الموضوع: مجموعة الكاتينة للكليو

الأحسن إنك تشتري سير الكاتينه من التوكيل لأنه بيدهولك بضمانه وبالتالي بتريح دماغك من القلق يا تري السير أصلي ولا لأ
وعموماً السعر مش بيختلف كتير لأني معايا ال 1200 ولما سألت علي مجموعة السير بره التوكيل كان ب 550 وفي التوكيل ب 600 فالفرق مكانشي كبير بس فرق الراحه النفسيه يستحق
مش عارف بقي إنت العنوان في السعويه لكن لو بتتكلم عن مصر فكلم التوكيل علي 16202 وشوف أقرب فرع لبيع قطع الغيار الأصليه ليك منين

المشاركة الأصلية كتبت بواسطة nodey

جزاك الله خير بس تقريبا هنا سعرهم 525 ريال سعر مجموعة الكاتينة بالتوكيل خلاف اجرة تركيبهم طبعا عندهم لان مفيش ميكانيكي يعرف في الرينو هنا
كنت عايز اعرف بنغير مجموعة الكاتنية عند كم كيلو وايه الاشياء الازم تغييرها مع المجموعة
شكرا

أعتقد إن 525 ريال ده سعر سير الكاتينة مع بلية الشداد فقط....إنما البليتين إلي ظاهريين في الصورة دول ممكن يعملوا 700-800 جم ومش لازم يتغيروا عندك لو مش عاملين صوت أو ونة

سير الكاتينة بيتغير كل 60 ألف كيلو أو ثلاث سنوات والأفضل تغير طلمبة المياه معه لأنها على نفس مسار سير الكاتينة ولو حصل بها عطل أو تسريب هتضطر تفك الكاتينة تاني عشان تركبها وده مش صح على السير ومكلف في نفس الوقت

طلمبة المياه هنا بتعملها 350 جم

وفقك الله

المشاركة الأصلية كتبت بواسطة nodey

شكرا لحضرتك ا عمرو ومن دواعي سروري ان حضرتك ترد علي اللاستشارة
عموما انا لا اعاني من اي مشكلة من طرمبة المياه واعتقد انها كانت متغيرة عند 60000 كيلو ولان السيارة عاملة 114 الف ك
ولما سئلت التوكيل قالي ان سعر السير مع اثنين شداد 525 ريال
مش عارف مش المفروض ان مجموعة الكاتينة بتركب كاملة وله عادي ممكن نغير الشير مع البيلة بدون الشدادات دي انا اتلخبطت شوية وازي اعرف ان طلمبة المياه عايزة تتغير
وعموما ان شاء الله هسئلهم في الصيانة بالتوكيل وجزاك الله خير

وجزاك

عموماً لو ده سعر المجموعة كلها فده يعتبر سعر ممتاز

متقدرش تعرف إذا كانت طلمبة المياه عايزة تغير غير لو لقتها بتسرب وأعتقد إن الطلمبات دي مش مصممة إنها تشتغل 120 ألف كم وممكن بعد ما تغير الكاتينة بـ20 أو 30 ألف كم الطلمبة تتلف.....الأفضل تغيرها عشان تبقى في السليم خاصة الأجواء عندكم حارة جداً

وفقك الله

هي إيطالي وزي الأصلي بضبط