اين يوجد فلتر التكييف في سيارات سيات ؟

**behman** · 10-06-2011 03:52 AM

اخي العزيز فكه سهل جدا
عندي في عربيتي الكوردوبا 2002 لقيت الجزء الفبر اللي تحت الزجاج الأمامي واللي متركب فوقه المساحات عبارة عن جزئين منفصلين وبيركبو في بعض ضغط عند التثبيت
المهم الطريقة كالأتي لفك فلتر التكييف :-
1- افتح كبوت العربية وشيل الجزء الكاوتش اللي بيقفل عليه الكبوت ناحية صدر العربية
2- اسحب الجزء السفلي من الفبر اللي تحت الزجاج والقريب من الكاوتش برفق هتلاقيه طلع في ايدك لوحده لأنه مش متثبت بمسامير هو فقط راكب ضغط وهتلاقيه طلع جزئين جزء شمال شرائح لتصفية المياة وجزء يمين متقفل تماما
خلي بالك اني مفكيتش المساحات ولا الجزء المتركب تحتها لأنه منفصل تماما عن الجزء اللي راكب تحته الفلتر
3- الجزء اليمين ده لما تشيله هتلاقي قدامك فلتر التكييف واضح زي الشمس هتلاقي الفلتر له دايرخارجي فبر ومن الداخل شرائح الفلتر هتسحب الجزء الفبر ده برفق لفوق هتلاقي الفلتر طلع في ايدك لأنه راكب ضغط أيضا بدونمسامير تثبيت ليكون سهل الفك والتنظيف

وبس وان شاء الله هدعم الموضوع بصور بكرة لتعم الفائدة
وجزاهم الله خيرا الأخوة اللي عرفونا نبدأ منين

جزاك الله خير انت كمان عشان عرفتنا نبدأ منين :)

**ahmedtunning** · 10-06-2011 11:52 AM

المشاركة الأصلية كتبت بواسطة ehab_mansour

اخي العزيز فكه سهل جدا
عندي في عربيتي الكوردوبا 2002 لقيت الجزء الفبر اللي تحت الزجاج الأمامي واللي متركب فوقه المساحات عبارة عن جزئين منفصلين وبيركبو في بعض ضغط عند التثبيت
المهم الطريقة كالأتي لفك فلتر التكييف :-
1- افتح كبوت العربية وشيل الجزء الكاوتش اللي بيقفل عليه الكبوت ناحية صدر العربية
2- اسحب الجزء السفلي من الفبر اللي تحت الزجاج والقريب من الكاوتش برفق هتلاقيه طلع في ايدك لوحده لأنه مش متثبت بمسامير هو فقط راكب ضغط وهتلاقيه طلع جزئين جزء شمال شرائح لتصفية المياة وجزء يمين متقفل تماما
خلي بالك اني مفكيتش المساحات ولا الجزء المتركب تحتها لأنه منفصل تماما عن الجزء اللي راكب تحته الفلتر
3- الجزء اليمين ده لما تشيله هتلاقي قدامك فلتر التكييف واضح زي الشمس هتلاقي الفلتر له دايرخارجي فبر ومن الداخل شرائح الفلتر هتسحب الجزء الفبر ده برفق لفوق هتلاقي الفلتر طلع في ايدك لأنه راكب ضغط أيضا بدونمسامير تثبيت ليكون سهل الفك والتنظيف

وبس وان شاء الله هدعم الموضوع بصور بكرة لتعم الفائدة
وجزاهم الله خيرا الأخوة اللي عرفونا نبدأ منين

تسلم ايدك اي هندسة انا نازل اجرب النهاردة ان شاء الله

**ehab_mansour** · 10-06-2011 12:09 PM

السلام عليكم

1- دي صورة الفلتر بعد التنظيف

Uploaded with ImageShack.us
2- ودي صورة من الجنب للفلتر وواضح عليه علامة فولكس واتجاه التركيب وكمان صور له بعد تركيب الفريم الفبر اللي حول الفلتر واللي بيتثبت بيه

Uploaded with ImageShack.us

Uploaded with ImageShack.us

Uploaded with ImageShack.us
3-دي صورة الجزء الفبر اللي فوق الفلتر

Uploaded with ImageShack.us
4- ودي صورة الجزء المكمل للفبر اللي فوق الفلتر

Uploaded with ImageShack.us
5- دي صورة الفلتر بعد التركيب وهو في مكانه وطبعا الدنيا حوليه كلها وسخ وورق شجر وخلافه ولكن هبقي أنظفها بعدين ان شاء الله

Uploaded with ImageShack.us

Uploaded with ImageShack.us

وان شاء الله هجرب التكييف و أقلكم علي أخر الأخبار لما أخلصه تنظيف وصيانة ولما يبقي تمام
وطبعا عملت شغل تاني في العربية أمس ولكن للأسف مصورتش حاجه ولو حد محتاجها يقلي أشرحها
1- تنظيف أطراف سلوك البوجيهات
2- تركيب وش أسبراتير وشاكوش جديد وبعدهم العربية فرقت كتيييييييير في نطقتها وهي بتدور ولسه تجربة المشي بعدين لما أخرج بيها ان شاء الله
3- ضبط كهرباء العربية من الأسبراتير
4- تركيب فلتر الهواء وتنظيف بوابة الانجكشن

وربنا يوفقنا جميعا لما يحبه ويرضاه

**ehab_mansour** · 10-06-2011 04:06 PM

المشاركة الأصلية كتبت بواسطة behman

الف شكر ليك يا ايهاب بك علي الافاده
بس اللي مركب تكييف ماعندوش الفلتر ده ... عندي مثلا ابيزا 94 و مافيش :(

ربنا يكرمك أخي الفاضل
الفلتر مش موجود غير في العربيات اللي نازل فيها تكييف من المصنع لأن الفلتر بعده مباشرة بوابة تحويل الهواء من الخارج للداخل او من الداخل للداخل فقط (recycle) وبعديها البلاور و العربيات اللي بيتركب فيها تكييف علي حسب اعتقادي وفهمي انهم بيخلوه recycle فقط لأنهم بيعملو فتحات لدخول مواسير الفريون للثلاجه الداخلية او الكويل فقط وبيشغلو البلاور ياخد من الداخل للداخل فقط

وده علي حسب كلام الصنايعي اللي كان هيركبلي تكييف في الابيزا ال 98 اللي بعتها وانا رفضت أركب

ولو حد عنده معلومات أخري ياريت يفيدنا واللي مركب تكييف اوعنده اوريجينال ياريت يقلنا عامل ايه وقت الظهيرة وهل عمله صيانة قبل كده ولا لأ وايه اللي اتعمل وهكذا لتعم الفائدة
وجزاكم الله خيرا

**ehab_mansour** · 10-06-2011 11:56 PM

المشاركة الأصلية كتبت بواسطة ahmedtunning

مشكووووووووووووور يا ehab_mansour تمام الفلتر اتفك بس فيه حاجة بقي
عايز اجيب واحد جديد منين و اروح اقول للراجل ايه عشان الفلتر اللي عندي حرام فيه التنضيف عشان جب اخره

فكه وخده في ايدك وانزل الحرفيين عند محلات قطع غيار الجديد وهات أخوه بنفس البيانات اللي مكتوبة عليه واللي موجوده في الصور فوق ولو ملقيتش هات اللي تلاقيه لأن صعب يكون موجود زي الأصلي بالضبط ومتنساش تحط مكانه قطعه أسفنج لحد متركب الجديد عشان ميقعش حاجه داخل الفتحة وتبوظلك البلاور وكمان توسخلك الثلاجة الداخلية

وبالتوفيق ان شاء الله

**SYD** · 11-06-2011 03:34 PM

الله ينور يا باشمهندس ايهاب
انا كمان انشاء الله هفك واشوف الدنيا فيها ايه عندي
التكييف عندي ماشاء الله عليه تبريده كويس لكن لو الجو حر اووووووووي بيبقي زي المروحة السقف بالظبط

والله المستعان
،
،