اين يوجد فلتر التكييف في سيارات سيات ؟

**ahmedtunning** · 14-06-2011 02:46 AM

نزلت جبت فلتر تكيف جديد الحمد لله ب 60 جنيه من فتح الباب

**ehab_mansour** · 14-06-2011 08:57 AM

المشاركة الأصلية كتبت بواسطة ahmedtunning

نزلت جبت فلتر تكيف جديد الحمد لله ب 60 جنيه من فتح الباب

الحمد لله ويا تري نوعه ايه وتصنيعه فين ؟

**ehab_mansour** · 14-06-2011 02:20 PM

المشاركة الأصلية كتبت بواسطة ahmedtunning

نوعه الماني وزي القديم بالظبط مفيش فرق

طيب الحمد لله هل فرق معاك بعد ماركبته
انا لمانظفت الفلتر عندي فرق كتير مع التكييف والحمد لله بقيت أحس ببرودة الهواء الخارج من الفتحات فعلا

سؤال أخر للناس أصحاب السيارات المكيفة جميعا و ارجو الرد لتعم الفائدة جزاكم الله خيرا
ماذا يحدث عند بدء تشغيل التكييف ؟
1- هل بيحصل نزول بسيط للفات الموتور وبعد كده ترفع شوية بسيطة وتثبت ؟
2- هل يوجد رجة مع تشغيل التكييف ؟
3- ايه اللي بيحصل في سحب العربية طبيعي ولا بيتأثر وما مدي التأثير

منتظر التعليقات

**ehab_mansour** · 14-06-2011 11:43 PM

المشاركة الأصلية كتبت بواسطة alzelafy

يا ريت تقولنا يا ايهاب باشا بتعمل شغلك فين للتكييف و الراجل اللى قالك هركبلك تكييف فى الابيزا بردو فين و يا ترى حسيت انو متمكن و فاهم و لا بياع كلام

وحشني يا راجل عامل ايه علي فكرة انا نازل المنصورة بكرة ان شاء الله هعمل حاجه بسيطة كده في العربية وبعدين هروح بلدنا وبعدين هرجع ان شاء الله علي يوم الجمعه القاهرة لوهتبقي هناك نتقابل أحسن بكرة قبل المغرب كده

هههههههههه والله معظمهم بياعين كلام ومعدتش بثق في حد ومركبتش تكييف انا غيرت العربية خالص بعت الابيزا واشتريت قرطبة 2002 كاملة
بالنسبة لشغل التكييف معملتش حاجه لسه انا فقط لقيته ضعيف فقلت أعمل شغلي بنفسي بدلا من الاشتغالات ففكيت الفلتر ونظفته والحمد لله دلوقتي كويس جدا وبالنسبالي مريحني والحمد لله ومش محتاج أكتر من كده

ونصيحة مني عايز تكييف يبقي تغير لكن تركيب وتكاليف فوق ال 3500 وتعديل وجع قلب وفي الأخر مش هيفرق مع العربية كتير وسعرها .....دي وجهة نظري والله الموفق

**SYD** · 26-06-2011 04:13 PM

المشاركة الأصلية كتبت بواسطة ehab_mansour

علي فكرة اللي انت بتتكلم عليه ده وتقصده مش الفلتر اللي احنا نقصده خالص ده جزء من دورة التكيف وراكب مع مواسير التكييف بس مش فاكر اسمه ايه هدور و أقلك لأني شفته لما اتقابلنا في عربيتك وغالبا طالما عندك التكييف متركب مش أصلي يبقي مفيهوش فلتر للهواء وشغال داخلي فقط

فلتر التكييف اللي انا أقصده الحمد لله فكيته النهارده وطلع في المكان اللي الرجاله قالو عليه وهو عبارة عن فلتر هواء شبيه بفلتر هواء المحرك ولما فكيته لقيته مسدود تماما ومليان تراب بدخان بعوادم بورق شجر وبذور شجر وكلما تشتهي الأنفس وقعدت أنفخ فيه بالبلاور و أنظف فيه حوالي نصف ساعه وشكله بيقول انه متفكش من مكانه من يوم متصنعت العربية دي

وان شاء الله هصورلكم الفلتر وموضعه وفائدته ونوعه وطريقة تركيبه بس لما يطلع النهار بكرة ان شاء الله لأني فكيت ونظفت لكن لسه مركبتش
والله الموفق

ياباشا النهاردة فكيت الطوربيدو ولقيت عندي حاجة كدة بلاستيك مش باين لها ملامح
ولما دققت اوي فيها من تحت ورق الشجر والتراب لقيتها فلتر التكييف
تفتكر كدة التكييف يبقي اورجينال ؟؟؟ ولا متركب بنظافة ؟؟

والله المستعان
،
،

**ehab_mansour** · 26-06-2011 04:26 PM

المشاركة الأصلية كتبت بواسطة syd

ياباشا النهاردة فكيت الطوربيدو ولقيت عندي حاجة كدة بلاستيك مش باين لها ملامح
ولما دققت اوي فيها من تحت ورق الشجر والتراب لقيتها فلتر التكييف
تفتكر كدة التكييف يبقي اورجينال ؟؟؟ ولا متركب بنظافة ؟؟

والله المستعان
،
،

أعتقد كده يبقي اوريجينال لأن مافيش حد بيركب تكييف ويفتح في صدر العربية غير للمكان اللي بيدخل منه المواسير التبريد للسربنتينه الداخلية

ولأن الفتحة اللي تحت الفلتر عليها بوابة وصعب حد يركب القصة دي كلها

**SYD** · 26-06-2011 04:29 PM

المشاركة الأصلية كتبت بواسطة ehab_mansour

اخي العزيز فكه سهل جدا
عندي في عربيتي الكوردوبا 2002 لقيت الجزء الفبر اللي تحت الزجاج الأمامي واللي متركب فوقه المساحات عبارة عن جزئين منفصلين وبيركبو في بعض ضغط عند التثبيت
المهم الطريقة كالأتي لفك فلتر التكييف :-
1- افتح كبوت العربية وشيل الجزء الكاوتش اللي بيقفل عليه الكبوت ناحية صدر العربية
2- اسحب الجزء السفلي من الفبر اللي تحت الزجاج والقريب من الكاوتش برفق هتلاقيه طلع في ايدك لوحده لأنه مش متثبت بمسامير هو فقط راكب ضغط وهتلاقيه طلع جزئين جزء شمال شرائح لتصفية المياة وجزء يمين متقفل تماما
خلي بالك اني مفكيتش المساحات ولا الجزء المتركب تحتها لأنه منفصل تماما عن الجزء اللي راكب تحته الفلتر
3- الجزء اليمين ده لما تشيله هتلاقي قدامك فلتر التكييف واضح زي الشمس هتلاقي الفلتر له دايرخارجي فبر ومن الداخل شرائح الفلتر هتسحب الجزء الفبر ده برفق لفوق هتلاقي الفلتر طلع في ايدك لأنه راكب ضغط أيضا بدونمسامير تثبيت ليكون سهل الفك والتنظيف

وبس وان شاء الله هدعم الموضوع بصور بكرة لتعم الفائدة
وجزاهم الله خيرا الأخوة اللي عرفونا نبدأ منين

11111111111111+

**SYD** · 26-06-2011 04:34 PM

المشاركة الأصلية كتبت بواسطة ehab_mansour

أعتقد كده يبقي اوريجينال لأن مافيش حد بيركب تكييف ويفتح في صدر العربية غير للمكان اللي بيدخل منه المواسير التبريد للسربنتينه الداخلية

ولأن الفتحة اللي تحت الفلتر عليها بوابة وصعب حد يركب القصة دي كلها

ربنا يطمن قلبك يا باشمهندس
فاكر كمان ياباشمهندس لما انت شفت فتحات المواسير وقولتلي ان التقفيل دة شغل فبريكة مش ورشة

انا لما شيلت الفلتر وعلبته لقيت فتحة كبيرة وباين منها المروحة بتاعة توزيع الهوا داخل الصالون
صح كدة ولا في حاجة متشالة عندي؟؟؟

انا ركبته تاني لحد لما اشتري واحد جديد وهروح انظف مكانه بالهوفر عند اي محطة

ولو احتجت حاجة تاني هتقل عليك شوية ياباشمهندس

والله المستعان
،
،

الموضوع: اين يوجد فلتر التكييف في سيارات سيات ؟

LinkBack

أدوات الموضوع

عرض

-

-

-

-

-

-

-

المواضيع المتشابهه

اين يوجد توكيل سيات

فك وتنظيف فلتر التكييف + هوايات التكييف اليمين والمنتصف والشمال (الطريقة الصحيحة )

غيرت فلتر التكييف ولاحظت صوت مع تشغيل التكييف

هل يوجد حل نهائي للسخونه في سيات 133؟

هل يوجد فلتر تكييف ؟؟

الكلمات الدلالية لهذا الموضوع

المفضلات

المفضلات

ضوابط المشاركة