الموضوع: نصائح ذهبية للوقاية من سرقة سيارتك

فائدة الإنذار انك هتسمعه لما يضرب وهتبص على عربيتك
لو العربيه مركونه بعيد فايدته هتكون أقل وممكن تكون منعدمة مع سلبيه الشعب

فى حاجه مهمه قوى أصحاب السيارات مش بياخدوا بالهم منها
عمل زرار للكبوت وللشنطه بيتوصل على الإنذار

كل الصنايعيه وكل الناس بيهتموا بربط الإنذار بالأبواب الأربعه وخلاص
وده اكبر غلط

أنا بتخيل ان الحرامى الله يحرقه أول حاجه بيعملها
بيفتح الكابوب بمنتهى البساطه بمفك
وغالبا مش بيكون عليه زرار متصل بالإنذار
أو عليه زرار مصدى وطالع عينه ومش شغال فى معظم العربيات اللى راكب فيها من زمان
وأول حاجه بيعمل بيفصل الإنذار أو يقطع سلك السارينه
وكده خلاص معدش فيه انذار
ويتعامل بقى مع الأبواب براحته وعلى اقل من مهله
علشان كده معظم اللى بيتسرقوا بيكونوا مستغربين انهم مسمعوش صوت الإنذار

لازم نخلى بالنا من زرار الكابوت أنا شايفه مهم جداااااااااااااااااا
وزار للشنطه كمان

كمان أمن نفسك بوسائل أخرى

زى كلابش الدريكسيون

موضوع الموبايل المتصل مع نور الصالون أو الإنذار

والحافظ هو الله