروعى القادم... بس اقوف المشروع اللى انا فيه دلوقتى على رجله وانتقل باذن الله للى بعده

يتبع

المشاركة الأصلية كتبت بواسطة ahmedbeirut123

ديه فكرة ياريت بجد حد ينفذها ... لو اتعملت بحرفية عالية هتكسب جااااااامد

الفكرة ببساطة هى .. طبعا احنا فى بيوتنا ساعات بنحتاج الكهربائى او النجار او السباك او النقاش ...الصنايعية يعنى

وبما ان اغلب الصنايعية فى مصر مبيفهموش حاجة... و لما يجو يصلحو ممكن يبوظو+ الغباء + المصنعية الى مغالى فتمنها بالذات لما يشوف الى قدامه شخص عالى... بيبقو طماعين اوى اوى


الحل : واحد يعمل شركة يجيب صنايعى لكل حرفة (واحد كهربائى + واحد نجار.........الخ)

يكونو ممتازين وفاهمين شغلتهم.. او لو ميعرفوش يدربهم ... وبعد كدة يشغلهم ويكونو تابعين للشركة

والشركة تضمن جودة التصليح .... والمصنعية تكون بفواتير ( زى شركات تصليح ايديال او توشيبا مثلا)

وياريت تكون الشركة فى اسكندرية :)

فكرتين احلى من بعض
اولا منتجين
ثانبا اصدقاء للبيئه
ثالثا مش محتاجين رأس مال كبير
رابعا و هو الاهم امكانية توسعة المشروع يعنى المغسله ممكن تبيع معطرات و كماليات السياره و ممكن تستعين بفنيين سيارات للكشف عليها و هكذا بالنسبه اصلاح الاجهزه المنزليه ممكن تبيع قطع الغيار و المواتير و هكذا

بس سؤال يالنسبه لمشروع المغسله المغسله نفسها تتجاب منين؟ و المعدات بسعر الجمله تتجاب منين؟