تحية تقدير لكل واحد يساعد أبناء شعبه من المحتاجين والفقراء ثوابه في الدنيا قبل الآخره بأذن الله دي حاجة نقطة ومن أول السطر .
فيها أيه يعني لما يوزع السلفيين أنابيب بسعر منخفض في الوقت اللي أحنا فيه دلوقتي خاصة أن الناس تعبانة والحال على القد أحنا مفروض نفرح لما نلاقي سلفيين يوزعوا أنابيب ويفتحوا أسواق وينظموا معارض ونفرح لما نلاقي الأخوان بيعملوا نفس الشيء ونفرح لما نلاقي العلمانيين بياشركوا بردوا ولما نلاقي المسيحيين كمان قلبهم على قلب أولاد بلدهم المهم أن الغرض يكون سليم ولأجل مصر وخير مصر والمصريين والأهم أن الكلام دة يستمر بعد الأنتخابات مش زي ما كان بيعملوا البعداء اللي كانوا خاربينها إلهي يجحمهم مطرح ماهم قاعدين .
كلمة في سرك :
غالبية الشعب المصري من الطبقة تحت المتوسطة والناس الطيبين دول بيحبوا اللي يأكلهم ويشربهم ويظبطهم ياسلام يبقى حبيبهم وعمهم وكفائه بس هل الشعب ده فكر ولو مرة أن الأكل والشرب والتظبيط والذي منه ده حقهم مش واجب بيتعمل معاهم ؟
المفضلات