الموضوع: سؤال فى الجى إم

المشاركة الأصلية كتبت بواسطة shouk_1987

دلوقتى أنا سمعت من عضو هنا بس هو اتوقف و ليه مواضيع مثبتة فى قسم الصوتيات إن خارج الجى إم يكون 2/3 ال rms بتاع السماعة عشات متفرتكهاش و تعيش و ماتبوظش
هل الكلام ده صحيح ؟؟

----ايون ده كلام صحيح عشان العمر الافترراضى و عشان السماعه ماتضربش او تبوظ مع الاسعمال او الاستهلاك

تانى حاجة ياريت حاد يفهمنى إزاى بتتحكم فى gain بتاع ال amplifier و لو عندى سماعات بقوى مختلفة أظبطها إزاى (2 ليهم rms معين و 2 ليهم rms مختلف)

----الكلام ده لو الجى ام
4 مخارج او بمعنى اصح
4 تشانل
كل 2 تشانل بيركب عليهم سماعتين
و كل 2 تشانل بيبقى ليهم الجاين الخاص بيهم
و هو عباره عن بكره
بتتلف بمفك عاده رفيع و صغير ( طبعا الكلام على سن المفك )

آخر حاجة أنا عارف إن ال RCA ده اللى خارج من الكاسيت (head unit) و رايح على ال amplifier طيب هل أنا ممكن أتحكم فى ال amplifier من الكاسيت عن طريق ال rca ؟؟ و لو ينفع هاتحكم فى ايه اصلان


----تحكمك بيبقى انك تعلى البييز او توطيه
او تعلى الصوت( صوت المغنى ) او توطيه
او تعلى التربل( اللى هى السكسكه ) او توطيه

و ليه فى كاسيتات فيها أكتر من rca
الكاسيتات اللى فيها اكتر من خرج دى

--عشان واحد بيبقى لسماعات
و واحد بيبقى لصب ووفر
ز هنا بيبقى فى تحكم مستقل على الصب ووفر لوحده
يعنى تعلى البييز على الصب فقط او توطيه او تقفله خالص
من غير ما تاثر على السماعات فى حاجه

و ممكن يبقى فى خرج تالت
و ده فى بعض الكاسيتتات بيبقى اختبارى انك تشغله سماعات او صب
على حسب اختيارك او على حسب اللى انت مركبه

و طبعا كل ما زادت المخارج كل ما تقدر تركب جى امات اكتر
من غير مشتركات و وجع القلب ده

و ألف شكر يا رجالة

يا باشا ألف شكر على التظبيط الجامد ده

طب معلش هاتعبك معايا عشان أنا نويت على جى إم خلاص :

أنا كاسيتى kenwood kdc-mp443u أجيب جى إم كينوود برده أحسن ولا مش فارقة ز
أنا عندى أربع سماعات 2 مدوّرين فى الباب قدام و دول rms 35W و سماعتين ورا بيضاوى حافرلوهم فى الصاج و دول قدام شوية بس محترمين أوى (blaupunkt ألمانى جاييين من بره) و دول 220W و ال rms 55W
دلوقتى الكاسيت خارجه 50w x 4 و 22w rms (جبت الخارج ال rms من النت) فكده السماعات اللى قدام مش محتاجة جى إم عشان كده 2/3 ال 35 = 23.3 وده اللى مخارجوه الكاسيت تقريبا و لكن اللى ورا محتاجين حوالى 36w و ده محتاج جى إم

دلوقتى أجيب جى إم 2 تشانيل كام وات و لّا أجيب واحد 4 تشانيل تحسبا لأى تعديلات قادمة
ولو هاجيب ال4 أظبط توصيلته إزاى بحيس إن يدينى باور لسماعتين فى رانج ال 40w rms

آخر حاجة إيه هىّ السماعات أو الصابات أو الجى إم الى اسمها 2-way أو 3-way

و شكرا أوى يا باشا على تاعبك معايا

طبعا الحسبه اللى انت عامله كده تمام
و السماعات اللى قدام مش هاتبقى محتاجه جى ام زى ما انت قولت
و الفكره ان اللى ورا كده كمان قليلين
لان اقل جى ام 2 تشانل بيطلع 60 rms
فى التشانل الواحد

مفيش غبر الكيينوود ال 500 وات ال 4 تشانل اللى بيطلع 40 rms فى التشانل
و ده ممكن يبقى مناسب
و ده يركب عليه 4 سماعات كمان مش 2 بس

بالنسبه بقى لنوع الجى ام
مش فارق
بس طالما فى امكانيه تجيب حاجه نضيفه يبقى تمام

موضوع 2 واى و 3 واى ده
مبدئيا كده الصب 1 واى
لانه مبيطلعش اى صوت تانى غير صوت واحد اللى هو البيييز

كده يبقى فهمنا الواى الى هو ايه
اللى هو الصوت او المؤثر اللى السماعه بتطلعه

يعنى ال 3 واى
يبقى السماعه بتطلع
بييز و صوت مغنى و تربل

طب ال 4 واى
يبقى بييز
و صوت مغنى
و 2 تربل

و هكذا

المشاركة الأصلية كتبت بواسطة beetleMOSH

لان اقل جى ام 2 تشانل بيطلع 60 rms
فى التشانل الواحد

أولا ألف شكر يا باشا
ثانيا مش ال جى إم فيه تحكم للجيين (A) بحيث تخرج من صفر لغاية ال max اللى هو 60 فى الحالة ديه و لّا هو بيخرج ال max بس
طيب لو فى تغيير للجين بتعرف إزاى هو مخرّج كام دلوقتى
و لو مافيش تظبيط للجين ممكن أجيب ال 2 تشانل ده و أضبط توصيلة السماعات توالى أو توازى على تشانل واحدة بحيث أدى كل سماعة 30 rms مثلا و لو ينفع هاوصل إزاى التشانل الفاضية
وشكراا

uppppppppppppp

شوف المشاركه دى
و انت هاتعرف تقيس ازاى

و اى جى ام لازم يبقى فيه جابن عشان تظبط منه الباور بتاعه

و ات ممكن توصل كل سماعتين على تشانل
بس توصلهم توالى ( مجربتوش قبل كده بصراحه غير فى الصبات بس )
و فى الحاله دى المقاومه هاتبقى 8 اوم و بالتالى الوات اللى طالع من الجى ام هاتبقى اقل من 60

اما لو توازى ف هيبقى كده المقوامه 2 اوم و كده الوات هايعلى و يزيد عن 60
ممكن يبقى 70 او اكتر شويه
و لو مجموع الوات بتاع السماعات اقل يبقى كده شكرا

المشاركة الأصلية كتبت بواسطة beetlemosh

شوف المشاركه دى
و انت هاتعرف تقيس ازاى

و اى جى ام لازم يبقى فيه جابن عشان تظبط منه الباور بتاعه

و ات ممكن توصل كل سماعتين على تشانل
بس توصلهم توالى ( مجربتوش قبل كده بصراحه غير فى الصبات بس )
و فى الحاله دى المقاومه هاتبقى 8 اوم و بالتالى الوات اللى طالع من الجى ام هاتبقى اقل من 60

اما لو توازى ف هيبقى كده المقوامه 2 اوم و كده الوات هايعلى و يزيد عن 60
ممكن يبقى 70 او اكتر شويه
و لو مجموع الوات بتاع السماعات اقل يبقى كده شكرا

ألف شكر يا باشا على تاعبك معايا مش عارف قاقولك ايه
بس لينك المشاركة مش ظاهر و كان ليا سؤال أخير معلش
لو جبت الكينوود ال 500 ال 4 تشانل اللى بيخّرج 40 وات لو هاوصل 2 تشانل بس على سماعتين بنعمل ايه فى التشانلز الفاضية (بنوصلهم إزاى) و كمان الكينوود ال 500 ده سعره كام تقريبا و فى أى بديل بمواصفاته برده

و شكرااا