الموضوع: محدثتكم نور القمر من الفارم فيل الحقيقية (تم اضافة الصور)

السلام عليكم ورحمة الله
احدثكم من فارم فبل الحقيقية في البلد
بعد غياب حوالي 10 ايام عن نايل موتورز اخير ركبت نت واول موقع طبعا دخلت عليه هو نايل موتورز
مهما كتبت الكتابة مش هتوصف لكم اد ايه جمال البلد والمناظر الطبيعية الخلابة واخلاق الناس هنا
هوافيكم بالصور في القريب العاجل
لاول مرة من اكتر من 10 سنين اقعد اجازة طويلة ولسه قدامي وقت عشان ارجع
جيت لقيت البلد اتحولت لفارم فيل حقيقية والعيال مبهورين باللي شايفيته
ننزل الجنينة نلاقي كل انواع الخضار ماعدا الطماطم دي الخضرة
قدامنا بحر يوسف ده المية ناقص الوجه الحسن وهو وجه انستي الجميلة يارا
ان شاء الله ان شاء الله هانبني بيت جديد قريب شغالين دلوقت في هدم القديم ادعولي ربنا ييسر احسن الرتم هنا بطييييييييييء زي النت بتاعهم
قاعديبن انا واولادي تحلم هنعمل ايه بالفارم فيل الحقيقية
شوفوا معايا الاحلام وصلت لفين
عايزين نبني فرنين واحد للعيش البيتي وواحد للبتاو
وعايزيزن يجيبوا بقر عشان اللبن هنا صعب الحصول عليه نوع لبته حليب سادة عادي ونوع حليب بالكاكاو ونوع بالفراولة زي الفارم فيل
بس قرروا مش هانجيب خنازير من نفسهم قالوا بلاش خنازير
كان جايلنا بط هدية مكنوش عايزنا ندبحه عشان نبدأ الفارم قيل وسبناها يومين يفرحوا بيها ودبحناها ولما نجهز مكان نجيب غيرها
الحياة هنا رغم الحر بس اجمل بكتير من حياة القاهرة مهما وصفت مش تتخيلوا
بس ممكن تتخيلوا بعد ما انزلكم شوية صور ... انتظروها في القريب العاجل ان شاء الله
تم اضافة الصور بناءا على طلب العضوة
21يونيو2011
مشرف17ب

اول صورة لسفندي قدام بحر يوسف وقدام البيت والعيال بيستحموا في البحر


والانسة يارا



الجنينة


شجرة كوسة


كنتالوب


بتنجان


بامية


ذرة


صورة لاغاظة مدمني المانجة


فيو من بيت حمايا


ده بقى مكان على يمين البيت الجديد باذن الله



سفندي تاني


احنا على يمين البيت ده