الموضوع: احذر مخاطر بيع السيارات بالتوكيل !!

المشاركة الأصلية كتبت بواسطة Ahmed73

وفى مشكلة كمان انك ممكن تلاقى العربية الواحدة فيها 4 أو 5 توكيلات ويمكن أكتر ودى بتبقى مشكلة كبيرة
علشان كده أنا لما بعت عربيتى بعتها بتوكيل وكتبت فيه

(البيع للنفس والغير والتعامل مع المرور ولا يجوز إصدار توكيلات أخرى منه)

وبكده أنا ضمنت أن المشترى ما يقدرش يبيع بتوكيل لحد تانى ولازم يسجله السيارة وده لأن الرخصة كان لسه فاضل فيها حوالى سنتين ونصف.

المشاركة الأصلية كتبت بواسطة ramydemo

التوكيل الذى يشمل عبارة البيع لنفسه وللغير ولا يلغى إلا بحضور الطرفين لا يمكن إلغاؤه حتى لو توفى البائع ولا يجوز للورثة الرجوع على المشترى فى شئ. ويعتبر انتقال كامل للملكية

عقد البيع بينكتب فيه إن الأصيل على قيد الحياة و هو أول واحد عمل توكيل
العبرة هنا لو هو مات
هل تاريخ عقد البيع للنفس كان قبل وفاته أم بعد
لو بعد يبقى السيارة ما زالت ملك الأصيل
لأن التوكيل هو اعطاء حق التصرف و ليس التملك
حتى وقت تسجيل العقد سواء بالبيع للنفس أو الغير
و فيه كمان مشكله لو الأصيل كتب و تجديد الترخيص في التوكيل
ممكن يفضل اسمه في رخصة العربية سنين دون عمل نقل ملكية
و لا يستطيع الغاء التوكيل ببيع السيارة إلا بحضور الطرفين في الشهر العقاري و السبب في ذلك التأكد من عدم بيع أو عمل توكيل آخر و هنا حضور الطرفين يساوي اقرارهما بأن ليس هناك عقود و لا توكيلات أخري تمت و في حالة وجودها يعاقب المتسبب