الموضوع: تجربتي مع مركز خدمة سيات بأرض اللواء وحسبي الله ونعم الوكيل فيهم

المشاركة الأصلية كتبت بواسطة hatemahmed75

السلام عليكم ورحمة الله وبركاتة

اخى فى الله المهندس ايهاب
على فكرة انا ملتحى زى حضرتك بالضبط وبروح على طول التوكيل الى فى ارض اللواء وكنت موجود هناك يوم الثلاثاء الماضى بعمل الصيانة الدورية .

وعمرى مالاحظت اى سوء معاملة هناك بسب موضوع اللحية اطلاقاً (والله على ما اقول شهيد) باخد دورى وعربيتى بتخلص قبل ميعادها.

اما بالنسبة لموضوع الانترنت فاساعات يكون شغال وساعات لأ

اما بالنسبة لموضوع اصلاح سيارتك انا شايف انك اوعى تسيب حقك طالب به لحد ما توصلة وتكون مرضى (احنا بندفع فلوس) .

جزاك الله خيراً

وجزاكم مثله أخي في الله أستاذ حاتم وكلام حضرتك يحترم وانا فقط أتسائل (ويمكن يكون فهمي خطأ ده شيء وارد ) ولكن اللي انا شفته بعيني قلته ويمكن عشان انا صميم شغلي الصيانة وعملت معظم الصيانات لعربيتي القديمة بإيدي لذلك حسيت انهم مش بالمستوي المناسب

اما بخصوص اني مسيبش حقي فأنا خلاص قررت مش هروح تاني والفلوس اللي دفعتها وتقريبا مأخدتش بيهاحاجه ملموسة نهائيا ربنا يعوض عليا فيها ومش هسامحهم فيها أبدا

وبفضل الله معظم الصيانات و الضبط البسيط لسيارتي قمت به بالفعل والحمد لله وناقص شيء وحيد وربنا يوفقني و اعمله بس لما أفضي الأجازة القادمة ان شاء الله

وجزاك الله خيرا علي نصيحتك وشعورك الطيب وأنت من الأخوة الأفاضل اللي حبيتهم هنا في المنتدي لله من غير مقابلهم ولا أكلمهم حتي وربنا يجمعنا بهذا الحب في ظل عرشه يوم لا ظل إلا ظله

الف مبروووووووووووووووك لحضرتك على الشراء ربنا يباركلك فيها

ثانيا الحصل مع حضرتك فى التوكيل دة سىء جداا ارجو متسبش حقك والتوكيل مكنش كدة فى الاول ياريت تروح واتكلم لو لحضرتك ملاحظات و مدام بتدفع مقابل للصيانة السيئة اللى عملوها واعمل شكوى انا مستغرب فعلا من الحصل دة !!!