الموضوع: استفسار عن مواتير 205

اخى العزيز
بالنسبه لمواتير الـ 205 عموما انا اعرف واحد وللأسف لسه عارفه متأخر يعنى كنت بادوخ الاول علشان الاقى حاجة العربيه وتكون مضمونه وكويسه وميكانيكى فاهم فيها هو بيشتغل فى العربيات 205 فقط لاغير وممكن اى حاجه هو يعملها او يدلك عليها وهو انسان محترم بصراحه من التعامل معاه مع انى تعاملى معاه من قريب يعنى انا كنت عايز اعلى العربيه ومكونتش عارف مين يعليها هو فادنى اروح لمين بصراحة يعنى الحاجات الاستيراد بتلاقيها عنده وبيدلك ولو حاجه جديده بيقولك تجيبها منين وبما انك عايز مواتير يبقى هو افضل ومش عارف هل ممكن اقولك على تليفونه ولا ده مخالف بالنسبه للمنتدى هو عموما اسمه محمد حلاله فى ارض اللواء من ناحية الدائرى كده وتليفونى 0105488232
لو محتاج اى حاجه واقدر اساعد فيها انا تحت امرك لانى انا عارف انه الواحد بيدوخ بصراحه علشان يوصل لحد فاهم فى العربيه دى وفى كمان عماد المصرى فى الدقى ده انسان محترم فى التعامل ولما بتجيب حاجه من عنده لو فيها اى حاجه بيرجعها على طول بدون نقاش وبتبقى مسئوليته برضه كويس نمرة تليفونه 0114441344 بس هو مش بيرضى يقول اسعار فى لاتليفون يعنى لازم تروح له انا جبت من عنده مفتاح نور قبل كده وطلع مش كويس رجعه على طول وادانى واحد ما شاء اله زى الفل وبيبقى مش متعمد وجبت بوجيهات من عنده بصراحه زى الفل برضه لا واخده رطوبه ولا حاجه وباذن الله تتوفق فى الحاجه الكويسه وانا راى اسال فى اكتر من مكان علشان توصل لأرخص وافضل سعر وجوده كمان اما فى الوكاله ففى حميدو طبعا بس مشكلته انه حاجته غاليه شويه ولازم تفاصل خاصة انه ابنه هو اللى بيكون هناك وهو صعب شويه فى الاسعار وهو مشهور فى الوكاله يعنى تروح تسأل عليه على طول
وانا اسمى هانى محمد وعندى 205 بيجو الماتور الاسود العدل

الف شكر على معلوماتك و بالنسبة للماتور اللأسود ده انت ريك فيه ايييه اتا حيران بينه و بين gti 1600 cc .

والأقى الحاجات الأستيراد فين ارخص انا طبعا لفيييت و سالت

للاسف انا رحت بعربيتى البراجيل عند المدعو محمد حلاله والحمد لله سرق حاجات من العربية وبدل حاجات تانية وبالرغم انى عارف عربيتى بالمسمار الا انى ما عرفتش اخد حاجتى وحسبى الله ونعم الوكيل فيه وربنا يعوض عليا لانه فضى العربية من حاجات من الصعب انى اعرف اشتريها تانى ملحوظة انا عربيتى 205 جى تى وده تحذير اللى عاوز يروح لاى شخص لازم يقعد مع عربيته ومايسيبهاش

اخى العزيز انا اللى كنت قلت لحضرتك على محمد حلاله بس غريبه قوى حكاية انه سرق حاجات من عربيتك انا مش باكذب حضرتك لكن فىنفس الوقت انا باوضح ايه اللى حصل معايا وعلى اساسه رشحته انا اتعاملت معاه بس مكونتش باسيب العربيه بصراحه كنت باقعد على ايده واللى لاحظته واكيد حضرتك برضه انه مش شغال غير فى الـ 205 بس وانا غيرت من عنده كبالن ما شاء الله زى الفل وكمان الطنابير برضه الامامى واسعاره بالنسبه للوكاله وغيره ارخص واحد بس موضوع السرقه ياريت حضرتك تقولى ايه اللى حصل بالظبط ولو عايز اروح معاك له ونشوف الموضوع مفيش اى مشكلة نلاى مش مصدق بصراحة اللى حضرتك بتقول انا اتعاملت معاه كام مره مشوفتش ده

انا منتظر د حضرتك لانه الامر مش يهمنى لوحدى ولكن يهم اى حد عنده 205 لانه كلنا فى النهايه بنحاول نجتهد علشان نساعد بعض ونوصل لحد يكون اسعاره كويسه وفى نفس الوقت فاهم وامين

ها ايه اخبار حلاله صحيح يا استاذ هاني ممكن اكلمك على الموبايل
ولو فيها رخامه انت غيرت الكبالن امتى ؟؟؟؟؟؟

استاذ / محمد اهلا بيك فى اى وقت انا بس كان نفسى الاخ اللى كتب الكلام ده يكلمنى هو كمان علشان اقدر اوصل للحقيقه لانى هو قلقنى جدا لانى كنت ناوى باذن الله لما اجى اجدد اسيب العربيه ليه علشان التجديد عموما انا رقمى 01005488232 وبالنسبه للكبالن كان من حوالى كام شهر كده مش متذكر بالظبط بس استنى لما اروح واقولك بالظبط انا باكتب كل حاجه فى اجنده خاصه بيا

شاكر جدا لاهتمامك ومتابعتك ليا ياهاني باشا
ومافيش داعي لاستاذ والقاب
خلي البساط أحمدي ( للي معاهم بيجو بس وبالاخص 205 )