علاقة دورة التبريد ب ....

**smsm_nabawy** · 12-06-2011 10:19 PM

يا جدعااان ،، الثرموستات مهم جداً علشان ده بيقيس درجة حرارة المياه الي مبتكون تقريباً متزنة مع درجة حرارة الموتور ،، بالتالي هو معمول بحيث أنه لما توصل درجة حرارة المياه دي لدرجة معينة ،، المفروض أن ساعتها درجة حرارة الموتور بتساوي درجة معينة تانية !! ساعتها لو سخن عنها بيدي أشارة بيشغل المروحة بسرعة اكبر !!

لأن كل موتور ليه operating temp بيكون فيها الحرق أحسن ما يمكن !! لو قلت عنها ،، كفائة الحرق مش بيكون كويسة !! من فضلكم ركبوها

عايزين تحسنو في دورة و طريقة تبريد الموتور ،، ركبو مروحة أكبر ،، أو أقوى ،، او ردياتير أوسع !!

لكن متشيلوش الثرموستات ،، أو تبدلوه بثرموستات درجنه أقل ،، ده نازي من التةكيل ،، بمواصفات السايرة ،، بحيث يحافظ على حرارة التشغيل المثالية للموتور !!

صدقوني ده بيفرق جامد أوي في المشي على البطيء المر الي بيخلي الموتور بيسخن بسرعة !! و بالتالي الثرموستات كل شوية يقفل و يفتح المروحة بسرعات عالية !!

**Gelgel2004** · 13-06-2011 12:17 AM

المشاركة الأصلية كتبت بواسطة elawany13

بالنسبة ترموستات الكوعه انا اشتريت عربيتى الشاهين مستعملة بدونه
بس كنت بفكر اركبه
كل الناس نصحونى وقالولى اياك تحطه
الصح انه يتلغى
بالذات فى الشاهين

السلام عليكم

ركب الثرموستات
ركب مروحه تبريد من 8 الى 10 ريشه مبططه.
اغسل دوره التبريد كويس
استخدم سائل التبريد بنسبه التركيز الموصى بها ( بارافيللو 50 % ) جليكول الايثيلين.
و اتفرج على امبير الحراره و هو ثابت و الحراره فله و التكييف ثلاجه
دمت بود

**Gelgel2004** · 13-06-2011 12:27 AM

المشاركة الأصلية كتبت بواسطة elpasha1

انا شلت الثيرموستات فى اللانوس لانها كانت بتسخن العربيةواول ما اتشال مبقتش تسخن

السلام عليكم

ثرموستات الكوعه ليها دور كبير فى حفظ درجه حراره الموتور عند درجه التشغيل المفروضه من 89 الى 92 درجه مئويه.
اكشف عن اى عيوب اخرى
اغسل دوره التبريد
استخدم سائل التبريد الموصى به للدايو اللانوس 50 % تركيز
دمت بود
الزملاء الاعزاء فى المنتدى صباح الخير
ارجو ان افيدكم ببعض المعلومات عن موضوع المياه الخضراء
1 مافيش حاجة اسمها خضراء او حمراء دى بتبقى الوان حاطاها الشركات المصنعه للسيارات علشان تميزها عن الشركات الاخرى
2 - الصح نقول مياه او سائل تبريد المحرك ودى بعض المعلومات عنها و هأتكلم هنا عن العربيه اللى عاوزه تغير مياه التبريد بس المياه القديمه اصلا منزلش فيها مياه من الحنفية.
3 يتكون سائل التبريد الاساسى من كذا ماده مع بعض اهمهم ماده التبريد نفسها ايثيلين الجليكول و الماده دى ممتصه للحراره بنسبة كبيره يعنى لو حطيت الماده دى فى برطمام و رجتها جامد هتحس باديك بردت شويه لان من خواصها عند الحركه انها تبرد و الماده دى بيبقى ليها تركيز معين و كل كتالوج ذاكر فيه نسبة تركيز الماده دى ( عندى فى كتالوج السيينا 1400 50 % ) و الباقى مياه مقطره ( منزوعه الاملاح ) و سائل تزييت طلمبه المياه و مانع رغوه مياة و اخيرا مانع صدأ.
4 يعنى لو قلنا مثلا ان البيانات المكتوبه على جركن سائل التبريد ان تركيزه 33 % مثلا ده معناه ان 33 % من حجم الجركن ماده اللايثيلين جليكول و الباقى الاضافات المذكوره اعلاه.
5 - و علشان كفاءه التبريد متتغيرش بعد ما نغير او نغسل مياه التبريد نتاكم من النسبة المذكوره فى الكتالوج .
و ارجو ان افيدكم بالتالى :- يتم غسيل دوره التبريد كل 40000 كم او سنتان على الاكثر للمحافظه على كفاءه دوره التبريد .
عند غسيل الدوره فى التوكيل او محطه يجب مراعاة التالى
1 لف مفتاح ثرموستات درجه حراره كابينه السياره على اللون الاحمر علشان الميه تعدى جوه الكويل اللى داخل فو التابلوه و ده طبعا اذا ماكنتش عامل باى باص من المحرك .
يتم الغسيل بالدوره المغلقه و ليست المفتوحه على ضغط مناسب مرتين قبل اضافه المواد المنظفه افضلها الانواع الامريكيه ( سولدر سيل جنك ) و اوعى تحط المياه اللى عاملينها فى المحطة ( بتبقى خليط من الجاز و الرابسو و الخل ) بدون نسب ودى بتهلك الخراطيم .
بعد كده تغسل بالمنظف سولدر سيل جنك و اللى لحد دلوقتى بتعامل فيه من 15 سنه و مدينى ثقه و كفاءه فى كل منتجاتهم لمده 5 دقائق بعدين نشطف و ندى هواء علشان نفضى الدوره و الحقيقه لازم هيتبقى منها شوية فى البلوك صعب انهم يخرجوا .
نضيف سائل التبريد و ناخذ الهواء و نغسل القربه كويس و ان شاء الله صيف من غير مشاكل حراره
اما بالنسبه للانواع من سوائل التبريد الاخرى ارجو انكم تختاروا المضمون مثلا ايادا اسبانى 20 % موبيل بيرمازون 33 % و فى منه 50 % و شل و ابعد عند اللى تحس ان شكل الزجاجه او الجركن موش مضمون

**Gelgel2004** · 13-06-2011 12:28 AM

المشاركة الأصلية كتبت بواسطة gelgel2004

السلام عليكم

ركب الثرموستات
ركب مروحه تبريد من 8 الى 10 ريشه مبططه.
اغسل دوره التبريد كويس
استخدم سائل التبريد بنسبه التركيز الموصى بها ( بارافيللو 50 % ) جليكول الايثيلين.
و اتفرج على امبير الحراره و هو ثابت و الحراره فله و التكييف ثلاجه
دمت بود

الزملاء الاعزاء فى المنتدى صباح الخير
ارجو ان افيدكم ببعض المعلومات عن موضوع المياه الخضراء
1 مافيش حاجة اسمها خضراء او حمراء دى بتبقى الوان حاطاها الشركات المصنعه للسيارات علشان تميزها عن الشركات الاخرى
2 - الصح نقول مياه او سائل تبريد المحرك ودى بعض المعلومات عنها و هأتكلم هنا عن العربيه اللى عاوزه تغير مياه التبريد بس المياه القديمه اصلا منزلش فيها مياه من الحنفية.
3 يتكون سائل التبريد الاساسى من كذا ماده مع بعض اهمهم ماده التبريد نفسها ايثيلين الجليكول و الماده دى ممتصه للحراره بنسبة كبيره يعنى لو حطيت الماده دى فى برطمام و رجتها جامد هتحس باديك بردت شويه لان من خواصها عند الحركه انها تبرد و الماده دى بيبقى ليها تركيز معين و كل كتالوج ذاكر فيه نسبة تركيز الماده دى ( عندى فى كتالوج السيينا 1400 50 % ) و الباقى مياه مقطره ( منزوعه الاملاح ) و سائل تزييت طلمبه المياه و مانع رغوه مياة و اخيرا مانع صدأ.
4 يعنى لو قلنا مثلا ان البيانات المكتوبه على جركن سائل التبريد ان تركيزه 33 % مثلا ده معناه ان 33 % من حجم الجركن ماده اللايثيلين جليكول و الباقى الاضافات المذكوره اعلاه.
5 - و علشان كفاءه التبريد متتغيرش بعد ما نغير او نغسل مياه التبريد نتاكم من النسبة المذكوره فى الكتالوج .
و ارجو ان افيدكم بالتالى :- يتم غسيل دوره التبريد كل 40000 كم او سنتان على الاكثر للمحافظه على كفاءه دوره التبريد .
عند غسيل الدوره فى التوكيل او محطه يجب مراعاة التالى
1 لف مفتاح ثرموستات درجه حراره كابينه السياره على اللون الاحمر علشان الميه تعدى جوه الكويل اللى داخل فو التابلوه و ده طبعا اذا ماكنتش عامل باى باص من المحرك .
يتم الغسيل بالدوره المغلقه و ليست المفتوحه على ضغط مناسب مرتين قبل اضافه المواد المنظفه افضلها الانواع الامريكيه ( سولدر سيل جنك ) و اوعى تحط المياه اللى عاملينها فى المحطة ( بتبقى خليط من الجاز و الرابسو و الخل ) بدون نسب ودى بتهلك الخراطيم .
بعد كده تغسل بالمنظف سولدر سيل جنك و اللى لحد دلوقتى بتعامل فيه من 15 سنه و مدينى ثقه و كفاءه فى كل منتجاتهم لمده 5 دقائق بعدين نشطف و ندى هواء علشان نفضى الدوره و الحقيقه لازم هيتبقى منها شوية فى البلوك صعب انهم يخرجوا .
نضيف سائل التبريد و ناخذ الهواء و نغسل القربه كويس و ان شاء الله صيف من غير مشاكل حراره
اما بالنسبه للانواع من سوائل التبريد الاخرى ارجو انكم تختاروا المضمون مثلا ايادا اسبانى 20 % موبيل بيرمازون 33 % و فى منه 50 % و شل و ابعد عند اللى تحس ان شكل الزجاجه او الجركن موش مضمون

**smsm_nabawy** · 13-06-2011 12:35 AM

أفاااااااادكم الله !! :)

**Elawany13** · 13-06-2011 02:21 AM

المشاركة الأصلية كتبت بواسطة gelgel2004

السلام عليكم

ركب الثرموستات
ركب مروحه تبريد من 8 الى 10 ريشه مبططه.
اغسل دوره التبريد كويس
استخدم سائل التبريد بنسبه التركيز الموصى بها ( بارافيللو 50 % ) جليكول الايثيلين.
و اتفرج على امبير الحراره و هو ثابت و الحراره فله و التكييف ثلاجه
دمت بود

وعليكم السلام ورحمة الله وبركاته
ياعنى رأى حضرتك أغير مروحة التبريد؟ وتكلفتها كام ؟
واركب تريموستات الكوعه ؟
طيب درجة تريموستات الكوعه كام زى بتاع المروحة بيشتغل عند 90 ولا درجة مختلفة ؟

**Elawany13** · 13-06-2011 02:49 PM

المشاركة الأصلية كتبت بواسطة saadelden

نفسي اعرف المصريين مش مقتنعين بترموستات الكوع ليه ؟؟

كل ما افكر اركبه و اظبط دوره الميه الميكانيكي يتخانق معايا و يقولي العربيه هتسخن و هتشيله بردو !!
الفكره هنا ايه الصح ؟

نفس الكلام بيحصل معايا

**smsm_nabawy** · 13-06-2011 03:16 PM

المشاركة الأصلية كتبت بواسطة beshomilan

ازيك ياسمسم واحشنى كتيييييييييييييير

بس انا عندى المروحة بتشتغل عادى بسرعة عالية لما درجة الحرارة بتعلى..والترموستات متشالة

هو كان فيه حد من الاعضاء قال ان ميزة الترموستات انها بتحبس مية الريداتير بارده انما لو مش موجوده هتخلى المية الخضرا كلها سخنة لان مفيش عازل المتمثل فى الترموستات
ده حسب مافهمت مش عارف صح ولا غلط

سؤال ياسمسم..لزقت الرينجات اللى فى فانوس الشاهين دى بالشمع ولا بايه؟؟؟لحن بعد ماتعملت بالشمع واحده وقعت وبقى منظر الفانوس عار :(

بييييششووو !! عامل أيه ؟؟ :)) يا أخي الواحد مش بيشوفك على المنتدى كتير ليه ؟؟

بص بقا حسب فهمي للموضوع ده !! كنت عند واحد بتاع ردياتير ،، و الصبي بتاعه كان بيتكلم عن الثرموستات ،، و قلتله لخصلي الموضوع !!

هو فهمني أن في اتنين ثرموستات !! و الاتنيين مفيش ولا واحد فيهم بيقيس درجة الموتور الاتنين بيقيسو درجة المياه ،، واحد بيقيس الي في الردياتير !! و التاني بيقيس الي طالعه من الموتور ،، او الي داخله ،، مش فاكر بظبط !!

المهم ثرموستات المروحة ،، بيكون مسؤل عن تشغيل و قفل المروحة نفسها !! على حسب درجة حرارة الردياتير ،، هوا ده الي أنت ممكن تغيره و تجيب واحد بيقيس درجة أقل أو لا !! بمعنى أنك ممكن الي عندك بيشغل المروحة على 90 درجة ،، انت ممكن تجيب واحد يشغل المروحة على اقل ،ن و ده مش حيضر الموتور !!

التاني بتاع الكوع ،، ده بيقيس درجة حرارة المياه الي في تلامس مع الموتور !! بالتالي هي أقرب قيمة لدرجة الموتور !! و هو ده الي درجة الحرارة الي بيقيسها بتبان عندك في التابلوه !!
هو ده الي لو أنت غيرته و جبت واحد غير مواصفات المصنع بيكون غلط !!
أما عن وظيفته ،، هوا قالي أن هوا ده ببساطة الي بيعمل على تاكيد ان درجة حرارة المياه الي في ردياتير و طالعه منه مناسبة لبلوك الماتور ولا ؟؟ و كمان بيتاكد من درجة حرارة المياه الي طالعه من الموتور عالية اوي ولا !!

قالي في بعض العربيات ممكن الثرموستات ده يتجاوز ثرموستات المروحة !! و يفتح المروحة بنفسه ،، بدون الرجوع لثرموستات المروحة !! علشان لاقدر الله كان بتاع المروحة بايظ ولا حاجة !! بمعنى الي فهمته منه

ان واحد خاص بالمروحة بس ،، و التاني "بتاع الكوع" ماستر عليه !!

و يا ريت الناس الي فاهمة أوي بقا تأكدلنا الموضوع ده و تقولنا رأيها فيه
================
اما لحكاية الرينجات ،، انا ملزقها بمادة كده ،، عشفافة ،، عبارة عن خليط بين ماديتن ،، التنين محطوطين في أنبوبتين منفصلين و ليهم نفس المكبس !! واحد أصفر و التاني شفاف ، و لما يتخلطو مع بعض يدو سائل لزج اوي أصفر فاتح شفاف ،، و لما بيلزق ،، بيبقى أعوزو بالله !! شبه الصخر !!
حتلاقيه عند الكهربائين الكبار

المشاركة الأصلية كتبت بواسطة saadelden

نفسي اعرف المصريين مش مقتنعين بترموستات الكوع ليه ؟؟

كل ما افكر اركبه و اظبط دوره الميه الميكانيكي يتخانق معايا و يقولي العربيه هتسخن و هتشيله بردو !!
الفكره هنا ايه الصح ؟

[color="rgb(65, 105, 225)"]
الصح اللي العربية نازلة بيه من مواصفات المصنع نفسه !! الي هيا ب 2 ثرموستات واحد قبل المروحة و التاني قبل الماتور [/color]

-

الموضوع: علاقة دورة التبريد ب ....

LinkBack

أدوات الموضوع

عرض

-

ثرموستات الشاهين -

ثرموستات اللانوس -

-

-

-

-

-

المواضيع المتشابهه

كيفيه تغير مياة التبريد وعمل غسيل للدوره للبولو وما يشابهها فى دورة التبريد

كبس دورة التبريد ؟؟

دورة التبريد

دورة التبريد

دورة التبريد

الكلمات الدلالية لهذا الموضوع

المفضلات

المفضلات

ضوابط المشاركة