سيات قرطبه فيها موتور ابيزا 102 حصان حقولكم التفاصيل

**warfighter2114** · 14-06-2011 01:09 AM

اشتريت سيات قرطبه موديل 1994 1600 سى سى ومتركب لها تكييف او بتعها مش متاكد ولكن مشكله الايدل سبيد بتاع الحرق بهدلنى فبعد قراءه عن افضل المواتير قررت اشترى موتور بنظام البوابات وفعلا روحت صلاح الدين بالاسكندريه ولقيت عربيه سيات ابيزا موديل 2000 او 2001 موتور 1600 سى سى 102 حصان وجديد اشتريته بالكامل بوحده ecu والضفيره وركبته حتى اخدت العدادات والمفتاح والجكمان وركبتلها عفشه كونى رياضيه جديده والعربيه بسم الله ماشاء الله عايز اعرف
عايز اجيب اكصدامات 1998 شكلها روعه وعايز اعرف التفاصيل
كراسى ريكاروا سعرها كام وهل فيها استعمال
جنوط مناسبه
وهل من وجهه نظركم محتاجه حاجه تانيه

**ehab_mansour** · 14-06-2011 09:03 AM

ما شاء الله لو فعلا زي مبتقول 1600 سيسي و 102 حصان هخليها وحش بس المهم تكون سقطه بنظافة و بالفتيس والضفيرة والكنترول و الاكسسوارات وكله
أهم حاجه تعملها بعد التسقيط هو سيرفس كامل للعربية ( بوجيهات و فلاتر كاملة و سيور )
المهم اتكلف كام الحوار ده كله و أخبار الأداء ايه ياريت تكتب تفاصيل أكتر
وجزاك الله خيرا

**warfighter2114** · 14-06-2011 06:33 PM

انا ركبت الموتور كامل من نصف عربيه ابيزا باب واحد شكلها زى ابيزا موديل 2001 والافراج كاتب موتور فولكس فاجن بس اخدتها بالموتور والفتيس والريادتير والخراطيم وقرب المياه والمساحات ووحده التحكم والقضمه الدريكسيون والعدادات الى بتنور لون احمر قوى والضفيره كلها ورا وادام وسقطها عند الدكتور اسامه بسيدى بشر الاسكندريه ودخلتها على الجهاز وعملتلها سيرفس كامل العربيه فى الشد قويه وبعد العفشه الرياضيه بقت اشرس وعايز اخلى وشها من ادام ثورى فيها عده مكلفانى 2000 جنيه كاسيت سونى واربع سماعات 2 انفينتى و2 كينوود 7x10
كلفنى حوار الموتور والكهربائى والميكانيكى وكل شيى 10000
الاخ لbehman لازم وش كامل عشان اركب اكصدامات وهل عندك حد تبعك وانا اشتريهم منه وانا حتابع معاك

**warfighter2114** · 14-06-2011 06:37 PM

كله تمام المكينه تمام الحمد لله ومركبها عند واحد مبيستخسرش ويقولى وانا ادفع بس فاهم كل حاجه ههههههههههههه وبحبها جدا بس عايز اخليها اسبور بعد العفشه الرياضيه بقت دبابه

**behman** · 14-06-2011 08:02 PM

انا ركبت الموتور كامل من نصف عربيه ابيزا باب واحد شكلها زى ابيزا موديل 2001 والافراج كاتب موتور فولكس فاجن بس اخدتها بالموتور والفتيس والريادتير والخراطيم وقرب المياه والمساحات ووحده التحكم والقضمه الدريكسيون والعدادات الى بتنور لون احمر قوى والضفيره كلها ورا وادام وسقطها عند الدكتور اسامه بسيدى بشر الاسكندريه ودخلتها على الجهاز وعملتلها سيرفس كامل العربيه فى الشد قويه وبعد العفشه الرياضيه بقت اشرس وعايز اخلى وشها من ادام ثورى فيها عده مكلفانى 2000 جنيه كاسيت سونى واربع سماعات 2 انفينتى و2 كينوود 7x10
كلفنى حوار الموتور والكهربائى والميكانيكى وكل شيى 10000
الاخ لbehman لازم وش كامل عشان اركب اكصدامات وهل عندك حد تبعك وانا اشتريهم منه وانا حتابع معاك

ممكن تركب اكصدامات ال 98 لوحدها عادي
بس الاحسن تريح نفسك و تجيب ماسك كامل بالوش و الشبكه بتوع ال98 ... و اكيد الصدر اللي راكب عندك متعدل عشان
يشيل طقم التبريد الكبير بتاع الموتور .... الموضوع يستاهل بما انك عايز تغير الاكصدامات
و هاتلاقيهم في الحرفيين عند احمد رضوان و السعر زي ماقلتلك
و ممكن تلاقيهم عند ناس تانيه بسعر احسن ... اقصد دور برضو هناك