الموضوع: عندى تطبيقة فى الرفرف ورا

المشاركة الأصلية كتبت بواسطة M_SALLAM

انا حاسس ان الحتة دى معملها عمل منين مشوف عربية لوجان القيها واخدة بوسة فى نفس المكان ....

إسمها الختم سعادتك وكلنا لازم ناخده وإلا ماتبقاش لوجاناوي اصيل

المشاركة الأصلية كتبت بواسطة a7madslim

انا روحت لسمكرى فتح الشنطه وردها بايده

وده حل برضه ، لأن من جوه الشنطة يا دوب هترفع الفرش هتلاقى الصاج قدامك ويمكن ردها بسهولة.

المشاركة الأصلية كتبت بواسطة moustafa_saad

نفس الحكايه

انا شوفت كذا لوجان واخدة نفس التريحة قولت هى الناس مستقصده لوجى ولا إيه

المشاركة الأصلية كتبت بواسطة ayman1204

صور لينا الحتة دى واحنا هنقولك تعمل اية علشان كان عندى تطبيقة كدة وواحد جارى فتح الشنطة وشال الجلد وردها بايده

دى بتبقى اسمها تريحه

صور لينا بس العربية وان شاء الله خير

من عونيا يا باشا هصورها إن شاء الله اول ما افضى عشان عندى امتحانات اليومين دول وما بروحش ناحية الجراج

المشاركة الأصلية كتبت بواسطة adel1212

كان في فيديو هنا فى المنتدى بس انا لم اجربه هو للخبطات اللي من هذا النوع
1- تجيب سيشوار بتاع الشعر وتشغله على الجزء العليل اللى فى الصاج
2- و هو سخن ترش عليه اسبرى اللى بيستخدم لتنظيف الاجهزه الالكترونيه بيرد فى ثانيه
حأحاول ادور لك على الفيديو
تحياتى

الف شكر مقدما يا باشا هو فعلا انا سمعت انه فى ناس بتستخدم طريقة زى دى فى الإكصدامات بيحطوا عليها مية سخنة وبيخبطوا عليها بترد تانى

المشاركة الأصلية كتبت بواسطة a7madslim

كلنا عندنا الخبطه دى ودى ممكن تردها بايدك متقلقش الجته دى صاجها عجيب

انا اول ما شوفتها تنحت وقولت ياربى دا انا راكنها وجنب الرصيف واسيبها ربع ساعة ارجع الاقيها كدا بس الحمدلله انها جت على قد كدا وإن شاء الله تترد

المشاركة الأصلية كتبت بواسطة M_SALLAM

انا كمان عربيتى واخدة خابطة فى البطيخة من الناحية اليمين و حلفت بالله ما انا عاملها لأن العربية بقلها معايا 6 شهور فقط فخايف العب فيها و بعدين سيبها شوية تاخد العين لأن والله لو عملتها لازم يظهرلك حاجة تانية و اسأل مجرب انا كل ما اعمل الخبطة بالبوليش علشان اللون اللى فيها يضيع تطخبط تانى فقولت اكبر دماغى عنها و لو عاوز تعملها نصيحة اعملها فى التوكيل لأنهم هيجيبو القشرة الفابريقة بتاعة العربية فلما تيجى تبيع محدش هيهرش ان العربية كانت مخبوطة .....

انا فعلا كنت مكبر دماغى بقالى فترة بس كل ما اشوفها بتعكنن لأنى محافظ على العربية وبرضو تتخبط وقبل كدا كنت راكنها فى الجراج وببص لقيت واحد قال يدينى الختم فى العتب اليمين وكانت العربية لسه جديدة يعنى لما اركنها اركنها جنب البلكونة ولا اعمل إيه مش فاهم

المشاركة الأصلية كتبت بواسطة a7madslim

انا روحت لسمكرى فتح الشنطه وردها بايده

المشاركة الأصلية كتبت بواسطة Egyzizo

وده حل برضه ، لأن من جوه الشنطة يا دوب هترفع الفرش هتلاقى الصاج قدامك ويمكن ردها بسهولة.

انا كنت جربت اعدلها من عند الشنطة فعلا بس لقيت انى مش واصلها بس مكنتش رفعت الفرش هجرب تانى إن شاء الله

المشاركة الأصلية كتبت بواسطة M_SALLAM

انا حاسس ان الحتة دى معملها عمل منين مشوف عربية لوجان القيها واخدة بوسة فى نفس المكان ....

ايوة والله معظم اللوجان واخدة التريحة دى وخبطات فى الرفرف فوق العجل :(

المشاركة الأصلية كتبت بواسطة abo_pasem

إسمها الختم سعادتك وكلنا لازم ناخده وإلا ماتبقاش لوجاناوي اصيل

انا واخد ختمين كدا واحد فى الرفرف وواحد فى العتب يعنى لوجانوى اصيل مأصل

يا جماعة الموضوع ابسط مما يكون - حتفتح الشنطة حتلاقي بلاستكة شبة الورده سوداء مربوط بيها الموكيت بتاع الشنطة فكها وشيل حتة الموكيت اللي مغطية علي الترييحة وماتقلقش من حاجة الموكيتة مش حيحصلها حاجة - المهم بعد ما يبانلك التة المريحة دوس عليها لبره حترجع زي ماكلنت واحسن وارجع رجع الموكيت تاني واربطة بالصامولة اللي شبة الوردة - جرب وادعيلي

قد لا يخلو الأمر من بعض العضعضة لو تعددت الأختام والرد كذا مرة زى حالاتى ، وبتبان من انعكاس النور على الصاج .. بس هيبقى ارحم بكتير من انك تمشى والختم معلم على مؤخرة لوجى.