الموضوع: لا يشرفني ان نكون كلنا ( خ.س ) و كلنا عارفين

وهذه عينه من المشاركات لما يريده هؤلاء ايصاله للناس
من اجل تشويه الثوره بل القضاء عليها تماما وهدمها من الأساس التي بدأت عليه بعد ماتأكدوا انهم نجحوا في مخططهم وانهم قضوا علي الثوره فكان هذا زيادة تأكيد والقضاء علي اي تفكير بالخروج بثوره آخري

مع احترامي لكلام سيادتك و لك مني كل الاحترام و التقدير
عاوز اسالك سوءال واحد بس
ايه اللي حصل من تقدم في البلد بعد هوجة الشباب يوم 25 يناير؟
عاوز حضرتك تفكر كويس قبل ما تجاوب و بلاش ترد عليا بموضوع البلطجية و فلول النظام ماشي
تعالي اقول لسيادتك و اعقب علي بعد النقاط :
1- البطالة الحمد لله زادت متقوليش النظام السابق هو السبب الناس كانت شغالة و كله بياكل عيش و الحمد لله بفضل الشباب ده شركات صفت اعمالها و مشت موظفينها .و عندي دليل اخويا يعمل باحدي شركات الملاحة و قامت الشركة ببيع مراكبها و اعطت للاداريين مهلة 2 شهر ليبحثوا عن وظائف اخري لان الشركة حتقفل و للعلم الشركة ماكانتش بتخسر اخويا بقالوا 3 سنن بيشتغل فيها.

2- مين قال للشباب اساسا ان احنا عاوزينهم يقوموا بحركة هوجاء زي اللي حصل يوم 25 يناير مين اداهم الحق في توكيلات و لا حاجة و لا انا مكنتش عايش في البلد دي ؟؟؟؟؟

3- الموضوع يا سيدي الفاضل من وجهة نظري انهم عملوا حاجة مش عارفين حتنتهي علي ايه و لعلم سيادتك لي بعض الزملاء خرجوا يوم 25 يناير و كان المتفق عليه من التصريح اللي اخدوه من مديرية الامن ان التظاهرة تنتهي مع اخر ضوء للشمس تقدر تقولي سيادتك ايه اللي مخلهمش يرجعوا
اقول لسيادك و متزعلش مني و دي الحقيقة اللي زميلي كان متعايش معاها لحد مارجع البيت بعد ما حصل اللي حصل لانوا مكانش عارف يروح عشان الابطال بتوع التحرير كانوا حبسين الناس و محمين فيهم يعني عاملين الناس الغلابة درع ليهم و لعلم سيادك كان معاهم سلاح و سيوف و كانوا بيهددوا اللي عاوز يروح انه لو مشي مش حيروح سليم و الشباب خربوا الدنيا لان الموضوع وسع و معرفوش يلموه بالبلدي كده الموضوع فشلئ , و لعلمك كان في ناس في التحرير كانوا بيدوا فلوس و ناس اجانب و ناس بتتكلم بلهجات عربية هما اللي خلوا الناس تقعد في التحرير و متروحش و اللي انا اعرفوا ان الواحد اما يبتدي حاجة لازم يبقي دارسها كويس صح و لا انا غلطان و ده يثبت اللي انا بقوله لو هما مخططين يقعدوا في التحرير من الاول كانوا عملوا استعدادهم من الاول و يثبت ان في عملاء و ناس باعوا البلد في التحرير لان سقف مطالبهم زاد عن المطالب ال 3 اللي كانوا بينادوا بيها و بسبب حالة الهياج اللي حصلت انتشر الحرامية اللي سرقوا المحلات مقصدش السجناء اللي هربوا شوفت بقي شباب دارس الموضوع ازاي؟؟؟؟

4- و هو يعني خلاص الشباب الابطال اللي حضرتك بتمجد فيهم خلاص هما بقي اللي بيفكروا في اولادي عشان يعيشوهم عيشه كويسه ده علي اساس ان الشعب المصري كله علي شاشات التليفزيونات و انا معاهم بشحت علي التليفزيون , الشباب اللي حضرتك بتقول عليهم ملتزموش اساسا ب اللي تم الاتفقاق عليه مع مديرية الامن يبقي دول حيحترموا حد بعد كده

5- يا استاذي 4 او 5 شهور عدت ايه الجديد للي حصل و لا حاجة الاحوال من السئ الي الاسوء

6- يا استاذي اللي اعرفوا و كان المفروض الناس تعرفوا ان احنا مش تونس مع احترامي للشعب التونس هما عددهم كام و احنا عددنا كام شوية دراسة للموضوع قبل ما ابتدي عشان اعرف الموضوع حيوصل لحد فين مش كده برضة و لا الواحد لما بتيجي حاجة في مخوا بيعملها

7- الشهداء اللي عمالين يقولوا عليهم واحدة منهم اكيد حضرتك قريت عنها المرحومة سالي اللي وقعت من بلكونة بيتها و قالوا و اعلن عمها انها لقيت مصرعها في التحرير بعد ان انهال عليها البلطجية الشوم و جابلها كسر في الجمجمة قولي حضرتك بقي و خلاص تم الاعتراف علي انها شهيدة

8- اللي اعرفوا ان الثورة بيبقي ليها قائد يقود مسيرة البلد و لكن الشباب اللي قاموا و عملوا الوكسة السودة اللي احنا فيها مشفتلهم واحد حاجة غريبة مش دي ثورة الشباب زي ما الناس بتقول الشباب اللي بيفكر في اولادنا و اولادي و الكلام الكبير ده اهو بسببهم شفنا حاجات كتير اشي اخوان و ناصريين و ليبرايين و بلا ............

الكلام اللي انا بقولوا ده حاجة صغيرة و مدخلتش في التفاصيل
الرشاوي لسه بتدفع و اكتر من الاول
الخدمات مش موجودة و بينشف رييق الواحد عشان يحصل عليها
ثورة شباب بقي
بورصة ووقعت
سياحة و اضربت
استثمارات و هربت
عيشه كريمة للاولاد مش كده برضة

اسف علي الاطاله يا استاذ أحمد و شكرا لسعة صدرك