هقولك المفيد
وكيل رينو عامل Test drive
100 كم للعربية الميجان, اتصل بيهم و روح سقها, صدقنى هتجيها على طول
و ممكن تأجر اللانسر ال ex
شوف مين هيريحك
عرض للطباعة
والله فكرة ممتازة أ / معاذ ... المشكلة أنا عاجبانى الميجان بس أنت عارف الناس بتحب تفتى كتير و مطلعين عليها كلام كتير... عشان كدة محتار
من الاخر متصدقش غير كلام ملاكها فقط
إللى معاه الميجان مبسوط منها و إللى معاهوش الميجان مش مبسوط منها
مساء الخير شاركى باشا .... هو صحيح ان موضوع أن الميجان نازل منها نيو شيب فى 2009 ولا لأ ؟
نازل منها شكل جديد فى صيف 2009
لكن لحد دلوقتى Spy Photos كلها هاتشباك و مافيش أى معلومة إذا كان حينزل من الجديد سيدان و لا لأ
على فكرة شكل الميجان الحالى ...
(من وجهة نظرى ) احلى بكتير اوى من الشكل الجديد
وماتجربش جديد واللى تعرفة احسن من اللى ماتعرفوش وخصوصاً فى (الميجان)
يعنى لو هاتنوى عليها توكل على الله
السلام عليكم
اخباركم ايه يا جماعه ....يا رب الجميع يكون بخير ....... مش عارف بصراحه انا مش حاسس ابدا ان شكل الميجان هيتغير خصوصاً في السوق الشرق أوسطي على الأقل السنتين دول يعني ممكن يبدؤوا ينزل منها لينا الشكل الجديد ده 2010 ولا بعد كده كمان والكلام ده حصل مع الكليو من سنتين كده نزل منها شكل جديد clio 3وكان تمنها وقتها على ما اذكر 140.000 حاجه كده والله مافاكر كانت هاتشباك وفضلت شهور معروضه بس في رينو المقطم وماعملتش مبيعات عندنا ابداً مع انها نازله موديل 2005 وبعدين الميجان برضه نفس الكلام الجيل الأول منها نزل اواخر 94 ميجان 1 لغاية 2002 ميجان الجيل التاني اللي موجوده حاليا نزلت موديلين الاول من 2002 لغاية 2006 الموديل التاني تعديل الفوانيس والاضاءه من الداخل من اواخر 2006 لغاية دلوقتي يعني حتى لو سلمنا ان في شكل تاني من ميجان نازل الجيل التالت اقصد فا مش هايكون هنا وده رأيي الشخصي وهو خطأ يحتمل الصواب .
أسمح لى يا رامى أعقب على كلامك
أولا الكليو الشكل الجديد فعلا نزلت بره عام 2005 و مانزلش منها حتى الان سيدان و الهاتشباك كانت بتتباع فى التوكيل بـ 125000 الف و طبعا ماكنتش بتتباع علشان سعرها المقارب للميجان السيدان رغم إحتوائها على معظم أوبشنز الميجان .
ثانيا الميجان الشكل الحالى نزل فى الخارج فى صيف 2003 و نزل مصر فى مصر 2004 و ماكنش بيتباع منه لإنه كان سعره بيبدأ بـ 180 الفجم قبل تخفيض الجمارك لكن بعد التخفيض إللى تم فى 8 /2004 سعرها نزل فلما بدأ الناس تقبل عليها كان موديل 2005 نزل
بالنسبة للجيل الجديد من الميجان اتوقع نزوله مصر فى أواخر 2009 لإنهم كانوا عاملين حوار مع العضو المنتدب لشركة رينو فى جريدة وقال إنهم ناويين ينزلوتقريبا 5 موديلات جديدة من رينو فى نهاية 2009 و 2010 و متهيألى إن من ضمنهم الميجان الجديدة و سيارة الدفع الرباعى الخاصة برينو و هى كاليوس .
ماشي يا احمد انا عارف ان في ميجان 3 نازله بس برضه مش عارف حاسس انها هتتأخر على السوق المصري شويه خصوصا ان زي ما انت قلت فعلا الشكل الحالي بدأ مبيعاته في مصر 2005 واعتقد انتشارها بدأ حقيقي بكثافه من سنتين بس مش اكتر ويمكن اقل كمان في مصر اقصد واعتقد مش هاتختلف معايا في كده فا انا حاسس ان الجيل التالت من الميجان هيكون متأخر طرحه في السوق المصري خصوصا ان لسه انتشار الجيل التاني من العربيه بيتوسع وبرضه ده على الأقل عندنا في السوق المصري