هههههههههههههههههه
انت بتجيب الحاجات دية منين
وبصراحه ياخى فى مواقف كتيره حصلت معايا فعلا فى الحقيقه زى اللى انت بتحكيها
رقم العضوية : 86196
تاريخ التسجيل : 18Jan2011
المشاركات : 72
النوع : ذكر
الاقامة : Qalubia, Egypt
السيارة: -----
السيارة[2]: Verna
الحالة :
1- وانتوا مخطوبين اكيد هايعوز يخرج معاكى- الا لو كان متدين اوى وده هانيجى له بعد شويه- لازم بقى تعملى شوية حاجات كده علشان تنشفى دمه وتحرقى اعصابه......... نقول منها على سبيل المثال لا الحصر:
· البسى اى حاجه ملفته علشان يبقى ماشى يتلفت وراه ويمكن حد يعاكسك- ان شاء الله- ويا ريت يكون واحد كده ابن حلال يهبده علقة ويفرط له سنانه علشان يعرف انه مش واخد اى واحدة...... ولو لزم الامر سخنيه انتى بطريقه غير مباشرة... يعنى شوفى واحد كده جته واقف عللى اليمين و روحى بصّه للشمال وقولى استغفر الله العظيم مش عارفه ايه القرف ده... هايقولك مالك يا حياتى- حيه لما تلسعه- قولى مافيش و دمعى دمعتين كده من بتوعنا... الطبيعى انه هايفهم وهايروح ياخد العلقه ويرجع لك قفاه يقمرعيش....... ساعتها ما ترحميهوش..... اقعدى قطميه انه انضرب وانه مش عارف يحميكى- الى اخر الاسطوانات اللى ربنا يفتح عليكى بيها - بس بطريقه غير مباشرة... خللى الطريقه المباشرة لبعد كتب الكتاب............
· و انتوا بره ها يحب يعزمك على حاجه.... اتقلى عليه وكل ما يقول تشربى حاجه قولى له مش دلوقتى... ماليش نفس دلوقتى..... خليها بعد شويه..... لحد ما تلاقوا نفسكم فى شارع المحلات فيه كلها بتبيع هدوم مثلا وما فيهاش اى سوبر ماركت.... ساعتها تقولى له انا عطشانه..... علشان يفضل يتلفت زى الحراميه يدور على مكان يشترى لك منه الميه..... يمكن ربنا يكرمه ويتمسك تحرى.......
· لو عزمك على اكل سيبى نص الاكل او تلتينه من غير ما تاكليه علشان يتحسر على فلوسه اللى راحت بلاش,,,, واوعى تندفعى وتقولى ناكل كشرى..... ارخص حاجه تاكليها لازم ما تقلش عن 75 او 100 جنيه يعنى نقى مكان غالى و قولى له انا ممكن اكل دلوقتى...... ويا ريت يطلع الفلوس اللى معاه مش كفايه... علشان تطلعى من معاكى و تديهم له من تحت الترابيزه.... علشان يحس انك بتصرفى عليه........ اهو كله حرقت دم.... وطبعا ماتنسيش تقولى ان الأكل فى المحل ده مش حلو وانكم اتسرعتوا لما دخلتوا... اوعى تحسسيه انه عمل حاجه عليها القيمه ابدا... ازرعى دايما فيه احساس الفشل.....
· اتعمدى تقفى ادام كل محلات الدهب ولازم تقعدى تقولى ان الاسورة دى حلوة... وانك كان عندك واحدة زيها بس اتكسرت و رمتيها..... او ان السلسلة دى زوءها عالى و ان نفسك تشترى واحده زيها لما تتجوزوا........ واقفى ادام كل محل شويه وخدى رأيه فى حاجه من المحل...... علشان يكره نفسه ويكره المحلات كمان.......
· ما تنسيش تقفى ادام محلات الهدوم و تنقى الطقم اللى نفسك تلبسيه واللى نفسك تشتريه.... مش ها وصيكى انها لازم تكون غاليه...... لو اشترى يبقى اديكى ألبتيه فى حاجه وانتى المستفيده... ولو ما اشتراش تبقى كسرتى نفسه وعرفتيه انه مفلس...... وما تنسيش تنقى له كام طقم يكونوا مش مناسبين له خالص.....و تقعدى تقولى له دى الموضه...كل الشباب اليومين دول بيلبسوا كده... هاتبقى حلو اوى فيهم......اهو منك تحسسيه انه فلاح او انه معندوش زوء....... يا اما يشترى وتضحكى خلق الله عليه......
· طبعا هايحاول يمسك ايدك ... ماشى بس مش على طول بحيث يبقى مش طايلك حتى وانتى معاه...... وعلشان يفضل حاسس بالذنب وفى نفس الوقت ما يطولش منه حاجه علشان تجرجريه لكتب الكتاب..... ما تنسيش دى الغايه العليا... علشان تعرفى تزبيطه بعد الكتاب..........
· ما تنسيش تاخدى اختك معاكوا منها تكبس على نفسه وتراقبه... ومنها يبقى مسئول عن 2 بدل واحده.... ومنها بدل ما يدفع 2 جنيه فى حاجه يدفع 3 جنيه........ وبلاش تاخدى اخوكى لحسن يتواطىء معاه و يدى له فرصه يتكلم معاكى براحته... كونى حريصه انه ما يرجعش من الخروجه غير بفلوس ناقصه و خيبة امل.......
· لو اختك متفاهمه وعايزه تخدمك ...يبقى ترتبى معاها انها كل شويه تمسك ايدك وتهمس فى ودنك.... هايقولك فيه ايه....قولى له انها عايزه تدخل الحمام... وطبعا لازم تدخلى معاها.... وسيبوه يتلطع بره شويه ادام الحمامات علشان يزهق ويكره اليوم اللى خرجتوا فيه و يمكن حد يفكره واقف بيعاكس وللا حاجه ويرنه علقه تنسيه اسمه.....
· اكيد وانتوا بره ممكن تعدوا على محل بيع موبايلات..... شوفى كده انضف موبايل ويكون غالى اوى.... وقولى له: ده زى الموبايل بتاعك صح؟.....و طبعا انتى متاكده ان موبايله يا دوب نوكيا 1100...... اهو تحرقى دمه وتحسسسيه انه دون المستوى..... يا اما تاخده العنتظه و يروح يشتريه وتبقى غرمتيه قرشين وعرفتى انه بييجى من الناحيه دى وتستعملى الاسلوب ده معاه بعد كده........
· لو خطيبك موسوس وبيحب النضافه بزياده يبقى حلو اوى...... نقى محل عصير معفن كده.. وقولى له انا نفسى اشرب عصير قصب معاك..... طبعا المعدِّل ها يروح واقف ولو انه قرفان ويشترى التلاته عصير- ما تنسيش ان اختك معاكوا- وهايشرب ووهو عايز يرجع...... سبيبه لحد ما يخلّص و تكونى انتى شربتى الشوب يتاعك لحد تلتينه بس... وادى له التلت اللى باقى وقولى له خد كملها وللا انتا بتقرف تشرب مكان حد..؟؟؟؟!!!!! وبعد ما يخلّص قولى له انا متهيأ لى الراجل ده بيعصر القصب برجليه....... يمنك يرجع اللى فى بطنه...... و اهو منك برده ما حسستيهوش انه قدم لك حاجه ليها قيمه.........
· حاولى دايما تعلقى على كل العربيات اللى تشوفيها... بس المرسيدس والاوبل والحاجات اللى تعدى ميت الف بس... واستخدمى جمل تفقع مرارته زى: هيا دى العربيات وللا بلاش..... ياه هيا دى الناس اللى راكبه عربيات..... علشان لو عنده عربيه ما يفكرش نفسه مايكل شوماخر ولو ماعندوش يمكن ربنا يوفقه وينتحر....
· ما تنسيش بعد ما يوصلك البيت تقولى له ان الفسحه دى كانت جميله اوى...... هايبدأ يحس انه عمل حاجه ليها القيمه.... تقومى لحقاه على طول وتقولى له... بس الواحد رجليه اتكسرت من المشى..ان شاء الله نشترى عربيه لما نتجوز ونحوّش........ طبعا لو عنده عربيه هاتقولى له ان المشكله ان الدنيا كانت زحمه اوى...
· لو سمعتى ان فيه اى مظاهره فى التحرير او اى مسيرة يبقى لازم تسخنيه علشان يوديكى...... منها تكاليف و مشورة.. ومنها تفسحى اختك – ما هيا لازم تيجى معاكوا- ويمكن هناك يشبط فى حد و يتلدع علقه جديدة او يمكن ربنا يبارك ليكى والمجلس العسكرى يقبض عليه... واقعدى دمعى عليه ادامه و الشرطه العسكريه مسكاه من قفاه او وهو بياخد الطريحه من البلطجيه اللى ممكن يكونوا هنا وللا هنا...... صحيح الدموع خساره فى جتته بس الدموع دى هاتعمل احلى شغل وتحسسه بالهوان والذل..... وكمان يمكن يكره نفسه.......
2- دى بعض النصايح لازم تاخدى بالك منها, انا نقلتها ليكم مخصوص من موقع عن الايتيكيت علشان نعرف نجرجر الزبون من مركب الخطوبه السعيد الى قفص النسانيس اللى بيسموه قفص الزوجيه – طبعا احنا بنحطهم جواه ونقفله من بره ونقعد نتفرج عليهم بيتنططوا جوه- المهم ...خدى عندك:
· الأول لازم تعرفي إن الشوكة والسكينة بيتمسكوا من إيديهم من الطرف يعني مش مالوسط ولا م البوز زي الخنجر ولا من فوق طبعا
· العيش أوعي تفضحينا وتقطعيهبسنانك ولا الرغيف نصين بأيدك وكل نص لقمة وتحشري ..أوعي.. العيش بيتقطع بالسكينةف الطبق.. وبعدين تاخدي لقمة.. لقمة.. بالعافية قال يعني نفسك مسدودة.. اضغطي علىأعصابك جدااا وبعدين لما تروَّحي.. إبقي حِفِّي زي مانتِ عايزه....
· الشوووربة ..أبوس ايدك.. بندالشوربة ده مهم جدًاااا.. الشوربة تتشرب من غير صوتخالص.. ومن غير ماتقعدي تنفخي فيها زي القهوجي اللي بينفخ في الحجر للزبون.. وطبعًاااااا عايزك تنسى تمامًاالسلطانية اللي بتقيميها على بقك في البيت وتدلدقيعلى روحك…..بالمعلقه وبدون صوت.. سخنة ولعة برضه بدون صوت.. وتسيبي تلت الطبق عالأقل.. مش تميليه.. عشان تلهطيها لآخر نقطة.....
· الرز طبعاً بيتاكل بالشوكةأوعي إيدك تتمد ع المعلقة.. وتغرفي من طبق الرز وتعبي.. إوعي.. الرز بالشوكة.. وكأنك بتبوسيه مش بتاكليه..
· المكرونة.. الاسباجتي برضه بالشوكة.. تتلف علىطرف الشوكة.. لحد ما تخلص وبعدين تحطيها في بؤك من سكات.. مش تشفطي المكرونة عودعود..
· السمك مشكلة.. شوفي.. بتفصلي اللحم عن الشوك. إزاي..؟؟ تقطعي اللحم منالنص... بالطول وبعدين تفردي اللحم ع الجانبين ولما تخلصي ناحية.. متقلبيش السمكة.. بلاش فلح.. شيلي السلسلة بالشوكة والسكينة وحطيها ف جنب الطبق وكملي أكل النصالتاني.. وبدل الفيلم الهندي ده.. نصيحة.. ماتكليش السمك خالص.. قولي مابحبش السمكوخلصي نفسك..
· الجمبري -إذا كنتي عارفاه-.. أول ماطبق الجمبري ينزل.. بصيلهبقرف واحتقار شديدين.. آل يعني زهقانة من كتر أكل الجمبري الجامبو فبيت بابى.. وأتنهدي جامد وقولي.. برضه..؟؟؟ وتروحي قاطعة راس الجمبريياية بالشوكة.. أنا ف عرضكإنسي المصمصة دلوقت..
· البطاطس سواء مسلوقة أو محمرة أوعي تهرسيها وتدبيها عالرز وتدي لا..لآ...لآ...بالشوكة حتةحتة وإنت زي ما تكوني هاتعيطي من كتر ماالبطاطس صعبانة عليكي.
· الفاكهة.. لو الفاكهة فيها بذر طلعيه من بؤك بالراحةوحطيه ف إيدك وهي مقفولة وبعدين ف طفاية السجاير اللي ع الترابيزه.. أوعي ياحبيبتيمن نظام التفتفة للبذر.. إنسي....
· ولما تخلصي أكل تحطي إيدك على بطنك -الليعصافيرها بتصوصو من العينات اللي كلتيها-.. وتقولي له مش ممكن.. أنا عمري ما اتفجعتكدة, أنا قدامي أسبوع.. هابطل أكل فيه..وبعدين تمسكي الفوطة اللي دايمًا موجودةع التربيزة من غير لازمة.. وتبوسيها.. آل يعني بتمسحي بؤك.. وبعدين تستأذني منهلدخول التوليت لإصلاح ماكياجك وتخشي التواليت وتطلعي من شنطة إيديك.. لفة الفولوالطعمية اللي جايباها معاكي وبالهنا والشفااااااااااااا
3- وارد طبعا انك تحتاجى تدى له هديه سواء فى جنازة ميلاده او لما يحصل له – الشر بره و بعيد- حاجه كويسه... ينجح مثلا فى امتحان وللا حاجه...... اى مناسبه سوده على دماغه..... لازم تاخدى بالك من الهديه اللى هاتديهاله... فيه شوية حاجات لازم تحاولى تحققى اكبر عدد منها علشان تبقى الهديه مصدر لحرقة دمه وتنكدى عليه من غير ما يقدر يفتح بقه..... خدى عندك مثلا:
· نوع الهديه: لازم تختارى حاجه ما يعرفش يستنفع بيها.... مثلا لو عنده ساعه كويسه عزيزه عليه..... يبقى انسب هديه تشترى له ساعه و تقولى انك ما شوفتيش انه لابس ساعه لانها مستخبيه تحت الكم بتاع القميص.... او تقولى ان الساعه بتاعته شكلها قديمه اوى.... او مش على الموضه.....المهم تدخليه فى صراع بين الساعه بتاعتك والساعه بتاعته و سيبيه يهرى فى نفسه......
· لو فكرتى تشترى له هدوم ..... يبقى حاولى انها تكون واسعه عليه شويه بس مش اوى...... علشان يبقى لابسها و حاسس انها واسعه بس ما يقدرش يقول كده...... وكمان حاولى تختارى الوان مش بيحبها... او ستايل كلاسيك لو هو كاجوال... والعكس...... وطبعا الحجه معروفه... الموضه... التغيير......
· سيبى الاستيكر بتاع السعر فى الهديه كأنك مش واخده بالك..... او شوفى استيكر بتاع حاجه اغلى وحطيه مكان الاستيكر الاصلى علشان لما ييجى يرد الهديه يكع دم قلبه فيها......و علشان يعرف انك مش بتشترى اى حاجه لاحظى ان الهدايا دى مش بترجع مع الحاجه اللى بترجع لو حب يخلع.. يعنى دى غنائم مضمونه فحاولى تقلبى منه اغلى حاجات ممكنه......
· خدى بالك ان فيه 13 موسم هدايا فى السنه..... كل مناسبه لازم تقولى له كل سنه وانت طيب قبلها بيومين كده وللا حاجه علشان يلحق يسترى لك هديه.... لاحسن يسوق الهبل و ما يجيبش غيركيس الفاكهه وهو جايلِك......
· خدى بالك قبل اى مناسبه..... فيه شباب صيّع بيحاولوا يضربوا خناقه قبل مناسبات الهدايا بيومين تلاته وللا اكتر.. بس على مين... خليكى انصح واكثر دهاءاً.... خللى اعصابك فى تلاجه... واقعدى دادى فيه لحد ما يجيب الهديه.... ألِّــبى منه اكبر عدد من الهدايه اد ما تقدرى.. ان شالله حتى لو دباديب.... اى حاجه هاتنفع ما تقلقيش.....
4- و انتوا مخطوبين خليكى دايما على اتصال بيه... واحكى له كل مشاكلك فى الشغل... ولو مافيش مشاكل الفى له مشاكل.... او احكى المشاكل اللى بتحصل لزمايلك كأنها حصلت ليكى انتى..... المهم تشييليه هم شغلك اد ما تقدرى و خليه دايما فى حالة صراع..... ولو انتوا شغالين مع بعض فى نفس المكان يبقى هانستخدم سياسه بديله وهية انك تكرهيه فى كل زمايلكم...... مثلا دينا كانت زمان قبل ما انتوا تتخطبوا بتتريق على هدومه.... بس لما اتخطبتوا ما بقتش تقدر تتكلم قدامك...... و سعيد زميلكم بيحاول يزِرِك عند المدير...... والسكرتيرة بتاعت مديركم بتعاملِك وحِش...... وانتى بقى و شطارتك انك تكرهيه فى كل الناس اللى معاكى فى الشغل علشان ما يبقاش قدامه حد غيرك وكل ما تعرفى او تلاقى مناسبه خللى بالك والعبى على الوتر ده.......
5- ما تنسيش انك دايما تحكى له عن ولاد عمك و ولاد خلتك والجيران اللى كانوا عايزين يخطبوكى واللى حاولوا يتقدموا ليكى بس انتى اما رفضتيهم او بابى رفضهم اصلا لانهم مش مناسبين.... اولا علشان يحس انه خاطب مادونا او سيلين ديون , و ثانيا علشان يكره كل الناس اللى حواليكم ويمكن ييجى فى مرة ويمسك فى خناق واحد منهم وربنا يرزقه ببشله فى وشه او كسر فى رقبته وفى الحالتين انتى المستفيده.......
6- حاولى وانتوا مخطوبين انك تألبى منه اكبر عدد من كروت الشحن بتاعة الموبايل..... وانتى بقى وشطارتك...... ممكن الاول كل ما تتكلموا تتصلى انتى بيه.... ومرة فى مرة اشترى قدامه كرت شحن من ابو 50 او 25 على الاقل....ومات تنسيش تقولى له انك مش عارفه الرصيد بيطير بسرعه كده ليه وان الشركات دى شكلها نصابه.... مرة على مرة كده هايشتريليك هو الكروت..... حافظى عليها.... و ما تستعمليهاش..... او فكيها بكروت من ام 10 جنيه وانتى اولى بالفرق..... وممكن تخللى اخوكى يحول ليكى خمسه جنيه وتكلميه منها...... اهو تبقى ضربتى 2 رجاله بكرت واحد......
7- اوعى وانتوا مخطوبين تغلطى وتدى فرصه يقعد لوحده ويتكلم مع حد من ارايبك..... ممكن الحد ده يقول عليكى كلام يكشف خططك او يدى له عنك صورة حقيقيه تخليه يحاول يخلع... خصوصا فى اول الارتباط...... حاولى تكرهيه فى كل ارايبك الا اللى انتى ضمناهم.... وما تسيبيهوش يقعد لوحده مع اى حد انتى مش ضمناه.....خصوصا حد زى جوز اختك دى هايبقى ملسوع وممكن تكون نيته خبيثه و يحاول ينصح خطيبك فخدى بالك منه كويس..
رقم العضوية : 82574
تاريخ التسجيل : 02Dec2010
المشاركات : 5,207
النوع : ذكر
الاقامة : جده - السعوديه
السيارة: الحمد لله
السيارة[2]: FORD FOCUS 2012
دراجة بخارية: nothing
الحالة :
هههههههههههههههههه
انت بتجيب الحاجات دية منين
وبصراحه ياخى فى مواقف كتيره حصلت معايا فعلا فى الحقيقه زى اللى انت بتحكيها
[sor2]http://img266.imageshack.us/img266/2162/f04g.jpg[/sor2]
رقم العضوية : 66698
تاريخ التسجيل : 31Mar2010
المشاركات : 16,132
النوع : ذكر
الاقامة : مدينة نصر
السيارة: fiat tipo
السيارة[2]: fiat tempra
دراجة بخارية: no
الحالة :
هههههههه الخلاصة حا تخلى عيشتة هباب فى هباب هههههههههههه
رقم العضوية : 30629
تاريخ التسجيل : 20Jan2009
المشاركات : 1,577
النوع : ذكر
الاقامة : El-Haram
السيارة: Rabena yesahel
السيارة[2]: Chevrolet Optra 2010 A/T
دراجة بخارية: No
الحالة :
يا ريت محدش ينفذ النصايح دي لأنها مش هتادي للجواز
دي ممكن يا تطير العريس يا تودي المستشفي
هو الصح في الخطوبة ان الطرفين يحاولوا انهم يفهموا بعض و كل طرف يكتشف مزايا وعيوب الطرف الأخر
علشان يقدروا يقرروا هل هم متقبلين بعض علي حالهم دا و ده احيانا يتطلب عمل شوية اختبارات
رقم العضوية : 11329
تاريخ التسجيل : 23May2008
المشاركات : 582
النوع : ذكر
الاقامة : el haram , Giza
السيارة: الحمد لله
السيارة[2]: hyundai verna GLS
دراجة بخارية: مفيش
الحالة :
نصيحة للشباب استمتعوا بوقتكم .... بلاش جواز
التوقيع
مجرب الجواز
رقم العضوية : 27652
تاريخ التسجيل : 14Dec2008
المشاركات : 5,477
النوع : ذكر
الاقامة : giza -harm
السيارة: النترا HD
السيارة[2]: بولو سابقا-ألنترا 2006-سكودا ايه 4
دراجة بخارية: لايوجد
الحالة :
دى نصايح تخرب قبل ما تعمر زكى قوى اللى حطها انا لو لقيت الصفات دى والتصرفات دى فى خطيبتى هولع فيها بجاز واسيبها تتحرق واهى مره فى التانيه سمعتها هتبوظ لأنها كل شويه تتخطب وتتفسخ خطوبتها وتبقى تقابلنى بقى دا تخلف مش نصايح ابدا
It’s not about having the perfect relationship.. But its finding someone who matches you and would go through everything without giving up.
رقم العضوية : 57010
تاريخ التسجيل : 26Dec2009
المشاركات : 1,614
النوع : ذكر
الاقامة : فيصل
السيارة: SUNNY 2010
السيارة[2]: 128 موديل 89
دراجة بخارية: no
الحالة :
المفضلات