240 240 240 240 where
عرض للطباعة
240 240 240 240 where
طبعا حضرتك كلامك صح بس صدقني الشارك لو مفتحة وفايقة بيبقى تسارعها تحت المية وفوق المية ررهييييييب و والله من غير كدب تطلع من السيراتو فوق وتحت وانا عن نفسي بوصل بيها من 0 الى 100 في 10 ثواني وباذن الله هصورها واعرضها هنا في المنتدي وعلى فكرة البنزين ال 95 في الشارك بيخليها صاروخ بس انا ماشي ب 92 وبردو بسم الله ماشاء الله سحبها مرعب
تسلم يا غالي :)
بس عندي بس نقطة واحدة - عايزك تسوق السيراتو شوية - علي فكرة السيراتو متعبة جدا مقارنة بالشارك - وعلي قد حبي للسيراتو بس برضوا الشارك هي اللي في القلب
الشارك لا يمكن تحت اي ظرف تطلع من السيراتو لو الاتنين استوك تحت ال 100 كم
بس لو خيرتني اجري بمين فيهم - حقولك اجري بالشارك :))))
والله ياباشا جربت السيراتو ومش عربية واحدة كذا عربية و الشارك بردو تطلع وبعدين انا شادد معاها وطالع منها تحت 100 وفوق 100 عايز تشوف جري الشارك بجد اجري 1 2 3 وشوف سحبها عامل ازاي انا قصدي انك اكيد لما هتشد مع سيراتو هيشد باستيب ترونيك انا بشد معاه 1 2 3 بتشوف سحب تاني خالص غير الدي والله بتطلع من اي سيراتو وبعدين انا عندي العربية فايقة قوي لانها ماشية اربعين الف كيلو جري متواصل
لا لا لا - الحق يقال - انت كدة حتشككني - هي اللي معاك مش 1500 سي سي برضوا ؟؟؟ ولا ال 2000 سي سي ؟؟؟
ياباشا انا راكب الاتنين من الزيرو - ولية مفيش واحدة جابت ال 30000 كم - ومفتح مواتير - بص بقي - انا ممكن اصدقك ان الشارك احسن من السيراتو في كل حاجة الا حاجتين
التسارع والثبات ( انا بتكلم علي جنط 17 معرفش ال 15 وال 16 نظامهم اية - بس الاتنين دول مفيش كلام فيهم ودة عن تجربة وامتلاك الاتنين :))))
تسارع وكمان ثبات ؟؟؟؟؟؟؟؟؟؟؟؟؟؟
عموما اكبر ميزة في الشارك ثباتها وبتهيألي مستحيل تكون السيراتو اثبت منها
يا سيدي الفاضل لو خدت بالك انا العربيتين بتوعي - يعني الاتنين محدش بيسوقهم غيري - وراكب الاتنين داخل علي سنة ونص دلوقتي - وسافرت بدي ودي كذا مره
يمكن تلاقيني منتشر في كيا اكتر من لانسر لان الكيا جديدة عليا واول مرة اركب كوري ولان الشارك مالهاش عيوب مذكورة فانا اكيد حستفيد هنا اكتر لاني جديد في الكوري
عملت مقارنة قبل كدة وقولت ان محبوبتي الاولي هي الشارك وليس السيراتو ومدحت فيها مليون مرة وقولت انها مظلومة جدا رغم انها عربية تحفة وشياكة ونعومة ووسع وتحفة
لكن لازم اكون حيادي - انا ما ينفعش افضل واحدة عن التانية في نقاط انا نفسي مش مقتنع بيها
زي ما قولت - السيراتو تسارع اعلي من الشارك :( يا سيدي حتي بالمنطق - دي 1600 والتانية 1500 وفارق وزن )
السرعة القصوي - الشارك تكسب في السرعات العالية ودة عن تجربة
الثبات - السيراتو اثبت طبعا رغم انها انشف بصورة ملحوظة عشان التعليق الخلفي وقصر المساعد وانة غاز
ده كلام من واحد عن تجربة وامتلاك وسواقة تقريبا يوميا للعربيتين - لو مش مقتنع بكلامي بكدة مش حقدر اقنك باي حاجة تانية
اه في حاجة انا شايفها تحفة في الشارك عن السيراتو - محور الدوران - السيراتو مقرفة في محورها - الشارك بتلف حوالين نفسها - هههههههههههه
ههههههههههههههههه
حبيب قلبي
هي عربيه واحده يا باشا كانو عملين عليها حفله و شكلها مش مفتوحه كويس لاني طلعت من كزا لانسر ابل كدا!!
كلام جميل يا باشا لكن لي تعليق علي بعض النقاط
حضرتك بتقول هنا ان الشارك ثابته ل 240 و في رد تاني قلت ان السيراتو اثبت من الشارك
نقطه الاداء علي السرعات طبعا يا باشا الميفيك مش بيهزر بس علي ما يفكر يوصل لي هكون انا وصلت ايطاليا بالتسارع ل180
هو تعبير جميل يا باشا عن الشارك و السيراتو لكن احب اوضح بردو لو قفلت الازاز هتحس انك راكب هارلي بردو:b4_033:
و اخر نقطه سرعه 240 دي السرعه القصوي كبيره جدا علي موتور 109 حصان السرعه دي علي الوزن ده اقل حاجه عوزه موتور 2.0 عشان توصل ل240 و عموما نا اقصي سرعه قصوي شفتها للشارك كانت 200 و صحبي كان بيجيب بالمانيول فلتر رياضي 230 و من 200 بيقول بيتحرك مع عقرب الساعات!!
تقبل تحياتي
وشكرا
تقبل تحياتي
وشكرا
ربنا يبارك لك فيها يا باشا و تمفخ عربيات كمان و كمان و ياريت تجرب مع الكورولا ال1.6 الشيب القديم و تقول لي رئيك في جريتها ما هي يباني بردو
و ياريت تجرب مع الانترا بردو صوت موتورها بيبقا حلو مع الحرق:Ka_che1[1]:
ما المشكله انك مش هتجري
حبيب قلبي
طبعا يا باشا الشارك ركوبه جميله جدا لكن الحلو ميكملشي:B4_033:
انا صحبي كان معاه شارك في 2008 كان عامل 75 الف كيلو و كانت كل حاجه فيها رياضيه بس بردو كان بيقول البومه تطلع لو الاثنين اوتو:grin54:
+1111111111111111ما انا مش عارف بردو يا معلم!!!
موتور و ثبات و امكانيات و كل حاجه و انا بقول هي ناجحه كدا ليه بردو:Ka_che1[1]:
علي فكره يا باشا الثنين وزنهم مقارب لبعض و السيراتو بتنزل بجنط 17 يعني حتي لو كان في فرق بنهم هيبقا فرق صغير جدا
يا مييييييدو - انا قصدي بثبات الشارك علي ال 240 - ثبات سرعة مش عربية - يعني بتثبت علي ال 240 بسهولة - عكس السيراتو - ال 220 كم بتوصلهم اصعب من الشارك وصعب تثبت عليهم شوية
اما بالنسبة لنجاح الشارك في مصر فدة مش مقياس صدقني - لما المصريين يحدد سعر البيع والشراء علي الرخصة فاضل فيها قد اية ولا العربية الاستبن بتاعها منزلش علي الارض ( بزمتك دي مقايس )
السوق المصري بينجح العربية ويسقطها بناءا علي اهواء التجار اكثر منها اعتمادية العربية
ورغم اني بعشق السيراتو اللي معايا - الا اني مصمم علي ان الشارك ركوبة عن السيراتو - وبحب شكلها اكتر تصدق بقي - رغم ان السنيورة مالهاش مثيل في الجمال
بالنسبة بقي لل 240 كم علي الموتور ال 109 حصان - عادي انا مش شايف انها معضلة - العربية الشارك بمجرد ما جريت لا تحتاج الي مجهود تسارع زي ما انت فاكر بالعكس الموتور صوتة ناعم والتسارع جيد جدا بعد ال 140 كم
بالنسبة بقي للجري :)))
انا اجري بالشارك وانا مستريح نفسيا - حصان اصيل بيجري بعقل وركوبتة ممتعة - انما الثور الهايج اللي اسمة السيراتو بيجري زي ما يكون حصان عفي بس عايز ترويض
وزي ما قولت قبل كدة
الشارك وحش عاقل لكن مبيعضش
السيراتو وحش مجنون محتاج ترويض ( بيعض اي حد )
اه فهمتك يا باشا دا يا باشا مرتبط بالانسبابيه بشكل كبير
تمام يا باشا انا عارف كويس ان السوق مش مقياس بس بدحك معاك:B4_033:
اما عن الاستبن منزلشي فدا يا باشا المقصود بيه ان العربيه متهنتشي بس لكن انا متفق معاك انها مش مقاييس قويه
اما عن الراحه او حبك لعربيه معينه فدي مزجات يا باشا
بالنسبه للتسارع و السرعه القصوي فسوري يا باشا مش معاك ان 240 قريبين علي الشارك لان السفك ال1100 كيلو و 125 i-vtec معملتهاش
بس عوزك تجرب حته بي ام شارك مسقطه حته 2.5 سوده كدا و حدد مين الثور:grin54:
ياباشا دة بس من ذوقك :) انا فعلا لو قعدت اتكلم 100 سنة عن حبي للشارك مش حكفيها
بص انا اول ما نزل الشكل في 2008 كنت حتجنن عليها لكن الظروف مسمحتش اجيبها وفضلت اتفرج عليها في كل المعارض لحد ما حفظوني :)))))
عايز تعرف انا شايف السيراتو والشارك ازاي ؟؟؟
عايز تخرج خروجة او مشوار وتوصل مرتاح جسديا ونفسيا ----- اركب شارك
عايز تخرج تتعفرت وتجري وتحرق بس حتتعب جسديا ----- اركب سيراتو
عايز تخرج مع المدام سهرة --- خد الشارك
عايز تخرج مع صاحبتك و تجري - خد السيراتو - ههههههه
رايح فرح --- شارك
رايح خطوبة --- سيراتو
رايح تخطب - شارك - عشان تروح هادي - ههههه
رايح تفسخ الخطوبة - سيراتو ( عشان حتحتاج تفرك بالعربية شوية ) ههههه
معاك الوالد والوالدة - شارك
معاك حماتك - سيراتو
رايح الساحل - شارك
رايح السخنة - سيراتو
ههههههه شوفت بقي التقييم - :)))))))))))))))))))))))))))))
والحدق يفهم