افيدونا في شهر عسل في تركيا

**MohssenRashed** · 16-06-2011 11:51 PM

المشاركة الأصلية كتبت بواسطة gebreel

هو مفيش تأشيرة لماليزيا يا باشا؟!!

لأ ليها بس بتاخدها هناك في المطار .

**gebreel** · 17-06-2011 12:17 AM

المشاركة الأصلية كتبت بواسطة mohssenrashed

لأ ليها بس بتاخدها هناك في المطار .

من غير لاinterview ولا شيكات ولا HR ولا اي حاجة كدة =)

**Osama_I** · 17-06-2011 12:59 AM

السلام عليكم و رحمة الله و بركاته

ألف مبروك يا صبحى
ندخل فى الموضوع
الفكرة دى انا عملتها فى 2003 أو 2004 "يا رب مراتى متشوفس الرد ده " لغيت الفرح و رحت تركيا لمدة أسبوع التفاصيل:
1- تروح سفارة تركيا فى شارع القصر العينى قُرب بنزينة التعاون .
2- تقابل أستاذ شاهين "لو مبقاش سفير" و تسأل على الأوراق المطلوبة .
3- كان المطلوب منى جواب من الشغل + جواب رصيد من أى بنك "عادى تحط فى البنك 10000 أو 15000 جنيه و تطلب جواب و تسحبهم تانى يوم " + تذكرتين طيران + ترافيل شيك بـ 500 دولار للفرد .
4- تطلع على شركة سياحة "باب اللوق" و تسأل على الفنادق أنا كنت حاجز معى نفسى فى شركة عند البستان بجوار توماس كوك كان فندق 3 نجوم أسمه جولدن ايدج و كان سعر الليله حوالى 42 دولار للفردين و مكانه فى اسطنبول فى ميدان تكسيم "زى التحرير كده" .
5- انا كنت مسافر فى شهر 4 بس فى الخطوط التركية و الموظف قال لى ان فى شهر 6 أو 7 التشرتر التركى بيشتغل و ثمنه نصف ثمن الطيران العادى "اسأل على الموضوع ده"
6- بالنسبة للترافل شيك بيبقى زى تأمين ليك لو حبيت تصرف منه بس أنا كنت مخليه معايا كضمان و لما رجعت مصر فكيته تانى من توماس كوك.
7- الاسعار هناك أيامها ال1300000 ليره تركى بـ 1 دولار بس المليون ليرة تركى زى جنيه "متفرحش كده" يعنى لو ركبت أتوبيس بمليون و لو ركبت ميكروباص بـ1200000 ليرة "خد بالك الميكروباصات فورد و الباب بيفتح بالكهرباء"
8- كل 500 متر تلاقى قلعة زى بتاعتنا و اماكن الفسحة كتير و من ميدان تكسيم كنت بركب أى اتوبيس و لما الاقى حتة زحمة أو قلعة أو سوق أو اى مكان فسحة أنزل .
9- أماكن الفسحة و أى قلعة ببلاش ماعدا قلعة واحدة كان اسمها "أيا صوفيا" على ما اتذكر كانت بفلوس لأن نصها جامع و نصها كنيسة.
10- السكان هناك طيبين جداً .

الرحلة أيامها اتكلفت حوالى 5000 جنيه للفردين خلاف مشترياتك فى تركيا.

الرحلة دى عمرها ما تتعوض و خصوصاً انك انت و مراتك فى بلد متعرفوش حاجة و محدش يعرفكم فبتكون المواقف ظريفة جداً.

يا ريت أكون وضحت لك الصورة شوية.

**FunnyMickey** · 17-06-2011 02:31 AM

تسلم يااسامه باشا
اانا فعلا عمال اسأل بقالي يومين عشان افهم اي حاجه
بس موضوع اني اقوم بيها لوحدي ده صعب شويه
انا بجيب اوفر من شركات سياحه وكاتبين ان العرض
طيران واقامه في فندق في رينج من حوالي 6500 جنيه ل8000 جنيه حسب الفندق

والفسح والمزارات يتكلف في حدود 2000
غير الشوبنج :)
وده عاوزله ميزانيه لوحده ولو اني مش رايح عشان اشتري بس الزيارات فيها اماكن شرا كتير
ومش معقول حروح من غير ما اشتري حاجه :)

فيه موضوع كمان سألت عليه وهو الرحله تبقي اسطنبول ولا انطاليا
وقالولي ان اسطنبول مش علي بحر
انما انطاليا جزيره علي البحر
ودي حتكون امتع واحلي
ومش عارف ايه الصح
انا قدامي يومين عشان اقرر حعمل ايه ولحد دلوقتي مش عارف اروح فين
اعمل فرح واسافر جوه مصر
ولا معملش واسافر بره مصر

الغريب والعجيب ان اهلي رافضين يدفعوا مبلغ زي ده في سفريه تركيا
وممكن يدفعوه في فرح :)

وانا لحد دلوقتي مستغرب التفكير ده
ومش عارف اعمل ايه والله

**MOUSTAFA_SAAD** · 17-06-2011 09:06 AM

المشاركة الأصلية كتبت بواسطة funnymickey

تسلم يااسامه باشا
اانا فعلا عمال اسأل بقالي يومين عشان افهم اي حاجه
بس موضوع اني اقوم بيها لوحدي ده صعب شويه
انا بجيب اوفر من شركات سياحه وكاتبين ان العرض
طيران واقامه في فندق في رينج من حوالي 6500 جنيه ل8000 جنيه حسب الفندق

والفسح والمزارات يتكلف في حدود 2000
غير الشوبنج :)
وده عاوزله ميزانيه لوحده ولو اني مش رايح عشان اشتري بس الزيارات فيها اماكن شرا كتير
ومش معقول حروح من غير ما اشتري حاجه :)

فيه موضوع كمان سألت عليه وهو الرحله تبقي اسطنبول ولا انطاليا
وقالولي ان اسطنبول مش علي بحر
انما انطاليا جزيره علي البحر
ودي حتكون امتع واحلي
ومش عارف ايه الصح
انا قدامي يومين عشان اقرر حعمل ايه ولحد دلوقتي مش عارف اروح فين
اعمل فرح واسافر جوه مصر
ولا معملش واسافر بره مصر

الغريب والعجيب ان اهلي رافضين يدفعوا مبلغ زي ده في سفريه تركيا
وممكن يدفعوه في فرح :)

وانا لحد دلوقتي مستغرب التفكير ده
ومش عارف اعمل ايه والله

ماهى دية خيبة اهلنا
مش ناويين يتعدلوا ابدا
سيبك ياعم من الفرح اللى حتقعد ترقص فيه ساعتين لغاية لما نفسك يتقطع وخلصت القصه على كده
سافر واتمتع انت ومراتك دية فرصة العمر ومعاك حق فعلا شرم الشيخ ممكن تبقى بحر وخلاص لو عاوز تنصيف بس
لكن تركيا حتشوف فيها حاجات كتير جدا
وربنا يتمم لك على خير

**Medo.Malek** · 17-06-2011 09:20 AM

الف مبروك يا استاذ صبحى و ربنا يباركلك
للاسف معنديش معلومات تفيدك فى الموضوع لكن اتمنالك التوفيق فى اى مكان تروحه :)

**devilishtigers** · 17-06-2011 10:11 AM

بص يا صبحي انا عندي رأي ويمكن ناس كتير ممكن تخالفني فيه
انت ممكن تطلع تركيا او تايلاند او ماليزيا في اي وقت
انما الفرح هي ليلة واحدة في العمر ويمكن تفكير البيت عندك ان الفرح مش عشانك انت وهي بس. لأ دا علشان كل اللي حواليك كمان وعلى العموم دا رأيي ونخش بقى في التفاصيل:
بص يا سيدي انا سافرت تركيا شهر 2 في 2010 وكانت الرحلة اسبوع متكلفة الفرد حوالي 4500 او 5000 وكنا نازلين في فندق اسمه كيبان 4 نجوم بس ما كنش حلو لكن مكانه هو اللي حلو في ميدان تقسيم (حاجة كدا زي روكسي او وسط البلد) وكنا مغيرين حوالي 2500 دولار (وانت مسافر تاخد معاك دولارات وتحولهم من هناك ما تروحش بالعملة بتاعتهم الليرة)
كان الدولار ساعتها بيعمل 3 ليرة ونص او وربع بس معرفش دلوقتي ايه النظام.
روحنا كذا مكان اللي فاكره دلوقتي (مدينة بورصة / وطلعنا الجبل (والعب وكور بالتلج براحتك) وبيديك فراخ ولحمة واقعد اشوي يا معلم بس جوه المطعم / وخدنا رحلة بحرية قاعدنا فيها حوالي 3 ساعات والجو كان تلج تلج تلج / ورحنا المعالم الاسلامية ودي هتعجبك اوي اوي (هتشوف فيها كذا حاجة منها سيوف الصحابة) / وكنيسة ايا صوفيا بردا حاجة وهم / وطبعا كان في رحلات لمولات ومصانع ملابس فقط) دا اللي فاكرة دلوقتي.
وبالنسبة للأكل كنا فطار وعشاء بس والفرد كان بيتكلف من 15 الى 20 ليرة في الغدا وتاكل وتملا بطنك (بس ربنا يرزقك بفندق عند ميدان التقسيم وروح شارع الاستقلال هتلاقي مطعم اسمه كوفتا بجد وهم وهم وعنده كل حاجة بامية فاصوليا لحم ضاني رز) وكل دا مش هيعمل 20 ليرة.
وبردوا الكفتة والشاورما مشهورين بيهم جامد وهيعجبوك.
لغاية كدا دا اللي انا فاكره
لو عايز حاجة تاني اسألني وانا ارد علشان افتكر بس اعذرني لو اتاخرت شوية علشان الامتحانات

-

-

-

الموضوع: افيدونا في شهر عسل في تركيا

LinkBack

أدوات الموضوع

عرض

-

-

-

المواضيع المتشابهه

حد هنا سافر تركيا؟

افيدونى فى رحلتى الى تركيا

التسوق من تركيا

حد عنده معلومات عن تركيا

الكلمات الدلالية لهذا الموضوع

المفضلات

المفضلات

ضوابط المشاركة