لبست مطب :(

**Typerr** · 14-06-2011 03:05 AM

اولا حمدالله علي سلامتك
ثانيا متقلقش هتلاقيها بسيطه انشاء الله
بصراحه الطرق في مصر حاجه تقرف ولا في اشارات ومطب كل كيلو وحاجه تخنق

**Deshahcoka** · 14-06-2011 09:08 AM

الله يسلمكم يارجالة :( الواحد بس زي مايكون اتعمى عن المطب ده و طول الطريق سايق بحرص :(

المشاركة الأصلية كتبت بواسطة medoakef

هو حضرتك كنت علي الدولي ولا الزراعي؟

حضرتك امشي بالعربيه عادي لو حسيت بأي اجه خلي عفشجي يبص عليها او لو حضرتك بتتعامل مع التوكيل روح لهم و احكي لهم علي الي حصل و شكوتك و هما يرجعو كل حاجه في العربيه ممكن تتأثر
و ان شاء الله بسيطه يا باشا احمد ربنا علي كل شئ

الزراعي يا باشا :( قبل ما تخش الطريق الحر لو حتلف من طنطا ( الحر اطول في الرجعة بس مفيهوش مطبات ارحم يعني )

ربنا يستر بحد ... اصلوا مش مطب طير العربية لا ديه العربية زي ما هيا و تحس انوا العجل خبط في الصاج فوق ة نزل تاني...

فعلا ذهري و دماغي و جعني من ساعتها و البندول مش جايب نتيجة :(

**MASERATI** · 14-06-2011 01:13 PM

السلام عليكم و رحمة الله و بركاته

فعلا, الوصلة من المنصورة الى طنطا, أقل وصف ليها أنها زبااااااااااااااااالة .

لدرجة أنى لما بآجى أسافر المنوفية (بركة السبع) المفروض أنى بسافر من المنصورة - المحلة - طنطا - بركة السبع, الا أنى من كتر المطبات -دى مطبات أساسا و طلعلها طريق !!!!- بسافر من المنصورة - بنها !!! - قويسنا - بركة السبع, الطريق أطول بتاع 20 كم, بس مافيهوش مطبات كتير زى بتاع طريق طنطا .

الأحسن أنك و أنت متجه من المنصورة الى الاسكندرية, أنك تاخد طريق جمصة و من هناك تركب الساحلى الدولى و شد براحتك يا باشا, بس المهم تكون بالنهار, بلاش تمشى عليه بالليل خااااااااااااااااااالص, الطريق ده أطول بتاع 50 كم عن طريق طنطا, بس لأن الطريق دايما مفتوح و فاضى و ماعليهوش مطبات خااااااااااااااااالص, تاخد ال50 كم دول فى تلت ساعة بالكتير و كمان أريح للعربية, لأن العربية مايتعبهاش طول الطريق لكن يتعبها حالة الطريق.

و ربنا يسلملنا طريقنا .

**moha4tec** · 14-06-2011 02:07 PM

الف سلامه علىك و على العربيه المهم انت كويس
و ابقى خلى بالك من الطريق و احفظه

**KHALED AYMAN** · 14-06-2011 02:15 PM

نسيت اقولك ..الطريق ده عشان متلبسش مطبات ..امشى ورا ميكروباص ..(بس متقربش منه)
او امشى ورايا :p

**Deshahcoka** · 14-06-2011 07:02 PM

KHALED AYMAN

ربنا يخليك يا باشا والله مش عارف اقلك ايه :) ربنا يخليك و يكرمك :) ان شاء الله نمسك الطريق مع بعض :) الفكرة انا بسافر متأخر :( فعشان كدة مينفعش امسك دولي و انتا عارف بقى :)