فيـــات سيــنا - شيفروليــه أفيـــو

**hazem_khidr** · 09-05-2008 04:24 PM

السيينا لا انصح بيها
لو كانت برازيلي كنت قولتلك توكل علي الله.
الافيو هيا نفسها اللانوس متنكره و واخده مركز محترم في اسوأ عشر سيارات في الولايات المتحده .
انا لو مكانك اجيب الفيات بونتو كلاسيك
عربيه ايطالي و جميع الكماليات و 2 اير باج ما عدا الكاسيت
72 الف
و ب 75 الف جميع الكماليات +جنوط فيات اصلي+فوجات اصلي.

**fahd_628** · 09-05-2008 04:38 PM

او ممكن تفكر فى الجيتز كمان

سعرها 73 الف جميع الكماليات و محرك 1600 سى سى و اوسع منهم كلهم

السينا ابعد عنها لأنها صينى و و كفاية كدة !

**mhDeeb** · 10-05-2008 07:51 AM

الفيات بونتو كلاسيك مش زى السيينا صينى بردة نرجو التاكد من انها صينى والا ايطالي

**mhDeeb** · 10-05-2008 08:00 AM

ما رايكم في النوبيرا زيرو 76000 تقريبا
وده قريب من المبلغ اللى معاك وطبعا اعتقد انها تكون مانيول لان الاتوماتيك عليه كلام كتيييييييييييييييييراوى

**tutankhamoun** · 10-05-2008 08:15 AM

المشاركة الأصلية كتبت بواسطة mhDeeb

الفيات بونتو كلاسيك مش زى السيينا صينى بردة نرجو التاكد من انها صينى والا ايطالي

البونتو الكلاسيك .......... لا يتم تجميعها خارج أيطاليا
و لكن ثمنها أرتفع و سمعت ( مجرد سمع ) أن ثمنها وصل ل 77 ألف جنيه الكاملة بالجنوط الأسبور

و بعدين نصيحة أخوية للأخ توب ميدو أبعد عن العربيات ال 1600 سي سي
البنزين غلي و هايغلى تاني .......... فلو مش محتاج قوة العربية ال 1600 خليك في حاجة أقل

و أنا لي رأي في العربيات الفيات المُجمعة في الصين
أيوة هي صيني و لكن فـــــــــــــيــــــــــ ـــــات
مش ماركة صيني ......... زي الباناسونيك و السوني و IBM و جيجا بايت و كل ماركات الكمبيوتر التي يتم صناعتها في الصين تحت إشراف الشركة الأم

و أنا شايف إن السيينا كويسة و لكن هي مشكلة السخونة و بصراحة مش عارف إن كان المشكلة تم حلها في الموديلات الجديدة أم لا

و فيه برضه الفيات الألبيا و برضه مش تجميع ايطالي و لكن في الآخر هي فيات
و العربية جميلة و موتورها متوسط القوة فهو 1400 سي سي و ما بين 1600 و 1300 يعني موتور متوسط ........... و حلو و موفر للبنزين جدا
و ربنا الموفق إن شاء الله

**mhDeeb** · 10-05-2008 01:07 PM

البونتو الكلاسيك .......... لا يتم تجميعها خارج أيطاليا
و لكن ثمنها أرتفع و سمعت ( مجرد سمع ) أن ثمنها وصل ل 77 ألف جنيه الكاملة بالجنوط الأسبور

شكرا لك على التوضيح يا توت عنخ امون ، اعتقد انه لا يوجد اتفاق تام على سيارة معينة حتى سعر الـــ 85000 جنية بمعنى ان لك سيارة مميزاتها ولكل سيارة عيوبها , ويمكن ان تختلف سياراتان نفس النوع والموديل والسنة ولكن واحدة تكون فيها عيوب والثانية لا توجد بها اي مشاكل .
وربنا يوفق الجميع والاخ توب ميدو للاختيار الصحيح باذن الله

**mido_osman** · 10-05-2008 01:33 PM

لو حضرتك قلتلنا استخدماتك للعربية

ممكن نرشحلك عربيات افضل

مثلا : هتسافر بيها كتير ولا لأ - هتعوز تشتد وتسحب ولا هتسوق سواقة عدية متزنة - عايزها عائلية ولا شخصية ..... الي اخره

**Nile_Storm** · 10-05-2008 01:44 PM

لو هاتشباك صغيره البونتو ثم البيكانتو
لو هاتشباك للسفر و الحركه الكتير الجتز بجداره

لو سيدان يبقي الافيو و الفيرنا " مادام مش عاجبك شكل الفيرنا يبقي الافيو برغم سعرها المبالغ "

و رايي بصراحه لو انا مكانك البونتو ثم الجتز