ساعدوني يا شباب ارجوكوا

**mody4990** · 02-08-2011 03:39 AM

السلام عليكم ورحمة الله وبركاته
كل عام والامه الاسلاميه بخير ويمن وبركات

اولا احب اهنيكوا بشهر رمضان المبارك اعاده الله عليكم بالخير ان شاء الله
ومش هقلكوا صمتوا ولا زي كل سنه علشان السؤال ده بيجبلي حموضه

موضوعي بكل بساطه انا عايز اجيب موتسكل ميقلش عن 600 سي سي ويكون سعره كويس مش غالي خالص
ويكون ستايل سبورت تورينج يعني بمعنى اصح زي بتاع المرور مثلا ياماها اف جي ار 1300 شنطتين ورا وبربريز عالي لزوم السفر علشان انا بحب اسافر كتير
بس لقيت ان حاجه بالمواصفات دي في مصر هتكون حاجه من الاتنين اما سعرها عالي جدا
أو مش موجوده اصلا
انا مش بحب الجري والتطيت انا عايز حاجه مريحه وتسد في السفر
ويكون سعرها كويس او لو في اوبشن تقسيط مفيش مشكله بس للاسف مش لاقي
لغاية مجيت في مره وانا على الانترنت لقيت موتسكل بي ام دبليو 1200 سيسي موديل 1999 جاااااااااااااااااااامد جدا ولقيت سعره 2200 دولار ول\قيت حجات كده كتير وحالات ممتازه ففكرت اشتري واحد من امريكا بس مش عارف ايه هي الخطوات الي ممكن اعملها ولما يوصل ليا هنا في مصر هيوصل سعره لكام ولو في حد بيستورد الموتسكلات يساعدني ارجوكوا انا مش بنام اليل بسبب الموضوع ده
وشكرا

**Elaven** · 02-08-2011 08:59 AM

لازم تتأكد من شركة الشحن اللي هتشحن الموتوسيكل
الشحن البحري ارخص شحن في حدود 160 دولار وهيوصلك لحد المينا لكن الشحن الجوي هيوصلك لحد البيت بس بتتحاسب بالكيلو في حدود 48 دولار للكيلو الواحد
اما مصاريف الجمارك والضرائب
10 في المية للموتوسيكل اللي اقل من 500 سي سي
20 في المية للموتوسيكل اللي اكتر من 500 سي سي
10 في المية ضرائب
طيب النسبة دية بتتحسب علي اساس سعر الموتوسيكل اللي انت شارية لا طبعا بتتحدد عن طريق المقيم اللي هوة بخبرتة وتفتيح مخك هوة اللي بيحدد الموتوسيكل بكام
علي العموم هتفضل تلف وتلف وبعد كدة هتلاقي انك لو اشتريت موتوسيكل موديل احدث من مصر هيكون اوفرلك واريحلك او تخلي مستورد يشترية ويقولك الموتوسيكل اهوة ويضيف المصاريف ويقولك ادفع كذا
لكن عصفور في اليد خير من علي الشجرة
واتلله اعلم

**mody4990** · 02-08-2011 06:49 PM

عزيزي اشكرك على الرد الجميل بس انا كده لما حسبتها بالجنيه المصري وضفت 30% لقيت ان الموتسكل لما يوصلي هنا في مصر لو دفعت رشوه 1000 جنيه والعياذ بالله هيوصل سعره ل 18000 جنيه في الحاله دي هيكون سعره ممتاز برده عن مصر انا لقيت في مصر جزارين مفيش حد بيرحم مدام هتشتري ريس يبقى معاك فلوس يبقى تيجي السوعك ده هوه المبدء الي ماشين بيه في مصر انا لو لقيت حاجه بنفس المواصفات دي بسعر زي ده هشتري على طول ولو تعرف حد يخلصلي الموضوع ده ياريت برده هيساعدني ويساعد ناس كتير زيي

**nktis** · 02-08-2011 10:09 PM

موفق ان شاء الله بس متخليك في الهوندا او السوزوكي....

**Elaven** · 02-08-2011 10:09 PM

بالرغم من الاجرائات المعقدة
ف استيراد موتوسيكل ارخص واحسن واضمن
في مواقع ذي ebay
فية حاجات تحفة
بس المشكلة ان لازم تكون شركة الشحن من بلد شراء الموتوسيكل
وا يكون شخص ذاهب هذة البلد او شخص يكون هناك يتابع الاجرائات
انا عن نفسي اتمني اشتري موتوسيكل من برة بالطريقة دية

**mody4990** · 02-08-2011 11:02 PM

دي شوية حجات لقيتها على اي باي
BMW : R-Series | eBay
BMW R1100RT for sale | Used Motorbikes & Motorcycles For Sale | MCN

**ME5EMR** · 03-08-2011 07:27 PM

بتيقي عامله زي البطيخه يتطلع حمرا
ياما و لا مؤاخذه قرعه
انت و رزقك

**Elaven** · 03-08-2011 10:23 PM

بقولك اية هديلك رقم تليفون شركة بتستورد سيارات مستعملة من امريكا
اتصل واسأل علي كل التفاصيل وبلغني
0126165663

**mody4990** · 04-08-2011 12:14 AM

شكرا عزيزي على الرقم لكن للاسف محدش رد عليا هجرب اتصل بيهم تاني الصبح ان شاء الله وهبلغكوا بالرد ان شاء الله

**mody4990** · 04-08-2011 12:35 AM

شباب الي عايز موتسكل انا عرفت سكه اجيب بيها ولو عرفنا نجمع مجموعة متسكلات لاكتر من شخص هنقدر نقلل التكلفه بدل ما تكون على قطعه واحده تبقى على اكتر من قطعه وبكده السعر هيفرق كتييييييييييييييييييييييي يييييييييير
انا قدرت اتوصل لشخص هوه كان صاحبي من زمان بس مكنتش اعرف انه شغال في مجال الاستيراد والتخليص وهوه الي عرض عليا فكرة ان احنا ممكن نجيب اكتر من قطعه دي بس على شرط تكون كل الموتسكلات طالعه من مكان واحد من دوله واحده من ميناء واحد وده مش صعب هبعتلكوا اللينك بتاع السايت ولو في حد عجبه حاجه يديني اللينك بتاعها ويسيب عليا الباقي
Used Motorbikes & Motorcycles For Sale | MCN
اهم حاجه الموتسكل الي عجبك تبعتلي اللينك بتاعه وياريت قبل ما تبعت اللينك تبعت لصاحب الموتسكل ميل تعرف منه اي حاجه عايز تعرفا ولما تتفق معاه ابعتلي اللينك على طول
وربنا يكرمنا يا رب وعلفكره صديقي ده هيسلم الموتسكل لصاحبه اما في الاسكندريه او في بورسعيد خالص ورق جاهز على الترخيص على طول
اختارو بس الموتسكلات الي تعجبكوا وفعلا تكونوا جادين للشراء وسيبوا الباقي عليا