شباب ساعدوني اللة يخليكم

**hashim919** · 10-06-2011 05:31 PM

ازيكوا احلى شباب
انا واقع في مشكلة اختيار عربية
طبعا اللوجان والساجا مكتسحين
بس اتصدمت اما عرفت ان علبة دركسيون اللوجان ب 7000 الاف جنية
والساجا شفت بعيني تقفيلها تحس انها لعبة المسوجر بتاع الباب شكلة قفلني من العربية كلها

مش هكدب عليكوا اللوجان تحفة وتقفيل كويس

بس انا عديت علي اوماترا في طنطا عجبتني اوي البيا تقفيل ممتاز واسعة وشنطة واسعة وعالية زي اللوجان

عيبها الوحيد ان توكيل اوماترا سمعتة مش حلوة بس اللي في دماغي ان ال البيا مش ايفو يعني فمش شرط اعمل كل حاجتي في التوكيل .تفكيري كدا صح ولا رايكوا اية

**yoko** · 10-06-2011 08:26 PM

هو التوكيل هيتصلح قريب جدا إن شاء الله على خلفيه مشاكل كبيرة معاهم حاليا
لكن كل الفيات التكونولجيا الي فيه عاليه وموتور الألبيا هو موتور الإيفو بنفس الكونترول وكل حاجة

**hazememam14** · 10-06-2011 09:46 PM

معرفش حاجة فوي عن الالبيا بصراحة هي مش موجودة كتير بس ايام ما كنت بشتري شوفتها هي تقفيل تركي بس ممتاز و افتكر كان في لينيا تركي برضه فده مش عيب فيها يعني بالعكس انا بشوف ناس كتير بتشتكي من اللوجان بس يمكن عشان منتشرة فالعيوب بتظهر مع الانتشار , عامة لو بتفكر في الالبيا هي تقريبا كان في عليها عرض فاسأل كده شوف لسة موجود ولا لأ

**yoko** · 10-06-2011 11:34 PM

المشاركة الأصلية كتبت بواسطة hashim919

ربن يسهل ويتصلح حال التوكيل قبل ما اشتري ان شاء الله هشتري في خلال الشهرين الجايين دول وربنا يوفق الجميع ومتشكر علي ردك ياكبير الفيات

التوكيل هيتصلح حالة إن شاء الله في أسابيع مش شهور إن شاء الله

المشاركة الأصلية كتبت بواسطة hazememam14

معرفش حاجة فوي عن الالبيا بصراحة هي مش موجودة كتير بس ايام ما كنت بشتري شوفتها هي تقفيل تركي بس ممتاز و افتكر كان في لينيا تركي برضه فده مش عيب فيها يعني بالعكس انا بشوف ناس كتير بتشتكي من اللوجان بس يمكن عشان منتشرة فالعيوب بتظهر مع الانتشار , عامة لو بتفكر في الالبيا هي تقريبا كان في عليها عرض فاسأل كده شوف لسة موجود ولا لأ

اللينيا كله تركي مفيش لينيا إيطالي في العالم كله
والألبيا كانت بتنزل زمان بإسم بترا فهتلاقي كل حاجتها بره وإيطالي وتركي وبرازيلي وصربي وصيني وكلهم أصلي غير التقليد كمان

**hashim919** · 11-06-2011 03:42 AM

فعلا عليها عرض 68500 بدل 72000 والمندوب قالي لو هتشتري الشهر دة هعمل معاك واجب كمان في 500 جنية

**yoyome** · 11-06-2011 05:55 AM

لو الألبيا تركي
شييييييييييل

العربية دية معمولة تاكسي في تركيا وركبتها كذا مرة هناك وشغالة زي الفل .. بس الصراحة هي كانت عفشتها ناشفة شوية زي فيات التسعينات كدة، مش عارف هل لأنها تاكسي و بالتالي مفحوتة ولا هي اصلا كدة

عربية كويسة وواسعة وسحبها لطيف و بما ان الناس بتقول موتور ايفو حيبقي كويس علي حجمها مش وحش .... المهم أخبار تكييفها علشان مش ناقصة تكييف اي كلام

**yoko** · 11-06-2011 08:06 AM

المشاركة الأصلية كتبت بواسطة hazememam14

يااه بسرعة كده , يارب ان شاء الله يكون اتصلح قبل ما أبدأ أتعامل معاه أنا قدامي 4 أو 5 شهور كده ان شاء الله , بس أفهم من كده ان عندك معلومات سرية مثلا ولا حاجة ؟؟:b4_033:

زي ما تقول كده بس يوصلي الرد النهائي وهتعرف كل حاجة إن شاء الله