ان شاء الله هشتري الرينو لوجان ولكن...........

**medododo** · 13-06-2011 08:28 PM

لسة كان في مناقشة علي الفيس مع التوكيل والناس قامت بالواجب في موضوع قطع الغيار ده
Facebook

**akramtiti** · 13-06-2011 09:23 PM

بجد انتم ناس محترمه وربنا يبارك لكم في عربياتكم ويكفيكم شرها

**medododo** · 13-06-2011 09:37 PM

المشاركة الأصلية كتبت بواسطة akramtiti

بجد انتم ناس محترمه وربنا يبارك لكم في عربياتكم ويكفيكم شرها

ده من زوق حضرتك
الله يباركلك يارب

**SALLAM569** · 13-06-2011 10:25 PM

بص انا اللى حبيبنى فى اللوجان لما ركبت عربية صاحبى لوجان 2009 و سوقتها و حسيت قد ايه العربية دى محترمة بعد مكنت بعيب عليها و بقول: اللى يجيب الرينو الله يعينو .....
بس بجد والله عربية محترمة جدااااا و ناعمة جدااااا و عفشتها جميلة و متحسسكش بالمطبات نهائى و عالية عن الأرض و دى ميزة خصوصا فى شوارع مصر اللى مليانة نقر و مطبات فى كل حتة و مش مأثرة علة ثبات العربية انا كنت بغرز بيها على 140 و مقلتش لأ و سحبها فوق الممتاز بصراحة العربية جراية جداااا و مغرية و انا جبت بيها 190 و كانت ثابتة و فى هدوء تام و الأبشنز بتاعتها رائعة و مستوى الأمان فيها عالى جدااا و تكيفها ثلاجة و صاجها محمل و قفلة الأبواب محترمة جدااااا ...
بصراحة دى اول عربية رينو تتحب و تنتشر الأنتشار دة العربية بقلها سنتين فقط و مع ذلك انتشرت و اكتسحت السوق و خلصت من السوق فجابوا دفعة اتحاد اوروبى ( هى هى المغربى بس فيها كمليات زيادة زى 2 اير باج و فرامل ABS انما المغربى لا يوجد بها ABS و فيها اير باج واحدة للسائق ) و خلصت بمجرد الأعلان عنها و دلوقتى تروح تحجز مغربى و تستلم فى شهر 8 ..
و بعدين رينو و وكلاء EIM مش هينزلوا عربية غير و هما واثقين و متأكدين انها هتحقق نجاح و مش هتبوظ سمعتهم و بالفعل العربية خققت نجاح باهر و كل الناس شكرت فيها و اجمعوا انها عربية محترمة سواء اللى معاهم لوجان و اللى ممعهومش ...
انما بخصوص قطع الغيار فمتوفرة فى اسواق و فى مختلف المحافظات و بعدين احنا مكبرين خلال فترة الضمان ( 3 سنوات او 100 الف كيلو متر ) و بعد كدة هنلاقى قطع الغيار متوفرة و مرطرطة كمان زى الانوس و الفيرنا مع العلم ان الفيرنا لغاية عام 2004 كانت قطع غيارها غالية و مش متوفرة ....
انما بخصوص سعر اعادة البيع مستعمل فأنا حصلتلى ظروف فاضطريت انى اعلن عن بيع العربية و كان بالميت اوى 5 بيتصلوا بيا يوميا و العربية جابتلى 66000 جنيه 26\1\2011 دة تاريخ الأستلام و الحمد لله ان ربنا فرجها و مبعتش لوجى ....
بالله عليك مش دة دليل ان العربية ناجحة انت عاوز ايه اكثر من كدة فى عربية ب 70 لف جنيه انا عارف ان العربية رخيصة علشان اتفاقية اغادير يعن لو نارلة عليها جمارك كان سعرها مش هيقل عن 85000 جنيه ...
فى النهاية اسف على الأطالة و تقبل تحياتى و ربنا يوفقك فى اختيارك سواء كان لوجان او غير لوجان ....
Log In | Facebook

**ABOHAZEM_NEW** · 14-06-2011 01:30 AM

الحمد لله رب العالمين

**akramtiti** · 15-06-2011 03:54 AM

يجد يارجاله مش عارف اقولكم ايه علي اهتمامكم وبجد متعاونبن جدا جزاكم الله كل خير
ياريت حد يفدني لاني قلت جدا ايه حكايه البور في اللوجان لاقيت ناس بيشتكوا كتير من تقلها هنا في القسم وفي الفيس بوك يردو نفس تاكلام وايه حكايه الصوت الطرقه في الدريكسيون افيدوني افادكم الله

**akramtiti** · 15-06-2011 04:08 AM

ومعلش بتقل عليكم بس اكيد هتعذروني حكايه السخونه في الدوسات لها حل

**Esam Mosaad** · 15-06-2011 04:24 AM

لو مقتنع بيها ومرتاح نفسيا ليها يبقى توكل على الله
اعضاء كتير معاهم لوجان ومبسوطين والحمد لله

**abo_pasem** · 15-06-2011 11:32 AM

بسم الله الرحمن الرحيم
العربيه ممتازه جدا ومش هاتندم خالص إن شاء الله
وبالنسبه لاماكن التوكيل
1- العامريه مرغم علي الطريق الصحراوي وده كويس
2-سموحه جنب شركه لورد هتلاقي طريق ضيق كده والتوكيل اول بوابه شمال
وده فوق الممتاز ونضيف جدا واعتقد اقربلك لو هاتيجي من دمنهور

وجيب العربيه ماتقلقش مش هاتزعلك في اي حاجه