الموضوع: اللحية أولا أم آخرا ؟؟؟ سؤال محيرني !!!!!!!!!!!!!

بص حضرتك هرد على حضرتك من وجهت نظري المتواضعة

اولا : من الخطأ الشديد ان نحوا موضو اللحية لقضية ونحاول نشوف هل هي قضية جوهرية ام ثانوية
ومن الخطأ مقارنتها بعبادات اخرى

يعني مثلا ..
ايه المشكلة ان الشخص يلتحى ؟ ومن قال انه يجب ان يكون على علم قوي بالدين قبل ان يلتحي؟
وايه علاقة تعلم الدين اصلا باللحية؟
واعذرني في الكلام دا لإن للأسف لما يأتي الكلام عن اللحية .. تلاق ناس بتقلك يا عم روح اتعلم دينك الأول ..واللي يقلك .. يا عم انت سبت الدين كله ومسكت في دي ؟
واللي يقلك .. يا عم دي قشور

يببساطة .. من قال ان الشخص إذا الملتحي يعني انه شخص متدين ؟
ومن قال ان الشخص الملتحي لا يتعلم الدين .. والصدق والأمانة والأخلاص والعمل والفقه والعبادات و و و اللي في نظر الناس جوهر الدين

عارف حضرتك ممكن تشبه الموضوع بساندونش
ممكن تاكل العيش وومكن تاكل العيش بالحشو وممكن تاكل الحشو بس
لو صح القياس
انت ممكن تلتحي وتتعلم الدين في نفس الوقت وكأنك تناولته كله
يعني مش لازم اكل الحشو الأول وبعدن ارجع اكل العيش
(انا بقول الفرض دا للي بيشبه اللحية بالقشور)

يعني انا بشبه الفروض لو صح التشبيه
كأن شخص قدامه سلة بيض عايز ينقل البيض دا من النقطة الف للنقطة ب
ممكن يشيل السلة كلها مرة واحدة وساعتها الحمل هيبقى عليه ثقيل بس هينقلها على خطوة وتحدة
وممكن ينقلها بيضة بيضة .. واي بيضة هياخدها يبقى انجز جزء من االمهمة
دلوقتي الشخص الملتحي هو انجز عبادة عليه (ايا كانت فرض او سنة)
لكن مش معنى انه انجز هذه العبادة انه خلاص .. لأ لسه عليه الباقي

زي الحجاب
تيجي مثلا لو كلمت واحدة مش محجبة وقلتلها .. انت ليه مش محجبة ؟
تقلك انا ابقى مش محجبة واخلاقي كويسة احسن ميكون محجبة واخلاقي وحشة زي بنات كتير
دا خلط غير صحيح وبدون مناسبة
لإن انا لما بقول لواحدة تحجبي مش بقلها فرطي في الأخلاق
دا فرض ودا فرض
والاتنين عليها
وكل فرض هتعملوا هتجاوى عليه ان شاء الله
لكن مش اضع نفسي بين نارين يا اختار دا يا دا .. ماختار الاتنين .. دا غير ان الحجاب لا يعني فقط مظهر

نفس الأمر على اللحية
هو يلتحي ويتعلم الدين ويحاول تغيير نفسه للأفضل
وللعلم اللحية لها اثر في تربية الانسان -دا كلام الملتحيين واللي انا ايضا ملاحظة- .. لإنه دائما يشعر معها بالحرج عند احداث ذنب

اه ممكن يكون في اخطاء .. بس الملتحي دا مش قديس


وموضوع ان الناس بتعتقد ان اي ملتحي شيخ
يا سيدي مالناس بتعتقد في اي واحد لابس بادلة انه مثقف وعالم
وبتعتقد في اي واحد بيدرس في الأزهر انه على خلق جم
وبتعتقد ان معظم الاعلاميين صادقيين

الناس بتعتقد اشياء كثيرة مش حقيقية
ودا للأسف مشكلة في الثقافة نفسها




انا كلامي ممكن يكون شم مرتب لأني مستعجل

بس الخلاصة
ان منربطش الليحية بباقي العبادات بحيث نقول لازم يبقى رجل متدين على اعلى مستوى ثم يلتحي
او نبتدي بإيه .. هو اه مش هجيب واحد لسه متدين اقله التحي واعمل انها قضية
لكن لو هو التحي او قلتله التحي وهو وافق بدون مجادلة .. ايه المشكلة ؟؟!
ممكن نمشي تربية ولحية بالتوازي عادي



وعموما ربنا يهدينا كلنا للصواب

يا جماعة بغض النظر عن الحادثة البشعة اللي حصلت للشيخ أحمد وزوجته ربنا يرحمهما ويكتبهما مع الشهداء

لكن أكيد مش كل واحد ملتحي ملتزم

وأكيد فيه ناس كتييييييييييييير بتختفي وراء اللحية وبتندس وسط المتدينين أو بدون إندساس بيعيشوا وسط المجتمع وكأنهم سلفيين أو يمثلوا السلفية كمان


لكن تخيلوا معايا كده المثال ده
واحد شاب كان مش ملتزم خالص وكل شئ بيعمله
وبعدين ربنا هداه وبدأ يمشي مع السلفيين أو الإخوان وعرف طريق المسجد
راح أول حاجة قبل ما يعرف يصلي حتى
راح مربي لحيته - وبكده أعلن للجميع أنه أصبح شخص ملتزم دينيا لأنه أكيد طالما اهتم بسنة مثل اللحية - أو فرض - فأكيد بيفترضوا إنه ملتزم أكتر بالأركان مثل الصلاة وملتزم كمان بشدة بحسن التعامل مع زوجته وأولاده وأمه وأبوه وكل أهله وملتزم بالتعامل المادي الجيد وملتزم بالسماحة وملتزم بعدم الحدة في أسلوبه وبالرفق واللين وملتزم بحسن الجوار والصبر على أذى الجار وملتزم بالكرام والجود ووووو

الناس بتفترض الطبيعي وهو إنه أكيد طالما اهتم باللحية فإنه وصل للصفوة

لكن للأسف بيكون الشاب ده لسه لم يلتزم بالكثير من أركان او فروض أو واجبات الإسلام وحتى لم ينتهي عن كثير من النواهي والمحرمات

وهنا تبدأ المشكلة في إنه بيسئ للملتزمين

وكمان المشكلة التانية وهي إنه قبل ما ينضج دينيا بتلاقي الناس بتديله مكانة لم يصلها وبتحاسبه عليها كمان وبتحاسب كل الملتزمين على تصرفاته

فبغض النظر عن كون اللحية سنة ولا فرض ولا أي حكم ليها

فالأكيد إن الصلاة والبعد عن الرزيلة وامور أخرى في الدين أهم من اللحية مهما كانت درجة أهميتها

فهل الأفضل إننا لما ندعي واحد للإلتزام نحببه في اللحية أولا ولا ننصحه بأن اللحية تكون آخر مرحلة ؟؟؟؟


أما في موضوع الحجاب فطبعا يختلف بتااااااااااتا

الحجاب فرض معلوم من الدين بالضرورة
الحجاب له وظيفة مهمة وهي ليست المظهر العام للمسلم فقط كاللحية ولا علاقته بالتشبه وكده ولكن الحجاب وظيفته حماية الرجال من إثارة النساء
الناس فاكره إن الحجاب عفة للمرأة فقط
لا ده عفة وإحترام للمرأة وللرجل
وليس مظهر او شعار إسلامي كما يريدون أن يوضح العلمانيين

الناس بتفترض الطبيعي وهو إنه أكيد طالما اهتم باللحية فإنه وصل للصفوة
-----
أنا فاهم قصدك من الأول بس يمكن ماعرفتش أوضح رئي في المشاركة الأولى
هو ده مربط الفرس الناس ألي بتكون حكمها من مظهر ألي قدامها
الناس هي ألي بتخدع نفسها بنفسها نتيجة لعدم ألمام بالدين
والحل أننا نتعمق في ديننا ونهتم به ونعظم القيم الأسلامية الحقة بالأهتمام بالقرأن والسنة في التعليم الأساسي
وليس هناك أفضل من حديث الرسول عليه أفضل الصلاة والسلام ألي أستشهدت بيه في موضوعك


وأذكركم بقصة سيدنا عمر حيث روى الدينوري في المجالسة عن عبدالله العمري قال : قال رجل لعمر إن فلانا رجل صدق فقال له هل سافرت معه ؟ قال : لا . قال : فهل كانت بينك وبينه معاملة ؟ قال : لا . قال فهل ائتمنتَه على شيء ؟
قال : لا . قال : فأنت الذي لا علم لك به أُراك رأيتَه يرفع رأسه ويخفضه في المسجد

أنا فاهم قصدك من الأول بس يمكن ماعرفتش أوضح رئي في المشاركة الأولى




السلام عليكم

أخي العزيز مهندس محمد

جزك الله خيرا على ردودك الجميله
وإن كنت أحب ألفت نظرك ان هذ ليس حديث عن الرسول الكريم ولكنه موقف من سيرة سيدنا عمر رضي الله عنه

اما بخصوص اللحية فأنا متخوف جدا من امرين

1- ان يتم استغلالها سواء من قبل أشخاص لنيل أمور ليست من حقهم وارتكاب جرائم تحت مظلة اللحية وكمان استغلالها من قبل العلمانيين للإساءة إلى كل ما هو إسلامي بتقريب الكاميرا على أشخاص كثيييريييين ستأخذهم الحمية الدينية وحبهم في أن يرتبطوا بالسلفيين أو الإخوان لبزوغ نجمهم حاليا وتحمسهم لإطلاق اللحية ويتشرفون بها قبل أن يكونوا مشرفين لها

2- أن يعتقد بعض الملتزمين الجدد أن مجرد تربيتهم للحية يرفعهم درجات فوق درجات ويبدأوا يتكلموا في الدين كأنهم علماء الأمة ومحدثيها

لأن أنا في رأيي إن الدين الإسلامي زيه زي الطب كده
وزي ما المجال الطبي فيه الممرض وفيه ممارس عام وهناك الطبيب الأخصائي وفيه الطبيب الاستشاري
فاحنا عندنا في الدين
الخطيب
والداعية
والمفكر الإسلامي
والعالم الذي يحق له ان يفصل في القضية
وكمان كل واحد من دول وخصوصا العلماء حاليا أصبح لكل منهم مجال يفصل فيه
فعالم الفقه الإسلامي لا يفصل في الأحاديث ولكنه يعتمد على عالم الحديث
وعالم التفسير هكذا

وتكمن المشكلة عندنا عندما يأخذ الخطيب مكانة الداعية
والداعية يتكلم كأنه مفكر أو باحث إسلامي
والمفكر والباحث يرتقي منبر العلماء
والعلماء يكتفون بدور طباخ الريس والحكومة


وأنا أتمنى ان يشرف المسلم الإسلام بسلوكه وتدينه وخدماته قبل أن يظهر تدينه على شكله وملبسه حتى لا ندع فرصة لهدم التجربة الإسلامية من خلالنا ولنتذكر أن كل منا على ثغرة من ثغور الإسلام فليحذر احدنا ان يؤتى الإسلام من قبله

وأنا أكيد مقتنع جدا بأهمية اللحية وحكمها في الإسلام كما أعلم جيدا أنه لا يعني أن كل واحد ملتحي هو سئ او كل ملتحي هو متدين ولا يجب الربط بين الأمرين لكن الحكمة في رأيي تقتضي الإعتراف بأن المجتمع عندنا يربط بشدة بين اللحية والملائكية

وبما أن الحجاب فرض ليس عليه خلاف فأرجو من كل واحدة محجبه إنها تعرف إن عليها مسئولية كبيره تجاه مجتمعها بحيث تظهر الجانب العملي والأخلاقي للمسلمة المحجبة بسلوكها وأخلاقها وتعاملاتها وقبل ذلك بإلتزامها بالصلاة وحسن الخلق

تمام مهندس يوسف أخي الحبيب
وشكرا على التصحيح
حضرتك بتتكلم في حل عاجل وعندك حق في تخوفك
بس مش عارف هانقول للناس أيه أجلو أتباع سنة عن الرسول صلى الله عليه وسلم (اللحية)؟!
بالنسبة للحجاب ألي فرض صريح في القرأن الكريم وبعض الناس بتلف وتدور حوله
علشان كده أستشهدت بيه
وجزاك الله خيرا على مواضيعك المميزة
تحياتي

اللحيه من الدين و ليست هى الدين
و هى عمل سلبى لا يتطلب مجهود بدنى و انما يريح صاحبها من عبء الحلاقة و شراء الامواس .... (عبادة سلبية )

و ليس بالضرورة ان كل م قرر الالتزام ان يبدأ باللحية و لكن يبدأ باى شىء يستطيع ان يتقرب به الى الله

و كونه التحى فيتسلل الى نفسه الكبر او انتقبت كذلك ...يكون مبرر لعدم اطلاق اللحية اولبس النقاب..... فذلك من تلبيس ابليس

و يقول النبى محمد " اذا أمرتكم بشىء فأتوا منه ما استطعتم و ما نهيتكم عنه فانتهوا ..."

فليس الموضوع خطوات تبدأياطلاق اللحية او تنتهى بها ابدا ....و لكن من تقرب الى الله شبرا تقرب الله اليه ذراعا ....

ابدأ بحاجة تقربك لربنا هتلاقى لخير نازل عليك و ربنا فاتح لك ابواب طاعات أخرى ...

و اسأل الله ان يرضى عنا جميعا و ان يوفقنا الى ما يحب و يرضى