الموضوع: محتار حيرة التنين بخصوص مدرسة لبنتى....

حضرتك تقصد اللغات اللي بيبقى فيها المواد عربي ما عدا ال Math & Science
ولا المدارس اللي هيا شغالة على النظام الامريكي American Diploma
عشان الفرق ماديا كبييير اوي بين الاتنين
انا حقولك انا كنت في مدرسة لغات وما خدتش اي درس الا وانا بالثانوية عشان ما كنتش بحضر وكده
ودي ممكن تحتاج مجهود من الاهل بالنسبة للطلاب في ابتدائي و KG بس حاجة بسيطة
بالنسبة للمدارس الامريكان
اقدر اقولك ان هوا ده التعليم بجد ,, الواد بيبقى في سنة اولى ولا تانية ابتدائي وبيتكلم انجليزي زي كأنه عايش في امريكا
والكلام في المدرسة كله انجليزي .. وطبها في جنسيات اجنبية في المدارس دي
والفصول مش اكتر من 20 طالب وتكييف في الفصل سخن بارد وداتا شو في كل فصل
وغداء في المدرسة كل يوم في بعض المدارس
وبالنسبة ان حضرتك تتابع مع ابنك فده المدرسة بتطلب من الاهالي عدم تدريسه اي حاجة عشان الطريقة اللي احنا اتعلمنا بيها مختلفة كليا عن الطريقة الجديدة
واصلا الطالب المفروض يحل كل حاجة لوحده وبيبقى فاهم هوا عمل ايه وممكن يسالك عن حاجات بسيطة
بس مشكلتها الوحيدة الفلووووس :P يعني اقل حاجة من 25 - 30 الف وانت طااااااااالع
بس صراحة بالنسبالي الفرق يستاهل
وبالنسبة للمدارس البريطانية فاسعارها من 50000 وانت طالع و13 سنة دراسية مش 12
شوف حضرتك لو عاوز اقتراحات بالنسبة للمدارس يا ريت تقولي

الفرق كبير بيبان في الكلية لان الدراسة في الكليات بقى معظمها او كلها انجليزي ومفيش كورس في شهور هيعوض سنين من الصغر نهائياً وعلشان تديها كورسات هتدفع الافات حضرتك في غنى عنها
بالنسبة لمستوى الطلبة في اللغات بيكون احسن من العربي وطريقة تفكيرهم احسن ومدرسينهم انضف وحتى مستواهم الاخلاقي بيفرق
انا كنت لغات وبعد كدة دخلت عربي وبقول لحضرتك بلاش تظلمها وتدخلها عربي

المشاركة الأصلية كتبت بواسطة yehia

اتكل على الله واحسب الميزانية ولو الأمور سمحت يبقى دخلها لغات ولا تتردد ..... أولادنا دول أهم وأكبر استثمار في حياتنا ..... والله الموفق .......

بالظبط كدة ولادك أكتر حاجة ممكن تفكر تصرف فيها و تستثمرها .
علمهم كويس حا يشتغلو فى أماكن كويسة

تعليم الأولاد إستثمار طويل الأمد مش ها تجني منه إلا بعد التخرج من الجامعة.
80% من أولادنا بيشتغلوا في مجالات جديدة عن الأباء (شوف الجيل اللي بيشتغل في المحمول كان الأهالي لا تعلم ما هو المحمول).
هناك فرق واضح جداً في التفكير و التعامل مع الحياة بين طلاب اللغات و العربي و الحكومة و الأزهر بظهر عند تواجدهم جميعاً معاً.
اللغات ثم اللغات ثم اللغات.
كل هذا يتوقف على الحالة المادية و مدى استمرارية الاهالي في القدرة على دفع الرسوم الدراسية طوال فترة التعليم.