هذا ما حدث معي بعد تغيير الكاتينة للكليو 1400

**nodey** · 23-12-2011 03:54 PM

السلام عليكم ورحمة الله
اقص عليكم تجربتي في تغيير مجموعة الكاتينة للكليو 1400 ماشيه 120000 الف كيلو
اسير و2 بلية اشتريتهم طقم علي بعضه من وكلة رينو بالرياض 425 ريال
طلمبة الميه كنت شاريها من مصر نوع جارف ايطالي علي حسب كلام البائع لكن عند ركيبها للاسف جابت ميه واشتريتها برضوا من الوكالة بسعر 435 ريال
التركيب كان في ورشة كبيرة متخصصة بالرينو الفرنسي والكوري والعمالة هندية فاهمة كويس التركيب في حوالي ساعتين اجرة التركيب 250 ريال
الملاحظ بعد التركيب
صوت الماتور حسه عالي شوية مع السلانسيه والشد برضوا حاسس ان الماتور خشن مش ناعم زي الاول
معرفش ايه السبب واللي عنده تفسير ياريت يوضح لي
تم تغيير البواجي اصلي وكالة وكذلك فلتر البنزين
السير القديم حسب ما شفته كان علي وشك القطع
لكن الطرمبة كانت ممكن تكمل كمان 20000 كيلو
ارجو تفسير وجود صوت الخشونه اللي بالماتور وكذلك حاسس ان الارام علي شوية علي السلانسيه
لو في طريقة لتقليل الار ام علي السلانسيه ارجة توضيحها
مشكورين

**Mohd_Adel_Amin** · 23-12-2011 09:56 PM

بص انا هقولك على موقف كان حصل معايا في الميجان 1 مشابه للي حضرتك بتقول عليه , بعد ما ركبت سير الكاتينة لقيت صوت الموتور اعلى وخشن وكان فيه صوت دربكه طالع من ناحية الكاتينة في الموتور بالاضافة ان العربية كانت بتاكل بنزين , اكتشفت بعدها ان سير الكاتينة اللي ركبت فيها مش بتاعها وكان زايد سنة(الاصلي 95 سنة واللي كان راكب 96 سنة ) علشان كده كان بتحصل الاعراض السابقة .

بس حضرتك بتقول شاري من التوكيل , فمش عارف هل معقولة ان التوكيل يغلط في سير كاتينة ممكن ملاك نفس الموديل من عربية حضرتك يعرفوك السير بتاعها كام سنة وتقارنه باللي ركبته , المفروض بيكون مكتوب على العلبة بتاعة السير كام سنة وبيستعمل في موديلات ايه ..
وبالتوفيق .

**nodey** · 24-12-2011 08:22 AM

اشكر لحضرتك ردك
لكن انا عطيت للبتاع التوكيل رقم الشاسيه بتاع العربية وطلع طقم الكاتينة
ورقم القطعة 7701477014
ولو خدت الرقم ده وبحت في جوجول في الصور هتلاقي انه الكيت بتاع كاتينة الكلية 1.4 1.6 والميجان 2 كمان 16فالف
في واحد بيقول انه الميكانيكي تقريبا مقدم سنه او مأخر سنه
شوف الاحساس انه صوت الماتور عالي وكمان في نقر والعربية علي السلانسية تحس انها واخدة كهربة زيادة مع ان مؤشر الار ام علي السلانسيه ثابت ومش بيعلب الا اوقات بسيطة وملاحظ ان العربية بتسخن بسرعة
مش عارف اعمل ايه معقولة يكون الطقم مش بتاعها
انا اعرف ان عدد الاسنان بتاع السير تقريبا 132 سنه
مش متأكد
مش عراف اعمل ايه وهل النقر ده بيثر علي الماتور واذا سافرت بيها تاني لضبطها مسافة 700 كم فيها ضررولا ايه اا احترت والله

**nodey** · 24-12-2011 08:38 AM

هذا معلومات السير من موقع بيع علي النت ويحمل نفس رقم القطعه

Number of Teeth 132
Belt Length (mm) 1257
Belt Width (mm) 27
Belt Kit .......s 1 Belt, 1 Tensioner, 1 Idler & 2 Sealing Caps
Belt Part Number VTB743

**albasha** · 28-12-2011 08:22 AM

واضح إن السير مأخر سنه وبالتالي بيحصل النقر لأن الحرق مش بيتم في ميعاده وبكده إنت مضطر تروح لحد تاني أو ترجع للي ركب وتقوله راجع علي السير تاني وخد بالك العماله الأسيويه بيحبوا يستهبلوا شويه لما يلاقوا اللي قدامهم مش فاهم

**medododo** · 28-12-2011 09:23 AM

المشاركة الأصلية كتبت بواسطة albasha

واضح إن السير مأخر سنه وبالتالي بيحصل النقر لأن الحرق مش بيتم في ميعاده وبكده إنت مضطر تروح لحد تاني أو ترجع للي ركب وتقوله راجع علي السير تاني وخد بالك العماله الأسيويه بيحبوا يستهبلوا شويه لما يلاقوا اللي قدامهم مش فاهم

+11111111111111

أنت دافع فلوس
إرجع للورشة تاني

**nodey** · 28-12-2011 07:27 PM

شكرا لحضرتك بالفعل رجعت للفني بالورشة بس سفر لمدة 8ساعات الي الرياض وبالفعل تم ضبط السير وبقت تمام بس حصل معي شوية حاجات محتاج تفسير ليها
اولا اني غيرت زيت الماتور قبل السفر مع فلتر للزيت بس تخيل وصلت الرياض وجدت الفتر مرشح بمسكه لقتيه شبه مفكوك
طبعا خفت علي الماتور ونزلت الزيت الحمد لله مطلعش ناقص كتيير تقريا ربع لتر وحطيت زيت جديد وربطت الفلتر
الشي الثاني ظهر من الفتيس طبعا اتوماتيك والفمروض ان الفرنسيين يبطلوا انتاج الاتوماتيك طالما مش عافيين يصنعوا واحد بدون مشاكل
قبل ما اسافر غيرت زيت الفتيس 3.5 لتر
بس لاحظت اني لما بزود سرعة السيارة الي اعلي من120 كم تسخن زيادة وتظهر لمبة الفتيس بالطبلوه وكنت قرات مشاركو لاحد الاعضاء بيعاني من هذه المشكلة وقفت العربية وفتحت الكبوت وانتظرت 10 دقائق واشتغلت مروحة التبريد ومشيت تمام علي 120 /الساعه
الملاحظ ان الجير نشع زيت تحتيه مش عارف جي منين
الحاجة التانية اني لاحظت فيه انبوب بلاستيك عامل زي القلم كدا قافل بذبوز من الفتيس وموقعه تحت علبة زيت الفرامل علي جسم الفتيس لما الجير بيعطي مشكلة الحرارة بلاحظ ان الجزء ده مخرج زيت ونطره تحت وفي بخار زيت طالع منه
حاسس انه كدا كل ما يسخن الفتيس ينزل شوية زيتوبكدا الزيت هيقل
ايه سبب خروج الزيت من الفتحة دي وهل منوسيلة لمنع الترشيح علي جسم الفتيس وايه سبب وصول الفتيس الي الافر هيتينج

**pop13** · 29-12-2011 03:46 PM

اسلام عليكم جميعن كدة خلفة تقسيمة خد العربية بسرعة وروح لى الا مكنيكى الى عملها علشان ممكن تكسر عمود الكامة و تعوج صباب وتكسر وش السلندر

**POP2000** · 01-01-2012 09:12 AM

بعد اذنك استاذ نودي انا في الرياض و عايز حد بيفهم ممكن توصفلي مكانهم او التليفون رجاءا

**nodey** · 10-01-2012 12:07 PM

اهلا بحضرتك
شوف الورشة دي المشرف عليها حس كلامه وهو هندي الجنسية كان شغال في توكيل الزاهد
لكن تقيما للامر اعطيه 80 في الميه خبرة واداء
وصف الورشة تدخل صناعية الموسي من مخرج 21 الدائري الجنوبي
عند مسلخ الرياض تتصل علي الاخ حمزة هيرد عليك وهيكون قريب منك توصله بسرعه وده رقم تليفونه 0502934280
تحياتي لحضرتك واي حاجة تحتاجها اتصل علي رقم تليفوني ارستله لك علي الخاص
وعندي طرمبة مياه ايطالي نوع جراف جهزتها عشان اركبها لقيت الموجودة تمام لاني منت بغير طقم الكاتينة وقولت اص علي طرمبة المياه طلع انه الاخ اللي انا اشتريت منه كان مغيرها قريب