الموضوع: لا ينفع ان تكون مسلم علمانى

المشاركة الأصلية كتبت بواسطة HAGAN

كلام مين يا فندم المتناقض؟
انا ليست واضع الفيديو ( شكل حضرتك مش واخد بالك و لا ايه )
و اكيد الاستاذ الفاضل صاحب الموضوع اجدر مني بأي استفسار عن عنوان الموضوع
و ما بداخل الموضوع يسأل عنه المفتي
انا اوضح فقط ما يخصني في فهمي الخاطئ لمشاركة الاخ الفاضل و هو اوضح لي بعتاب جميل بأنه ليس كما اعتقدت انا و لذلك قدمت له اعتذاري عن سوء فهمي فهذا لا يقلل من شأني ابدا
و اضفت له انه حتي لو هو يتبع اي منهج فأنها ليست سبه
و من حق اي انسان ان يعتنق اي منهج او فكر ( من وجهة نظري )
و لكن من حقنا ان نعلق علي هذه المعتقدات الفكرية و المناهج
و لكن ليس من حقي ان اقول لحضرتك انت ليه متبع الفكر الفلاني
انما من حقي ان اعبر عن الفكر او المنهج عموما و ايضاح ان هناك تضارب او اتصال بينه و بين عقيدتي كمسلم
او ان اختار هذا المنهج او ذاك لتطبيقة علي كيان الدولة التي اعيش فيها
و منتظر ان اعرف ( كلام مين المتناقض )
لان حضرتك اقتبست تعليقي و كتبت مشاركتك

م.حاتم السباعي

حصل خير يا باشمهندس
ممكن اكون انا اللى بقيت مش قادر افكر كويس النهارده
وسامحنى لو كنت ضايقتك او ضايقت اى حد تانى
بس اللى انا عاوز اوصله لكل الناس
يا ريت بلاش سياسه الاقصاء (من ليس معنا فهو علينا)
وسياسه التعميم (كل من على رأى مخالف فهو علمانى او ليبرالى اوزملكاوى)
مش كل المسلمين اخوان او تابعين للجماعات السلفيه ومش كل الباقى وحشين
الرأى السياسى طالما لا يخالف الدين الاسلامى فلا يجب احتكاره او مهاجمه صاحبه
واهم حاجه ان فيه ناس كتير وانا منهم ميفرقش معاهم او ميعرفوش اساسا معنى ليبراليه او علمانيه وكل يوم يلاقوا ناس بتوصفهم بيها وترجع ناس تانيه فى موضوع تانى تتهم العلمانيين او الليبراليين بالبعد عن الدين ومحاربته

وان فيه ناس كتير وخاصه هنا فى المنتدى سبب فى كره الاعضاء للتيارات الاسلاميه بسبب اسلوبهم

اعتذر لحضرتك مره تانيه لو ضايقتك او ضايقت اى زميل اخر