الار بى ام دايما عالى عندى ايه الحل

**Youssef.Awad** · 20-06-2011 02:09 AM

المشاركة الأصلية كتبت بواسطة ahmedya1976

دي مشكله ضفيرة الكهربة وانا كان عندي نفس المشكله وغيرت الضفيرة والمشكله انتهت والحمدلله

انا حاسس بكده برضه لأن كهرباء العربية مش مزبوطة بالمقارنة بأى عربية زيرو واعرف زميل كانت بتطفى منه وهو ماشى وغيروها فى الضمان ب5000ج والعجيب ان اللى ركبت يابانى واللى بتنزل فى العربية مصرى !!!!!!!!!
ربنا يرحمنا من الغش والنصب والاحتيال

**Youssef.Awad** · 20-06-2011 02:15 AM

المشاركة الأصلية كتبت بواسطة ahmed.tv

مينفعش تسكت عليهم وتاخد كلامهم وتمشى

طالما الار بى ام عالى دايما اكتر من الالف كدا يبقا فى حاجة غلط ,وبنسبة كبيرة انه من الضفيرة

وقولهم ده مش طبيعى ويتصرفوا ,

يا باشا شكرا لاهتمامك
بس المشكلة انى ما اقدرش استغنى عن العربية يوميا يعنى ما ينفعش اسيبها تبات فى التوكيل
والصيانة باعملها فى السبع المعادى وبعيد عنى ب80كم ويوم الصيانة بيكون اجازتى
والمشكلة ما كانتش مضايقنى اوى زى اليومين دول
بصراحة زادت اوى بعد ما الاخ قالى انه زبطها بالجهاز فى حملة الفحص المجانى فى موبيل المقطم !!!!!!!!
قبل اخر الشهر باذن الله هاروح اعمل صيانة ال40 الف كم واركب فلتر التكييف واشوف اللازم يتغير

**Youssef.Awad** · 21-06-2011 12:36 AM

المشاركة الأصلية كتبت بواسطة mikeatef

استاذي الفاضل موضوع الار بي ام ده بيعلي يا اما بسبب كهربا زياده عايزه تتظبط يا اما نتيجه دخول كميه من البنزين اكنك دايس علي الاكسلاتير وانت واقف وديه حاجة تانية
الموضوع بالنسبة للكهربا ده زي ما اخواتنا هنا في المنتدي بيقولو لازم تكشف علي ضفيرة الكهرباء
بالنسبة لو مش الضفيره ممكن يكون عيب في الايدل كنترول بتاع العربية او في البوابة والانتين بيعلو الار بي ام بس الاختلاف ما بينهم ان البوابة بتعليه في اي وضع يعني تبقي ماشي علي التالت بسرعة ٥٠ والار بي ام واقف علي ٢ ٢،٥ وتلاقيه مره واحده وصل لحد ٥ لكن لو ده في السلانسيه يبقي بنسبة كبيرة عيب في الايدل كنترول والمشكلة هي لو الايدل كنترول باظ وديه عن تجربه معايا في عربيتي الفولكس باراتي الكمبيوتر مش بيعرف ان في مشكلة في الايدل كنترول وده محتاج صنايعي امين علشان يقولك ان الايدل كونترول باظ علشان هو غالي والتوكيلات مش بتحب تغيرو غير بالعافية ولو التوكيل قالك ان الكمبيوتر مش بيقول ان الايدل بايظ قولوهم لو الايدل بايظ الكمبيوتر بنسبة كبيرة مش بيعرف ده لان الايدل ده مسئول عن ضبط كمبية البنزين اللي بتدخل للعربية في السلانسية
بس مادام المنتدي بيقول ان مشكلة الضفيره بتحصل يبقي تبدا بيها وربنا يقدم الخير انشاء الله

تشكر يا باشا عالمعلومات القيمة دى
باذن الله لما اروح هابلغكم بالجديد

**Youssef.Awad** · 22-06-2011 01:41 AM

المشاركة الأصلية كتبت بواسطة tarekmomo

استاذ يوسف النتشة الى بتقول عليها دة بتحصل لما تهدى العربية بالفرامل بس من غير دبرياج وتشيل رجلك وترجع تدوس بنزن بتنتش صح انا علربيتى 2004 وعندى نفس العيب ولما روحت حاملة الصيانة قالولوزى العربية ما فيهاش حاجة وا سجلتشى اعطال قاللى مكن تكون الضفيرة فيها فيشة مهزوزة ونضف بوابة الانجيكشن

لا يا طارق باشا كلامك صحيح وبيحصل فعلا معايا لما ادوس فرامل من غير دبرياج ع السلانسيه فى الزحمة
بس انا اقصد النتشة وانا بانقل بين السرعات
اصلا انا متعود اشبع النقلة وانقل على 3 او 3.5 rpm مش اكتر الا لو باخطى عربية وباحرق ع الغيار
بتظهر اكتر بين التانى والتالت وبين التالت والرابع
لقيت الrpm بقى ينزل عن الاول كتير من 3.5 ل2.5 او 2 مرة واحدة ولو كبست بنزين لازم اسيب دبرياج واحد واحدة ببطء مش زى الاول اسيب مرة واحدة
بصراحة حاسسها مكتومة كده من ساعة الاخ لما قالى زبطها بالكومبيوتر فى الفحص المجانى
وحاسس ان فيها حاجة غلط
كانت الاول ماشية زى الفل يعنى بسلامته حب يصلح حاجة - وياريتها اتصلحت دى زادت - قام مبوظ حاجة تانية
اما اروحلهم بس فى صيانة ال40 الف مش مش ماشى باذن الله غير لما اجربها واقرفهم باللى هادفعه يومها باذن الله

**Youssef.Awad** · 01-07-2011 09:48 PM

فعلا طلع العيب من ضفيرة الكهرباء والحمد لله اتغيرت فى الضمان بعد ما روحت السبع وقابلت المهندس خالد اللى كان كاشف عليها فى حملة الفحص المجانى وتم مع صيانة ال40.000 كم يوم الخميس 30-6-2011 بحمد الله
والوضع دلوقت تمام التمام
شكرا نيسان السبع

**Youssef.Awad** · 01-07-2011 11:40 PM

المشاركة الأصلية كتبت بواسطة samsong

مبروك والحمد لله حل المشكله
وشكرا لتعريفنا المشكله والحل

العفو يا باشا
ولا شكر على واجب

**Ahmed.TV** · 02-07-2011 02:03 AM

الف مليون مبروككككككككككككك

زى ما توقعت انه من الضفيرة .. الحمد لله قدر الله ماشاء فعل

بس تقريبا انت عربيتك 2010 فى اولها يا يوسف بيك

لان انا سمعت ان الموديلات اللى فى 2010 ومن نص السنة والموديلات الجديدة 2011 اتعالج فيها الموضوع ده

حطلب منك خدمة

ياريت موضوع سجل المشاكل الميكانيكية المثبت تدخل عليه .. وتضيف الاعراض اللى كانت بتحصل معاك .. والحل .. بنفس النظام اللى ماشين عليه الاعضاء .. بدون ما تحط لينك الموضوع .. عاوزين الاعراض والمشكلة والحل بتعها

تحياتى ليك

-

-

الموضوع: الار بى ام دايما عالى عندى ايه الحل

LinkBack

أدوات الموضوع

عرض

-

-

-

-

-

-

-

المواضيع المتشابهه

الار بى ام مش مضبوط وصوت العربيه عالى اعمل ايه محتاج مساعده ضرورى

الار بي ام عالي عندي ..؟؟؟؟ اية الحل ...؟؟؟؟

صوت الموتور عالى , ايه الحل ؟

ارتفاع الار بى ام مع صوت عالى للموتور وبعدين يقل

مؤشر الار بى ام عالى علطول

الكلمات الدلالية لهذا الموضوع

المفضلات

المفضلات

ضوابط المشاركة