الموضوع: الى المسلمين

المشاركة الأصلية كتبت بواسطة hobiko

سؤال عشان مختلط علي الأمر ...... هو فيه مشكلة في تشريع القوانين المدنية بالشكل المتعارف عليه حالياً ..... عن طريق مجلس الشعب و الاستفتاءات الشعبية ...... بشرط عدم معارضتها للشريعة أو عدم تجاوزها ؟؟؟؟؟؟

الاخ الفاضل الاستاذ ( hobiko ) بأذن الله الاخوة يتولو الاجابة علي سؤال حضرتك
انما لو تسمح لي بأن اسألك انا سؤالا كي تعم الفائدة بيننا و تحدث حالة من المناقشة
لقد سمعت الرجل و اكيد حضرتك متابع للمطالبين بتطبيق الشريعة الاسلامية كمنهج و دستور للبلاد و ايا ما كان اسم الدولة و قتها طالما لم يتعارض مع الدين
فما رأي حضرتك في هذه الامنيات و ما هو تخوفك اذا حدث ذلك و هل تجد ان الاحكام الموجودة في الكتاب و السنة و استنباط العلماء لا يكفي لحكم دولة ام ان اعتراض حضرتك علي تطبيق الافراد فقط؟
و تقبل تحياتي

م.حاتم السباعي

و ليه حضرتك بتنظر الان ( للصومال و افغانستان و باكستان ) و غيرها من الامثلة التي تم تدميرها و شبه تمزيقها قبل ان يتركوها سواء للاسلاميين او حتي لمدعي الاسلام
ان الصومال قبل ان تصبح بهذا الشكل كانت مثلا دولة متقدمة اثناء قيام النظام الغير اسلامي المتبع
هل مثلا افغانستان و باكستان كانو زي الهند و لما تم سيطرة الدينيين عليهم انهارو اقتصاديا
لا اخي الكريم
اننا كشعوب اسلامية تم السيطرة علينا من اكثر من سنين طويلة و تم ارجاع الدين للخلف
مش هقول بقي مؤامرة علي الدين و الكلام ده بس هقول لك اننا كمسلمين المفرطون
فلما فرطنا ( هنا ) و ضعفنا
فما المانع ان نجرب تاني ان نقوي بالدين كما فعل المسلمون الاولين ما الذي يمنع ان نكرر الدولة ( المحمدية )
التي اسسها رسولنا الكريم ما الذي نخشي عليه او منه
هيحصل ايه اكتر من اللي حاصل
و لو علي شركائنا في الوطن ( عهد الفاتحين يشهد لهم ) كيف كانو معززين مكرمين
و لو علي التقدم و الحضارة يشهد لنا العالم اجمع ان اهل الصحراء ( انارو العالم اجمع ) و حكموه بشرع الله عهود طويلة و كانو بحق يطبق في بلاد المسلمين ( حرية - عدالة اجتماعية - امن - تطور - الخ الخ ) كل ده مغلف بما يرضي الله عنه الموضوع بسيط
بس فيه ناس للاسف من المسلمين لا يتخيل مثلا بدون ذكر اسماء علشان لا اغتاب احد
يقولو له الصبح مثلا لا مش هينفع تعمل الفيلم ده اصله بيخدش الحياء العام ( طبعا هيبقي عاوز يولعها قبل اليوم ده ما يجي عليه )
و لا مثلا واحد تاني اعلامي شهير ( بيعمل برنامج اسمه عرب جوت مش عارف ايه ) هيقولولو مثلا لا مينفعش تجيب مثلا واحد ظهرها عريان في البرنامج مثلا فهو يطيق العما و لا ان اليوم ده يجي
و واحد تاني بيروح يفخد في مارينا و سط العرايا و الفاتنات فيقولو له مثلا لا ان كان و لا بد اعمل لنفسك شاطئ خاص ان شالله تقلع فيه هدومك كلها المهم مع محارمك يقولك ( محارمي ايه يا عم ) انا مبتمزجش الا و سط اللامة
و خد بقي عندك من ده كتير و كتير فتجد ان المسلمين للاسف شهواتهم و لهوهم و طموحاتهم لا تريد حتي التفكير في ذلك مضطر للانتهاء الان و نكمل بأذن الله بعد ذلك
ربنا معانا بقي

م.حاتم السباعي

المشاركة الأصلية كتبت بواسطة mikho83

تسلم يا باشمهندس
ربنا يزيد من امثالك، حضرتك قولت اللي أنا كنت هاقوله

الله يبارك في حضرتك
و احنا منتظرين بأذن الله الردود علي اسألتنا

م.حاتم السباعي

المشاركة الأصلية كتبت بواسطة mahamedaraby

المثال هنا على الدول اللى موجوده حاليا
يعنى مثالا الصومال منعت كاس العالم اللى فات وقالت حرام ومش حرام يعنى انا عندى الناس كلها تتفرج على كاس العالم وطفل ميموتش فى حرب اهليه او من الجوع يعنى قصدى فكرهم حتى غريب تحس انك عايز تقولهم انى اسلام اللى انتوا بتطبقوه عندكم اكيد اسلام مختلف ده مثال واحد فى صومال مثلا

للموضوع بقيه ان شاء الله

بص يا فندم
مصر تم حكمها سنين و سنين لا تحرم الخمر و لا العري اللي مالي الشواطئ و اللي مغرق الاعلام و اللي مالي السنيما و لا اظن لحظة و احدة ان اغلب الشعب المصري هو من احل كل ذلك
و بنفس القياس ما يحدث في الصومال الدولة المنهارة اصلا التي مزقتها الصراعات سنوات طويلة
لا نعرف ما يحدث فيها الان الا من خلال الاعلام و كما يصورنا هنا علي اننا ارهابيين لا استغرب ابدا ان يسلط الضوء علي مثل هذه الاشياء اذا حدثت اصلا في الصومال
اخي الكريم
لقد كتبنا كثيرا عن اننا بنضرب امثلة بدول منهارة اصلا منذ مئات السنين
و لو فعلا هذه الدول بتطبق الحكم الاسلامي فأرجو ان نمهلها قليلا كي نري ما سيوصلها هذا الحكم لان الحكم بغير الدين هو ما ادي بها اصلا لتخلفها مش العكس و حالها الان خير دليل
و اتوقع ان لو دولة ما ( قوية او ضعيفة ) قرر اهلها ان يحكمهم اي تيار فأظن ان هذا هو الطبيعي و لو اننا سوف نشك في تطبيق الشريعة في كل مناحي حياتنا خوفا من دولة او 10 مطبقينهم غلط مثلا
فلماذا لا نقيس و نقلد الدولة المحمدية التي اسسها رسول الله و سط اعظم حضاراتين عرفهم التاريخ ( رومانية و فارسية )
و مع ذلك عن طريق بعض العرب المتخلفين حضاريا في ذلك العهد و سط الامبراطوريات ( كسري و قيصر )
و مع ذلك قامت هذه الدولة المؤسسية الاسلامية الدينية المحمدية بالنهوض و الحضارة و السيادة و سط هذه الامم و سار علي نهج الرسول الخلفاء الراشدين من بعده
و مع مرور الزمن و مع ( التفريط ) في الدين و الثوابت و التفريط رويدا رويدا حدث ما حدث من تفكك الدولة الاسلامية ( لدول ) فهانت و ضعفت و تم النهش فيها من احط الامم و بعد ان كنا روادا اصبحنا تابعين
كم من شبابنا يعلم كيف حكم المسلمون الاندلس؟ و كيف اننا و صلنا بفتوحاتنا و حضارتنا الاسلامية لحدود فرنسا؟
ماذا يعلم شبابنا عن تاريخ الحكام و افضل الازمنة؟
هل يعلمون تاريخهم كما صور لنا الاعلام الخليفة ( هارون الرشيد ) علي انه زير نساء؟
هل كل ما نعرفه عن عمر بن عبد العزيز هو مسلسل كانت تزاع للشعب الساعة 2 بالليل في رمضان بعد و جبة دسمة للنجوم ام لحم ابيض و احمر علشان يهبلو الناس و ما يسمي بالفنانات (( يسرا و الهام الخ الخ و الراقصات فيفي عبده و دينا الخ الخ و البرامج الفارغة و التريقة علي خلق الله ( بعد كل هؤلاء المفسدون في الارض ) نعرض بقي الامام فلان و الا الشيخ علان اليس هذا ما تربينا جميعا عليه في بلدنا و غيرها
هل هذه هي القدوة التي يعرفها شبابنا عن الدولة الاسلامية و حكامها
درسو لنا كيف علق فلان علي باب زويل و كيف امات ترتان الناس في القلعة و مين نط بالحصان من المجزرة
يعني ميعرفوش يدرسولنا الا الانهيار اللي بيحصل فقط في اخر الحضارات الاسلامية
هل يمكن ان يطلع جيل كامل يا سيدي كل اللي يعرفه مثلا عن السادات انه كان قائد حرب اكتوبر ثم هوب اقلب علي طول و انه قتل في المنصة فلو نسيت الاجيال ازاي انتصر علي اسرائيل لا يظل في ذاكرة الاجيال الا شئ واحد فقط ( انه تم قتله ) طبعا من وجهة نظر البعض و يطلع ناس تانية تقول لا هو كان مش ظالم و قتل غدرا و اخرين يقولو لا ده كان سوء فهم ادي لذلك ( و كل واحد بقي بيألف الكتب من و جهة نظره فهل ما سيكتبه هيكل زي اللي هيكتبه من قتلو السادات زي اللي هيكتبه اقرب المقربين من السادات
خلاصة القول لقد و قعنا فريسة لتشوية صورة الحكم الاسلامي نتيجة اعلام فاسد يظهر لنا فيه كل جيل مفسد جديد من اول ( مش ملاحظ حتي ان الناس اللي كانت مسيطرة علي السينما في مصر و من ادخلوها كانو يهود مصريين اليس هذا عجيبا و غريبا و بالله عليك عاوز اليهود يخرجولنا ( الفتوحات الاسلامية مثلا ) و حضارة الدولة الاسلامية منذ نشأتها حتي ضاعت و ان يبرزو اسباب التقدم و اسباب الضياع
عاوزهم هم و تلاميذهم ( يوسف و هبي و الريحاني و مرورا بيوسف شاهين و حتي وحيد حامد الذي لا هم له في الدنيا الا مهاجمة الاسلاميين و الاخوان و اخيرا عمنا الكبير خالد يوسف بتاع حين ميسرة ) بالله عليك هل هؤلاء البشر ينتظر منهم تعظيم قيمة الدولة المسلمة في ما يبثوه لنا طبعا مستحيل
عموما للحديث بقية بأذن الله

م.حاتم السباعي