الموضوع: تجربه بخصوص دواسة بنزين السيفيك 07-10

انا عملت تجربة مجنونة كالعادة وقولت اخد رأيكم فيها

وانا بقلب فى الورك شوب مانيول بتاع العربية لاقيت ان المفروض لما ادوس دواسة البنزين للاخر تدى قراءة 4.5 فولت، المهم قولت اجرب الموضوع ده فى عربيتى، لاقيت القراءه الفعلية 3.9 فولت، ونفس الكلام برده فى سيارة صديقى حسام منير، المهم فكيت الدواسة الفيبر وضفط على الدراع الحديد اللى نازل من السينسور بتاع الدواسة، لاقيت مبدئيا ان مشوار الدراع الحديد ده اكبر من مشوار الدواسة، قولت اجرب عمليا وسوقت العربية من غير الدواسة على الدائرى وبقيت ادوس على الدراع الحديد بطرف رجلى ، والنتيجة ان العربية بقى نفسها اطول على الغيار وانا دايس كيك داون بس طبعا بعيد عن الريد زون، المهم شيلت حتة بتاعة نصف سم من ظهر الدوارسة بالمنشار وركبت الدواسه مكانها ، وروحت امبارح قيست الفولت اللى طالع منها بعد التعديل لاقيته بقى 4.25 (لس فاضل برده شوية مش عارف اجيبهم ازاى)
دى التجربة المبدئية ، انا مسافر الساحل النهارده ان شاء الله وهجرب الفرق على السرعه القصوى وهقولكم على النتيجة ان شاء الله لما ارجع .
وفى موصوع تانى ، بس خليه مفاجأه لم اعمله ان شاء الله هقولكم عليه .