الموضوع: bmw320iارجو الافاده عشان احترت

المشاركة الأصلية كتبت بواسطة farahat

يا جماعة لو تسمحولي بس أقول وجهة نظر في الموضوع ..
الزينون بتاع التوكيل فعلاً تمنه حوالي 17 ألف جنيه ، بس دة للنظام كامل مش لمبتين وجهازين ، يعني إيه نظام كامل ؟
يعني فنوسين وفيهم عدسات عشان توجيه الضوء عشان ما يعميش إلي سايق أمامك ، وكمان الجفنوسين دول فيهم رينجات bmw المعروفة (الفوانيس العادية بدون إلا من بعد موديل 2009 )، وطبعاً اللمبات الأصلية ds1 وجهازين فيليبس ، ونظام تحديد إرتفاع الفانوس اتوماتيك ودة بيوجه العدسة فوق وتحت حسب ميل العربية عشان نفس السبب الأول وهو إن الإضاءة دائماً تكون متوجهة على الطريق (بدل البكرة إلي بتكون شمال الدركسيون بتاعت تحديد الإرتفاع يدوي )وكمان بيكون فيه حساسة بتركب على العفشة عشان تقيس ميل العربية عشان النظام دة يشتغل .
زائد كمان تكاليف برمجة وتكويد السيارة .
هو دة النظام إلي ب-17 ألف .


لو صاحب العربية مش محتاج كل دة وعايز حاجة بلدي ، ممكن يركب لمبتين عاديين وجهازين ، وكل الحكاية يكود العربية عشان ما يطلعش error كل ما ييجي ينور النور ، لأن الزينون بيسحب كهربا مختلفة عن اللمبات الهلوجين وعشان كدة بيحتاج تكويد عشان العربية تعرف إن دة زينون ومتطلعش ارور .


اتمنى أكون عرفت أوضح الموضوع

اوافقك تماما , الموضوع مش لمبتين و خلاص و لأن الزينون محتاج فانوس معين عشان يعكس الضوء بكفاءة على الطريق مش يعمي الناس و خلاص : ركز كده و شوف اي عربية نازل فيها زينون فبريكة شوف الفوانيس شكلها ايه ,حتلاقيها مختلفة عن العادي (جيتا و باسات مثلا) , ده غير موضوع التكويد طبعا. نصيحة : العربية ديه مينفعش تتعامل معاها بلدي

لا بلدي ولا افرنجي العربيه دي مش عاوزه لعب بره والا هتتقلب فيل هندي

المشاركة الأصلية كتبت بواسطة party_0000

لا بلدي ولا افرنجي العربيه دي مش عاوزه لعب بره والا هتتقلب فيل هندي

جامدة جدا حكاية الفيل الهندي ديه , العربية ديه مش عايزة لعب و فتي صنيعية ....