الموضوع: ساجا ولا بريليانس ولا اسبرانزا ولا رينو ولا لانوس ؟

واضح ان المقارانات بين بروتن ساجا ورينو لوجان كتير, وانا شايف ان العربيتين حلوين وكل واحدة ليها مزاياها وعيوبها, والموضوع كله يرجعلك عايز عربية منتشرة هتسهلك موضوع قطع الغيار والتصليح لوجان ولا عرابية كفئتها عالية وتقفيلها احسن و شكلها شبابي بس شنطيتها اصغر وقطع الغيار مش منتشرة بس سعرها مش عالي قوي ساجا, وبصراحة انا شايف ان البروتون بدأت تنتشر وشوفت فيديو عن المصانع بتاعتهم تحفة بس مشكلتها ان تاريخها مش زي الرينو ولا البيجو مثلا, واحب برده اقول ان موضوع الانتشار مش مؤشر لكفائة السيارة, وربنا يوفق الجميع

المشاركة الأصلية كتبت بواسطة amr.elsayed

يبقى الموضوع مكانه قسم بروتون وزى ما انت عارف كل عربية لها مميزاتها وليها عيوبها
وانا معايا لوجان وبقولك ابعد عنها وشيلها من المقارنة علشان لو اشترتها حيتحرق دمك كل شوية

حضرتك معاك لوجان موديل كام ؟؟؟؟
وإية المشاكل اللي فيها تحرق الدم ؟؟؟؟

بصراحة من كتر الكلام علي مزايها أنا نويت اشتريها .
فياريت حضرتك توضح ليه قبل ما اشتري العيوب اللي فيها تخليني اندم علي شرائها ؟؟؟؟
منتظر الشرح تفصيلا لو سمحت ؟؟؟

المشاركة الأصلية كتبت بواسطة ahmed a rahman

باشا اقرا المشاركة رقم 14 تاني

أنا شفت المشاركة رقم 14 يا أحمد باشا
ولاقيت كلام أ/ عمرو السيد . ليس فيه أي انتقاد للوجان .
مع علمي إنه يملك اللوجان وليس ضدها .

للعلم انا اول مره اشارك برأي على نايل موتورز.

انا كان معايا بريليانس اف ايس في , طبعا كتير مركبوهاش بس انا هقول مميزات وعيوب
1- ارتفاع عن الارض ممتاز جدا وانت مركب فيها 5 بتاحد اي مطب وانت مستقيم ولا بتلف ولا تموج
2- سرعه جباره جداااااااااااااااااااااا واستهلاك بنزين 600 كيلو قالتفويله
3- ثبات ومراوغه اكتر من رائعه ومش بتعوم بعد ال 160 او 180 وعفشه ناعمه جداااااااااااا
4- وسع كبير جدا من جوه
5- تابوله شيك جدااااااااااااااااا جدااااااااااااااااا
6- عزل فوق الممتاز

عيوبها
1 فقط قد لايتواجد في سيارات اخرى وهو التقفيل مش 10/10 يعني رحت التوكيل مرتين لان الباب كان بيعمل صوت لما بهدي سرعه العربيه واتحلت الحمدلله

طبعا في ناس هتقول واحد معاه بريليانس لازم يشكر فيها , انا ركبت ابيزا واسبرانزا وبعت البريليناس للتغيير وحبيت اركب جيب فجبت تريوس , والله بلوم نفسي 100000 مره كل يوم
العربيه تتفوق على كل من الاتي وعن تجربة وللعلم قطع غيار مش غاليه نهااااائي
دايو لانوس و اوبترا ونيسان صني و افيو ونوبيرا و سيارتو وياريس ولوجان وميجان وستروين

شكراااااااااااااااااااااا ااااا