[img3]https://fbcdn-sphotos-e-a.akamaihd.net/hphotos-ak-ash3/12331_10151768315777241_1302719892_n.jpg[/img3]
حال الشعب المصرى العظيم ... كل ما بنطلع من حفرة بنقع فى دحديرة ... دحديرة ايه قول بلاعة ياراجل !!!!
كما توقعت وذكرت على صفحتى سابقاً... الحلول المفاجئة والسحرية والغير متوقعة لمشاكلنا الحياتية من كهرباء وميه وبنزين ... كانت مجرد رشوة من الـ C C وأمن الدولة ... بيشكروا الشعب على حسن تعاونه وابهاره للعالم فى 30-6 وما بعدها
وبعد كده ترجع ريما لعادتها القديمة واخبطوا دماغكم فى أتخن حيط ... المشاكل بترجع بالتدريج تانى زى الأول كهرباء بقت بتقطع أكتر من مرة فى اليوم وبالساعات .. المياه نفس الكلام ... الفساد فى المصالح الحكومية بقى ألعن وأضل سبيلاً وهذا لمسته بنفسى فى تجديد الرخصة فى المرور ... إجراءات يوم واحد أخدت 5 أيام وفى الآخر استلمت الرخصة بخطأ فى رقم الشاسية علشان مش عاوز افتح مخى وأغضب ربى وأدفع رشوة ... حال الشوارع والمرور ازداد بشاعة ولغة البلطجه وقلة الأدب بقت أكتر من الأول... الإنفلات الأمنى والسرقات والتثبيت زى ما هوه ...حصص التموين فيها نقص كبير فى الزيت والسكر وغيرهم وكمان فيه تكدس عند البقالين ... رغيف العيش البلدى المدعم بقى اصغر حجما وأقل وزناً ومشوه وحاله زى الزفت ... كده مش باقى لينا إلا البنزين ... نزلت النهاردة الصبح لاقيت الطوابير بدأت ترجع على استحياء وقفت فى الطابور أكتر من ربع ساعه فى الشمس والحر والصيام وبدون حراك خالص !!! ... مستحملتش واضطريت انسحب من الطابور ... الصورة ديه من بنزينة مصر للبترول عند طنطا - الطريق الزراعى صباح اليوم الثلاثاء 30-6-2013
روحت لبنزينة تانية لاقيت نفس الوضع ... اضطريت ارجع بيتنا بدون الحصول على البنزين
على فكرة السولار كان متوفر ومفيش اى تكدس عليه
طبعاً الأوضاع كده لا تبشر بخير والحكاية كلها اسبوع ولا اسبوعين ونرجع تانى لأوضاع أسوأ من ما قبل 30-6
وزى ما كنا بنقول الله يرحم ايامك يامبارك وياليت الفساد يعود يوماً حتى ولو فى سرنا
واضح ان احنا هنقول قريب ولا يوم من ايامك يامرسى
انتظروا قريبا فى برامج التليفزيون نغمة الدعم ومستحقية والكلام ده هيشتغل حلو قوى اليومين دول
فين مليارات الكويت والسعودية
أين هى قوافل النفط والخيرات التى أولها فى دبى وأخرها فى قناة السويس
جتها خيبه اللى عاوزه خلف
حسبنا الله ونعم الوكيل
المفضلات