صور بوجيهات العربية

**swimmer25** · 15-06-2011 01:31 PM

المشاركة الأصلية كتبت بواسطة mero100

انا اشتريت منظف رشااشات ac delco ...من التوكيل ب 28 جنيه ...لسه محطتوش....ناس خوفوني منه ...بيقولوا بيوسع الرشااشات .....ياريت لو حد عنده خبره في االموضوع دة يفيدنا برأيه

و شكراا جزيلا

انا حاطط منظف stp علي نص التانك ومش عايز اقولك مخلي العربية سحبها هايل
طبعا هترجع لطبيعتها بعد ما يخلص بس دي صيانة وقائية وعشان واضح ان البنزين مليان زبالة

**tarek_2005** · 15-06-2011 02:30 PM

ال stp منع عندي الدخنة السوداء عند بداية الدوارة صباحاً بس انا حطيته وانا واقف في المحطة والتنك فيه 8 لتر وبعدين فولت وراه علاطول 40 لتر بنزين وخبط مشوار لغاية السخنة ورجعت علي سرعة 120 منتظمة

**swimmer25** · 24-06-2011 10:59 PM

المشاركة الأصلية كتبت بواسطة swimmer25

شكرا يا جماعة لكل الردود بس انا معنديش مشكلة في السحب خالص
انا جبت الاتي
1- اربع بوجيهات ngk شمعة = 50 جنيه
2- فلتر بنزين أصلي =40
3- فلتر هواء أصلي = 35
4- علبة stp منظف رشاشات =29 جنيه من بنزينة وطنية
وكمان جبت فللر من التوفيقية ب 7.5 عشان اظبط البوجيهات

انا هعمل الاتي:
1- هفك فلتر البنزين انضفه تاني واشوف اخباره ايه واركبه تاني.. مش هغيره بالجديد عشان المنظف مياكلوش وعشان احط الجديد علي نظافة
2- التنك دلوقتي النص...هحط منظف رشاشات علي نص التانك بنزين وامشي بالعربية لحد لما المبة تنور او قبلها بشوية
3- هفول تاني للاخر
4- هغير البوجيهات وفلتر الهواء وفلتر البنزين

حد عنده نصيحة في التسلسل ده؟
سؤال أخير
هل أغير سير كاتينة كمان او اي سيور تانية او بلي او شداد ؟؟ العربية عاملة 26 الف كم بالحاجة الاصلية من 2008 وبقالها بالظبط سنتين و 8 شهور..يعني 32 شهر

انا عملت الخطوات اللي فوق بنفس الترتيب وغيرت كمان زيت فيسكو 5000 وفلتر زيت ونضفت الايدل والبوابة وعملت ايدل ليرن بعد فصل البطارية

النتيجة العربية بقت انعم في السحب وحاسس ان الموتور مستريح مش قافش زي ما كنت حاسس قبل التغيير
استهلاك البنزين علي طريق اسكندرية والسرعة بتتراوح بين 120 و 140 مع التكييف كمان هو 13 كيلو للتر بنزين(تقريبا)...انا بحط 92 ومظبط الفيشة علي 92 (يعني شايل الفيشة)

المشكلة بقي عندي في حاجة
السرعة عندي بتوصل ل 140 وتقف وبيكون صوت الموتور عالي جدا مش عارف ليه..؟ حد عنده اقتراح ؟