السلام عليكم و رحمة الله و بركاته
اهلا وسهلا اعضاء قسم مستوبيشي و اعضاء نايل موتورز
الحمد لله ركبت فرش جلد لعربيتي لانسر شارك عند شركة "جينز كار" لفرش السيارات,,و الحمد لله الفرش طلع جميل جداا و معمول بدقة و احترافية عالية
اولا:احب اوضح ان شركة جينز كار ليست متخصصة في تفصيل جلد بس,,لكن يوجد عدة اختيارات اذا كان جلد او قماش او قماش مع جلد
و طبعا كل ده حسب رغبتك من أحدى الاختيارات السابقة,و ايضا يوجد خامات و قصات كثيرة و ده اللي حنتكلم عليه لاحقا ان شاء الله
طبعا عارف ان معظم الناس حتسألني على السعر او التكلفة
بالنسبة للتكلفة:
تحديد السعر او التكلفة يتحكم فيه عاملين:
1-حجم و قصة و خياطة السيارة(و طبعا كل ده من الداخل)
2-الخامات اللي بيتم اختيارها من قبل العميل
الشارك اسعارها بتبدأ من 800 جنيه حتى 2000 جنيه
و طبعا زي ما قولت فوق ان السعر بيتحدد على اساس عاملين
*بالنسبة للعامل الاول بيتوقف على حجم السيارة من الداخل زي مثلا الفرق بين صالون البيكانتو و الشارك,,فرق كبير و شغل أكبر حيكون من نصيب الشارك و كذلك برده بالنسبة للقصات و الخياطات
*بالنسبة للخياطات ليها 4 انواع:-
اولا:خياطة من الداخل فقط ( و ده بيكون زي فرش الفابريكة اللي جاي في العربية و طبعا أنا قصدي على الفرش القماش)
ثانيا:خياطة الطرفين و بينهم فلتو مبروم
ثالثا:خياطة من الداخل فقط ثم دور خياطة اخر على طرف واحد(زي بطلونات الجينز كده في الخياطة اللي من الاجناب)
رابعا:خياطة دبل فيما معناها خياطة من الداخل ثم خياطة من الخارج عدد 2 دور كل دور على طرف( و ده اللي حنشوفه في صور الفرش ان شاء الله)
انا عارف ان الكلام صعب شوية لبعض الناس,,بس حاولت انزل صور لأنواع الخياطات دي و للاسف كانت مساحة الصور كبيرة
*بالنسبة للعامل التاني اللي هو الخامات,فالخامات متعددة و متنوعة و بتفرق من حيث السمك و النقشة و الجودة
احب اوضح نقطة بالنسبة للخيط
الخيط ليه نوعين:-
1-خيط قطن و ده ممكن يتغير لونه مع التنظيف
2-خيط بلاستيك و ده اللي بيشتغل بيه جينز كار نظرا لحسن جودته و مميزاته و قوته
الخيط البلاستيك بيتكون من 3 خيوط و كل خيط من التلاتة خيوط بيتكون من 3 خيوط,يعني 9 خيوط في خيط واحد
و الخيط البلاستيك بيتميز بقوته و كمان ان لونه لا يمكن ان يتغير ابدا
الجلد اللي انا ركبته من أجود و أفضل انواع الخامات و هو امريكي
و شركة "جينز كار" بتستخدم نوعين من الجلد و هما جلد امريكي و جلد الماني
و كلهم عليهم ضمان من 4 سنوات حتى 5 سنوات
و الضمان بيشمل او بيكون على الخيط المستخدم و على عدم التقشير و على عدم تغيير لون الجلد و ايضا على غسيل الجلد بالماء و الصابون دون اي تأثير على الجلد
تعالو نشوف الصور مع الشرح
طبعا دي صورة الكرسي و الكنبة الخلفية قبل تركيب الفرش
و دي الكنبة الخلفية لوحدها
نيجي بقى للشغل الجامد
شايفين طبعا الفرق بين الفابريكة و شغل جينز كار اكنه زي الفابريكة بالضبط بس جلد ;-)
نكمل بعد الفاصل
المفضلات