التكييف ممكن يكون السبب ؟

**m3touk_85** · 20-06-2011 03:42 AM

السلام عليكم شباب الهوندا

دلوقتي في مشكلة عندي

البطارية

لما اشغل التكييف واجي بعد يومين اشغل العربية تعيش انت

ما اشغلش التكييف اجي بعد يومين تشتغل

كشفت على الدينامو بيخرج 13ز5

عدسة البطارية حتي وهي فاصلة خالص بتبقي لونها اخضر ( اسود محتاجة شحن ابيض البقاء لله )

اين السبب انا ان شاء الله هكشف عند كهرباءي تاني بردوا بس باخد اراءكم

**douha_wise** · 20-06-2011 08:53 AM

على فكره يا معتوق مش شرط ان البطارية لما يكون العدسة لونها اخضر تبقى كويسه و لا حتى لو ابيض تكون وحشه و عايزه تتغير لأنه حصل لى موقف فى بطارية acdelco و كانت جديدة و بعد شهر او اتنين من استعمالها وجدت العدسة اصبحت بيضاء فذهبت بها للبائع و هو محل مشهور بالمهندسين و محترمين جدا المهم كشف عليها ووجدها كويسه فقالى ساعات العدسه بتهيس و عموما انت لسه فى الضمان فجرب و لو حصلها حاجه هاتها نغيرها و فضلت لحد ما خلص الضمان لونها ابيض و معملتش ولا مشكلة
عموما انا مقصدش ان كده ممكن تكون بطاريتك وحشه لكن بوضحلك معلومة قابلتها بخصوص العدسة و جرب عند كهربائى تانى يكون خبرة و كويس و ربنا يعينك و يوفقك

**SAMEH_FOUAD** · 20-06-2011 09:53 AM

هات بطارية جديدة وريح دماغك زى ماقولتلك انا مغير البطارية بتاعتى من يومين وكان المؤشر لونة اخضر يعنى فابريكة وكنت لما تيجى تدور وتبطل وتدور تانى البطارية ماتقومش روحت مغيرها فورا انت عارف الحر والتكيف لو عملت اى موقف مش هتلاقى حد يزئقك

وزى مادوحة قالك مش جودة البطارية هتبان من المؤشر

عموما عشان تبقوا عارفين ان لمبة البيان بتاعة البطارية بتجيب فقط الشرايح اللى فى النص يعنى ممكن تكون البطارية باظت من ناحية والجزء بتاعها دة لسة ماباظش او سليم فهتفضل مديالك اخضر حتى لو هية مابتقومش اصلا