استهلاك الساجا للوقود ..

**sayed911** · 14-06-2011 08:05 PM

بسم الله الرحمن الرحيم

السلام عليكم ورحمة الله وبركاته

اخواني ..

بعد فترى شايف فيها تخبط غريب من ملاك العديد من السيارات وانتشار معلومات خاطئة انه الساجا ليها معدلات استهلاك بنزين خرافية !!! ومعدلات تكاد تخرب بيت صاحبها !!!
وكلام غريب جدا !!!
فقررت اني اعمل تجربة صغيرة !!
الا وهي

اني مشيت بالعربية لحد ما لمبة البنزين نورت وتأكد من خلو التانك تماما !! وقمت بوضع 27 لتر بالتمام والكمال بمعنى بـ 50 جنيه بنزين !!!
وقمت بتصفير عداد الكيلو متر ..

وكان الآتي!!
بعد 5 ايام وانا على فكرة رجلي تقيلة جدا على البنزين !!! يعني الأر بي ام عندي دوما بينقل فوق 4.5 يعني مش حنين !!والتكيف طبعا انتم شايفين الجو كان عامل ازاي في الفترة اللي فاتت دي !!! فأحب اقول انه الـ 50 جنيه عملوا التالي ..

عشان بس نكون دقيقين في كلامنا !!
العربية بـ 50 جنيه !! مشيت حوالي 237 كيلو بحرق غبي وجوة البلد مع زحام صلاح سالم والمشاوير العادية داخل البلد + التكييف متواصل على طول الحقيقة مش بينطفي نهائيا عندي فأعتقد بحسبة صغيرة ممكن نعرف العربية معدلها كام في الإستهلاك مع العلم انه العربية ما زالت لسة عاملة 6500 كيلو وانا متوقع تحسن اكثر بعد الـ 10 كمان بعون الله ..

**mahmoud18** · 14-06-2011 09:39 PM

سيد باشا
انا بدات احس ان الموضوع مش ازمه قوى

بص انا العربيه ب 33 لتر بتعمل 330 كيلو بالتكييف و طرق معظمها مش زحمه

يعنى تقريبا 61 جنيه

فى معظم الايام بتيقى 57 جنيه كل- 4 ايام فى المتوسط

و انا عامل بيها 17000 و داخل على ال18 ماشاء الله

**sayed911** · 14-06-2011 09:47 PM

والله يا استاذ محمود انا عملت الموضوع ده مخصوص عشان كان فيه ناس من اللي بيقرءوا عن العربية بقى موضوع الإستهلاك ده مفكرهم انهم ها يركبوا استهلاك عربية ثاندر بيرد 8 سليندر 6200 سي سي وكل ده بس عشان اوضحهلم انه لما بنقول استهلاك عالي فهو عالي بالنسبة لـ 1300 مش للعربيت عموما ..

**MEGAREKAB** · 15-06-2011 12:04 AM

على فكرة الطريقه دى غير صحيحة فى حساب معدل إستهلاك السيارة للبنزين

**amazingahmed** · 15-06-2011 09:16 AM

المشاركة الأصلية كتبت بواسطة MEGAREKAB

على فكرة الطريقه دى غير صحيحة فى حساب معدل إستهلاك السيارة للبنزين

+111111111111

أولا لما لمبة البنزين تنور ده مش معناه أن التنك فضي و الدليل أنك حصيط 27 لتر بس مع أن سعة التنك 40 لتر.

ثانيا ما تحاولش تفضي التنك و خليه مليان باستمرار علشان ميحصلكش مشاكل في دورة البنزين و طرمبة البنزين.

ثالثا طريقة حساب الاستهلاك: تفول و تصفر العداد و تمشي حبة حلوين (100-200 كيلو مثلا) و بعدين تفول تاني و تشوف العربية ساعتها مشيت فد ايه و أخدت كام لتر. تقسم الكيلو على اللتر يطلع كام كيلو في اللتر.

رابعا عندك حق. الاستهلاك مش مرعب خالص. هو فعلا عالي شوية عن 1300 سي سي و كمان عالي عن اللي مكتوب في مواصفات العربية و ده بيوضح أنها مش اقتصادية في البنزين لكنها عادية و متخربش بيت حد ولا حاجة.

**marsguy** · 15-06-2011 01:37 PM

السلام عليكم ورحمة الله وبركاته،،،

الإستهلاك إستهلاك عربيه 1600

1 لتر يمشي 10 كيلو ده إستهلاك عربيه 1600 مش 1300.

على فكره أنا من أوائل الناس اللي جابوا العربيه في مصر، من يناير 2010

وعامل بيها 21 ألف كيلو.

شكراً

**MEGAREKAB** · 15-06-2011 04:12 PM

المشاركة الأصلية كتبت بواسطة marsguy

السلام عليكم ورحمة الله وبركاته،،،

الإستهلاك إستهلاك عربيه 1600

1 لتر يمشي 10 كيلو ده إستهلاك عربيه 1600 مش 1300.

على فكره أنا من أوائل الناس اللي جابوا العربيه في مصر، من يناير 2010

وعامل بيها 21 ألف كيلو.

شكراً

أستاذ محمد .....

هو حضرتك متضايق إن العربية إستهلاكها إستهلاك 1600 سى سى ؟

طيب ماهى العربية برضوا بتديلك أداء وقوة تسارع وعزم وهورس باور زى 1600 سى سى واكتر كمان ...

اناعربيتى اللتر داخل البلد بيعمل من 9 الى 10 كم وفى السفر و الطرق السريعه بيعمل من 12 الى 13 كم...

والعربية عاملة 6 الاف كم بس واوتوماتيك.

ممكن أكون أسأت الفهم فى اسلوبك بس واضح انك متضايق من الاستهلاك ده

العربية استهلاكها للبنزين للأسف اترسمت ليه صورة غلط 100 فى الميه واعرف ناس كتير بعد ماكانوا خلاص هيشتروا ساجا رجعوا فى كلامهم اما عرفوا موضوع الاستهلاك ده من المنتدى هنا واللى للأسف خطأ خطأ خطأ مليون فى الميه وشكاوى الزملاء من الاستهلاك بدون وجه حق او مقارنه عملية

العربية استهلاكها عادى جدا جدا لكن اما الناس تعرف انها 1300 سى سى على طول يتقال دا لازم موفرة اوى اوى فى الاستهلاك يعنى ممكن اللتر يمشينا 15 كم واكتر..... اوكى ... لكن هتاخد اداء وقدرةوتسارع موتور 1300 سى سى فقط

لكن انت معاك عربية 1300 سى سى وبتديلك أداء مماثل واحسن من 1600 سى سى ومع ذلك استهلاكها للوقود مماثل للمحركات 1600 سى سى .... يبقى احناخسرانين ايه..

بإختصاركما قيل.... العربية مش موفرة للبنزين وماهياش برضه بلاعه بنزين ... دى عربية معدل استهلاكها طبيعى جدا جدا وانا عن نفسى بطلت اشغل بالى بموضوع الاستهلاك خصوصابعد ما اتعرف المتوسط وثابت على كده معاياوالاهم عندى انى طول مانا مستمتع بالعربية ومديانى اللى انا عاوزة من قوى وتسارع وعزم يبقى مشمهم خالص موضوع البنزين ده...

أسف على الاطالةلكن الموضوع ده فعلا عمل صورة خاطئه سائدة ومقترنه دائما بإسم الساجا ... اذا ذكر الساجا ذكر اوعى استهلاك البنزين وده تاثيره سىء جدا جدا علينا كملاك للسيارة لان العربية جدا هتموت وسوقها هيقف وبالتالى ننسى بقى حلمنا بانخفاض اسعار قطع الغيار او ظهور قطع غيار استعمال لها فى السوق...

أرجو ان يكون رأيى مفيدا

**marsguy** · 15-06-2011 05:00 PM

المشاركة الأصلية كتبت بواسطة megarekab

أستاذ محمد .....

هو حضرتك متضايق إن العربية إستهلاكها إستهلاك 1600 سى سى ؟

طيب ماهى العربية برضوا بتديلك أداء وقوة تسارع وعزم وهورس باور زى 1600 سى سى واكتر كمان ...

اناعربيتى اللتر داخل البلد بيعمل من 9 الى 10 كم وفى السفر و الطرق السريعه بيعمل من 12 الى 13 كم...

والعربية عاملة 6 الاف كم بس واوتوماتيك.

ممكن أكون أسأت الفهم فى اسلوبك بس واضح انك متضايق من الاستهلاك ده

العربية استهلاكها للبنزين للأسف اترسمت ليه صورة غلط 100 فى الميه واعرف ناس كتير بعد ماكانوا خلاص هيشتروا ساجا رجعوا فى كلامهم اما عرفوا موضوع الاستهلاك ده من المنتدى هنا واللى للأسف خطأ خطأ خطأ مليون فى الميه وشكاوى الزملاء من الاستهلاك بدون وجه حق او مقارنه عملية

العربية استهلاكها عادى جدا جدا لكن اما الناس تعرف انها 1300 سى سى على طول يتقال دا لازم موفرة اوى اوى فى الاستهلاك يعنى ممكن اللتر يمشينا 15 كم واكتر..... اوكى ... لكن هتاخد اداء وقدرةوتسارع موتور 1300 سى سى فقط

لكن انت معاك عربية 1300 سى سى وبتديلك أداء مماثل واحسن من 1600 سى سى ومع ذلك استهلاكها للوقود مماثل للمحركات 1600 سى سى .... يبقى احناخسرانين ايه..

بإختصاركما قيل.... العربية مش موفرة للبنزين وماهياش برضه بلاعه بنزين ... دى عربية معدل استهلاكها طبيعى جدا جدا وانا عن نفسى بطلت اشغل بالى بموضوع الاستهلاك خصوصابعد ما اتعرف المتوسط وثابت على كده معاياوالاهم عندى انى طول مانا مستمتع بالعربية ومديانى اللى انا عاوزة من قوى وتسارع وعزم يبقى مشمهم خالص موضوع البنزين ده...

أسف على الاطالةلكن الموضوع ده فعلا عمل صورة خاطئه سائدة ومقترنه دائما بإسم الساجا ... اذا ذكر الساجا ذكر اوعى استهلاك البنزين وده تاثيره سىء جدا جدا علينا كملاك للسيارة لان العربية جدا هتموت وسوقها هيقف وبالتالى ننسى بقى حلمنا بانخفاض اسعار قطع الغيار او ظهور قطع غيار استعمال لها فى السوق...

أرجو ان يكون رأيى مفيدا

كلام مظبوط
بس أنا واحد من الناس اللي جايب عربيه 1300 عشان أوفر في البنزين. عشان أنا ولا باجري ولا باقرص ولا باشد مع حد.

يبقى أنا في حالتي مش باستفيد بميزة العربيه اللي هي الأداء الجيد مقارنة بالسعه اللتريه ، ولكن باتضر من عيب العربيه اللي هو الإستهلاك العالي. عشان كده أنا فعلاً متضايق من العربيه في الموضوع ده.

بس أنا بصراحه لي تعليق برضه: العربيه أدائها مش الآداء الجبار اللي الناس متخيلاه، العربيه أدائها أحسن من معظم العربيات الـ 1300 بس أي فيرنا ولا نيو أكسنت 1600 أكيد تتفوق بشده. والياريس الـ 1300 ما أعتقدش إنها أقل من الساجا كتير في الآداء بس تتفوق كتير في توفيرها للوقود.

**sosofree** · 15-06-2011 05:29 PM

يا جماعه انا عاوز اجيب الساجا الاوتوماتيك و حاسس فعلا انها best value for money بس ناقصنى اسمع من حد راكبها شهاده مش مجروحه ولو سمحتم بلاش موضوع ندارى عيوبها علشان سوقها وترخص والكلام ده علشان انا لو لبستها هادعى على كل اللى نصحنى بيها

**sayed911** · 15-06-2011 09:12 PM

والله يا جماعة الفكرة دي شغالة وبتقيش على طول وبطلع معدل ليه بقى ببساطة :d :d
ان اها اوضحلكم الفكرة بشكل مبسط جدا هوة انتو مش بتقيسوا المعدل بـ 40 لتر مسافة ها تطلع مثلا وليكن 400 كيلو :d
هيا هيا لما تحط 10 لتر وتمشي بيها 100 كيلو هيا ريشيو نسبة وتناسب ومعدلات :d بس ها اجرب اطبقها على اكسيل شيت واشوف الواقع بتاعها ايه اخباره ولكن هيا الـ العربية 40 لتر ومكتوب انه عند اضاءة لمبة التحذير يكون متبقي في السيارة 5 لتر بالتمام والكمال يعني بالضبط 50 كيلو :d يعني اول ما العربية تنور اعرف انه 5 لتر فاضلين وانا حطيت بـ 50 جنيه :d يعني = 27 لتر + 5 لتر = 32 لتر ها نثبت الـ 5 دول على انه عامل اساسي في التنك لا يمكن الإقتراب منه يبقى انا مشيت الـ 200 كيلو دول بالـ 27 لتر :d اقسم الـ 230 على 27 = 8.78 وهو المعدل الداخلي :d فها بتقضي الغرض لحسبة انا معاكم انها مش دقيقة ولكن بتحسب وانا بمشيها نسبة وتناسب مدام مشيت 230 كيلو بـ 27 لتر يبقى لو 40 لتر كاملة ها اعرف هيا ممكن تمشي كام بيهم بالنتي متر كمان :d

الموضوع: استهلاك الساجا للوقود ..

LinkBack

أدوات الموضوع

عرض

استهلاك الساجا للوقود .. - انشر الموضوع فى :

-

-

-

-

-

-

-

المواضيع المتشابهه

ماهى افضل سياره دفع رباعى من حيث اقل استهلاك للوقود وما هو سعرها جديده

هل استهلاك الاوبترا الاوتوماتيك للوقود عالى?

إستهلاك الساجا للوقود أكثر في السرعات البطيئة

متوسط استهلاك الكورولا للوقود داخل القاهرة واداء كومبيورت الرحلات بعد تجربة دقيقة

ما الذي يجب فعله في حالة أن استهلاك السيارة للوقود عالي

الكلمات الدلالية لهذا الموضوع

المفضلات

المفضلات

ضوابط المشاركة