تجربة تانية مع توكيل أرض اللوا

**harban** · 12-06-2011 01:41 AM

كان عندي مشكلة و دي تفاصيلها

المشكلة تحدث عند التسخين صباحاً فقط، صوت أعلى من اللازم يشبه صوت موتور الجاز مع وجود صوت سكسكة كدة (ولامؤاخذة)، ينتهي بمجرد نقل الفتيس أو إنتهاء عملية التسخين
تم التوجه الى التوكيل (العربية في الضمان)، تم تغيير البلوفات (الخاصة بالزيت)، لسة الصوت موجود، تم تغيير وش السليندر كاملاً وتم التسليم بالأمس
مفيش صوت والحمدلله والدربكة إلي كنت بسمعها اختفت

مدفعتش أي فلوس (الوش بيعمل ٩٠٠٠ جنيه ) ، معلتش صوتي ، كانت المعاملة أكتر من رائعة ، كل واحد هناك عارف شغلو والمطلوب منو ، التأخير في إستلام العربية نسيتو لما جربت العربية بعد التغيير (حملة الصيانة المجانية بالمناسبة لسة شغالة )
معتقدش اني هغير Seat ، العربية رائعة ، التوكيل محترم والمدير هناك حبيبي ، اسمو الباشمهندس وجدي لو حد مزنوق في حاجة
هذا للإفادة فقط

**ahmadhassen** · 12-06-2011 01:49 AM

موديل كام العربية دي

**harban** · 12-06-2011 02:11 AM

المشاركة الأصلية كتبت بواسطة ahmadhassen

موديل كام العربية دي

Seat Ibiza 2010 - DSG ,
ماشية 17000KM

**Mohamed.Ramah** · 12-06-2011 02:31 AM

شكرا لنقل تجربتك ربنا يباركلك فيها الصراحة تفاجات من موضوع أ.ايهاب ومكنتش متوقع من التوكيل اللى حصل ولاكن واضح انة لم يكن موفق فى الصيانة اليوم اللى ذهب فية شكرا مرة تانية وان شاء الله خير فى مشكلة أ. ايهاب

**ehab_mansour** · 12-06-2011 08:53 AM

الحمد لله يا أفندم علي حل مشكلة حضرتك وأتمني الخير لك دائماوللجميع

بخصوص مشكلتي فيمكن تكون استثنائية أتمني ذلك ولكن حضرتك لما أكون انا اللي عمل للعربية صيانة معينة بنفسي و أروح هناك وهو يدفعني فلوس ويقلي عملتها (تنظيف وحدة الحقن ) يبقي ده اسمه ايه ؟
ولماأكون لسه عمل ضبط لوش الأسبراتير بنفسي والعربية كويسة وقلتلهم فيه رجة بسيطة في العربية دخلت صيانة ودفعت 80 و اللي حصل كالأتي (تم شبه تفويت لمسمار ضبط وش الأسبراتير لعدم اعتناء الفني واهتمامه أثناء الفك والربط - تأخير كهرباء العربية كتير جدا ومع ذلك الرجة مرحتش والعربية أصبحت سيئة جدا )
تاني يوم اشتريت وش أسبراتير جديد وركبته ونظفت أطراف سلوك البوجيهات ب wd40 وضبط وش الأسبراتير حسب كاتالوج الصيانة اللي عندي وبعدها و الحمد لله العربية ما شاء الله زي الفل والحمد لله وحتي مع التكييف

تقول ايه في الكلام ده
توكيل مش عارف ان وش الأسبراتير عايز يتغير رغم انهم قالولي انهم كشفو علي دائرة الكهرباء كاملة و أقسملك بالله ان كابلات البوجيهات لم تفك من الوش
توكيل مش عارف ان كابلات البوجيهات مملحة ويتتنظف أطرافها وتسيبها ويتغيرها وده اللي انا عملته

وهناك مفاجئة أخري ولكن هخليها لوقتها وصدقني انا هحاول أجمع كل الأعضاء اللي زي حضرتك ويعرفو ناس هناك ولما أخلص ضبط للعربية هخادهم ونروح وهطلب حقي ده لو مافيش عند حضرتك مانع طالما تعرف مهندس وجدي
انا كل اللي أعرف اسمه هناك مهندس نادر اللي في الاستقبال بس

وشكرا لاهتمام الجميع بمشكلتي و أسف اني رديت هنا ولكن عشان الأستاذ محمد رماح أثار الموضوع هنا كمان فحبيت أوضح أكتر

ومنتظر تعليقاتكم علي كلامي

**SYD** · 12-06-2011 12:47 PM

اعتقد مافيش داعي تروح مرة تانية للتوكيل الا لو عايز تعمل صيانة لكن تروح عشان تعمل مشكلة او تحاول تاخد حقك هتضيع وقتك علي الفاضي ومشوار كبير عليك ياباشمهندس

ربنا يباركلك في عربيتك ويخليك ليها ويخليها ليك
انت راجل بتفهم في الميكانيكا وبتعمل حاجتك بنفسك ودة شئ جميل بس بيتعب لو حد مد ايده في عربيتك وانت غير راضي ومش هترضي ابدا عن مستوي الشغل حتي لو الخواجة الي اختراعها بنفسها اشتغلك فيها

اسف ياباشمهندس لو كلامي زعلك بس دي حقيقة اي واحد فني
انا كدة
لو مستر hp بنفسه اشتغلي في الكمبيوتر بتاعي ببقي غير راضي عن الشغل (دة لو حصل اصلا، انا لا يمكن حد يمد ايده في الكمبيوتر بتاعي حتي لو العفريت ابن الجن ابو عين زرقا)

ولتاني مرة ربنا يبارك في يمينك ويديك الصحة ومحدش يمد ايده في عربيتك ونفسي اتعلم منك الحاجات الفنية دى

والله المستعان
،
،

**ehab_mansour** · 17-06-2011 09:40 AM

المشاركة الأصلية كتبت بواسطة harban

أسف للتأخير ، طيب الحمدلله لحالة العربية، شوف يوم فاضي، حتروح على التوكيل، بكل هدوء حتحكي على الموقف، بالتواريخ ، فاتورتهم و اي إثبات للإهمال من جانبهم، الكلام د فالإستقبال ، عادةً هيجبولك مدير الورشة أو مدير المركز ، إحكيلو الموضوع بهدوء أكتر و شوف رد فعله، مش الهدف إسترداد الفلوس، على الاقل لو حد معملش شغلو ، الناس إلي حواليه وحنا كمان تعرف ،
أنا رايح يوم الجمعة الصبح لو ربنا كرم انشالله ، لو متابع مشكلتي، أنا لسة عندي هزة غربية كدة والعربية idle ، ربنا المستعان

الله المستعان
ربنا يوفقك وييسرلك أمورك وتتحل مشاكلك ان شاء الله
انا مسافر بقالي يومين وهرجع اليوم مساءا ان شاء الله هشوف وربنا يسهلها

-

-

الموضوع: تجربة تانية مع توكيل أرض اللوا

LinkBack

أدوات الموضوع

عرض

-

-

-

-

المواضيع المتشابهه

شباب، لو حد لاحظ أي فرق فالمعاملة في توكيل أرض اللوا ، ياريت يبلغ!

توكيل العبور و أول تجربة مع توكيلات اللوجان

روحت توكيل دايو يوم 29-12-2009 عشان اكشف على الفتيس الاتوماتيك لقيت مكشلة تانية

فعلا توكيل عجيييييب في حاجة تانية اللي هي

الكلمات الدلالية لهذا الموضوع

المفضلات

المفضلات

ضوابط المشاركة