الموضوع: ساجا ولا بريليانس ولا اسبرانزا ولا رينو ولا لانوس ؟

السلام عليكم

معلش يا جماعة مينفعش نعمل استفتاء لاني محتار جدا وبتزيد حيرتي اكتر كل ما اقرأ المقارنات خصوصا ان القيمة السعرية الي هتكلم فيها بتحصر الاختيارات بين مجموعة عربيات متشابهة جدا

وقرأت كتير وللاسف موصلتش لحاجة

انا بتكلم عن عربيات بقيمة من بين 65 ل 75 الف جنية وطبعا وانتوا سيد العارفين ان اشهر العربيات في المجموعة دي والي انا محتار بينهم كالاتالي وان شاء الله اجيب عربية منهم

بروتون ساجا
بريليانس fsv
اسبرانزا m 11
رينو لوجان
لانوس

يمكن في انواع تانية بس هم دول الي انا بختار بينهم
فيا ريت اوصل معاكم لحل خصوصا اني لمست في منتداكم الجميل ان ما شاء الله معظمكم على دراية جيدة بعالم السيارات

وشكرا

المشاركة الأصلية كتبت بواسطة moustafa_saad

تانى

مواضيع المقارنات ماليه المنتدى وللاسف كل واحد بيتعصب لعربيته وفى الاخر الموضوع بينتهى بايقاف عدد لاباس به من الاعضاء
انصحك دور بنفسك فى كل قسم واعرف العيوب والمميزات واعرف احتياجاتك الاول من العربيه
بس انا عموما عندى عقدة الصينى

اهلا وسهلا بيك
انا تابعت المنتدى وشوفت فيه كتير حتى انت شوفتلك مشاركات كتير وتقريبا فيها مشاركات بتحمل نفس معنى مشاركتك دي
انت فعلا عندك حق
كل واحد بيتعصب لعربيته او على الاقل مش عايز يحس انه دفع فلوسه في حاجة مش كويسة
وانا مؤمن جدا ان كل عربية فيها مميزات وعيوب واكيد مفيش شركة هتنزل عربية فيها كل حاجة وبالسعر دا
دا حتى البي ام والمرسيدس ممكن نسمع عن عيوب فيها

انا بس هسألك سؤال محدد ليه عندك عقدة من الصيني لاني شايف سوقه ماشي برغم التحذيرات
وبيني وبينك انا ميال جدا للساجا الاوتوماتك وعايز بس اطمن

وشكرا لاهتمامك

المشاركة الأصلية كتبت بواسطة kimotop

اهلا وسهلا بيك
انا تابعت المنتدى وشوفت فيه كتير حتى انت شوفتلك مشاركات كتير وتقريبا فيها مشاركات بتحمل نفس معنى مشاركتك دي
انت فعلا عندك حق
كل واحد بيتعصب لعربيته او على الاقل مش عايز يحس انه دفع فلوسه في حاجة مش كويسة
وانا مؤمن جدا ان كل عربية فيها مميزات وعيوب واكيد مفيش شركة هتنزل عربية فيها كل حاجة وبالسعر دا
دا حتى البي ام والمرسيدس ممكن نسمع عن عيوب فيها

انا بس هسألك سؤال محدد ليه عندك عقدة من الصيني لاني شايف سوقه ماشي برغم التحذيرات
وبيني وبينك انا ميال جدا للساجا الاوتوماتك وعايز بس اطمن

وشكرا لاهتمامك

انا من رايك يااخي كفاية ان الساجا تقفيل ماليزي ونسبة التسارع بينها وبين الوجان الساجا تتفوق انا نفس حيرتك بس ميال اوي للساجا بس خايف من قطع غيارها وتوكيلها انما السيارة كاوبشن وتوفير للبنزين اعتقداحسن انا مجربتهاش بس من كتر ماقرات وشفت فيديوهات عنها ميال ليها ربنا الموفق ليا وليك وميال بردة شوية للبي واي دي الصيني والله يااخي الصيني دة ملوش حل بس عقدت الخواجة بتاعتنا منها من قلة الدعايا للفئات الصيني بتقلقنا وانتم عارفين ان شركة زي bmw بتقفل ف مصانع برليانس ف الصين لدرجة ان البرليانس واخدة شكل امامي منها واسف علي الاطالة

المشاركة الأصلية كتبت بواسطة ringoo

يبقى الموضوع مكانه قسم بروتون وزى ما انت عارف كل عربية لها مميزاتها وليها عيوبها
وانا معايا لوجان وبقولك ابعد عنها وشيلها من المقارنة علشان لو اشترتها حيتحرق دمك كل شوية

طب ممكن نعرف من حضرتك أية هى المشاكل اللى قابلتك مع اللوجان ؟

المشاركة الأصلية كتبت بواسطة ghosts

طب ممكن نعرف من حضرتك أية هى المشاكل اللى قابلتك مع اللوجان ؟

بالضبط كدة قول المشاكل اللى قابلتك مع العربية و يا ريت تبقى المقارنة بموضوعية شوية و منتكلمش كدة و خلاص و اتقى الله يجعل لك مخرجا و تأكد انك لو قولت على مشكلتك هحاول اساعدك انا و اعضاء اللوجان بقدر الأمكان و مش عاوزك تزعل منى و تقبل خااااااااالص تحياتى ....

المشاركة الأصلية كتبت بواسطة ringoo

اه طبعا زعلت منك جدا
ايه الاسلوب دة .. ومساعدة ايه اللى حاخدها منك بعد الاسلوب اللى انت كلمتنى بيه دة
وموضوعيه ايه اللى حتكلم بيها اذا كان حضرتك لم تذكر اى عيب من عيوب العربية .. فين الموضوعية !!
وعلشان سعادتك تعرف اد ايه انك متسرع فى الحكم على الاخرين انا ماعنديش مشاكل فى العربية
وحرقة الدم بتيجى من الكلام اللى بيتقال على العربية مش من عيب فى العربية
ولعلمك الاسلوب اللى بتتكلم بيه دة احد الاسباب اللى بتجعل ناس كتير متحفزة لاى موضوع يجى فيه سيرة اللوجان ودة من اهم اسباب حرقة الدم
ولعلم حضرتك انا ممكن اخد المشاركة بتاعتك واحولك المميزات دى كلها عيوب واعملك احلى قائمة عيوب
................................
يا ريت لو سمحت لو واحد معاه لوجان او معهوش عايز ينتقد اللوجان او يقول انه عنده مشاكل فيها
يا ريت ماتحجرش على رأيه وسيبه يتكلم بدل ما تتهمه بالكذب وانه ماعهوش العربية وانه من الثورة المضادة على العربية
ويا ريت تفتكر انه كما تدين تدان .. لانك ممكن فى يوم من الايام تدخل المنتدى تعرض شكوى ليك وتلاقى هجوم وتكذيب وانك ماعكش العربية وداخل تقول كلام فى الهواء زى ما بتقول

يا باشا مع كامل احترامى لحضرتك انا مش قصدى اجرح حضرتك بالكلام و لا حاجة من دى و لا متحيز للعربية و انا مش قاصدى عليك و انا معرفكش قبل كدة علشان اتهمك بالكذب انا بقول مثلا يعنى انت علقت على ممكن ميكونش معاك لوجان و يتتكلم فى الهواء و خلاص و سيبت ممكن تكون عربية حضرتك عاملة حادثة مثلا انا بفترض مش اكثر انما حضرتك مش كذاب و لا حاجة حضرتك انسان محترم للغاية و بالنسبة لعيوب العربية فالعربية بقلها معايا فترة قليلة فابلتالى مظهر فيها عيوب و لله الحمد ...
بس انا ممكن اتكلم عن بعض العيوب اللى ظهرت مع احد الأعضاء فمثلا فى ناس عندها تصفيرة غريبة بعد 120 و انا كان عندى هذا العيب و التوكيل حل هذه المشكلة و لله الحمد .......
فى ناس عندها اهتزاز فى دواسة البنزين و التوكيل بيحل هذه المشكلة برضه ....
و بالنسبة للأهتزاز الفتيس فدة بينتهى بعد 3000 كيلو و مكتوب فى الكتالوج بتاع العربية انها بتعمل بكفائة بعد 3000 كيلو و بعدين مش مداقانى و مش مأثر على اى حاجة فى العربية ....
فأعتقد ان كل هذه العيوب مش جوهرية للدرجة و بعدين التوكيل بيتغلب عليها و لله الحمد ....
و بعدين احنا مش هنخسر بعض علشان عربية يا باشا دى حتة حديد و ماشية على شوية هواء ....
بجد والله انا مقصدش ازعل حضرتك و لا اى حاجة و لو زعلت منى احب اقولك انا اسف ....
فى النهاية اسف على الأطالة و مش عاوز حد يزعل منى و ربنا يوفق صاحب القرار و يباركله فى العربية اللى هيشتريها سواء لوجان او غير لوجان و بعدين احنا اخوات و بنكمل بعض و بنتعلم من بعض و بعدين مش هنخسر بعض علشان حتة عربية .....