التأمين علي اللوجان

**wassim_nasser** · 16-06-2011 06:02 PM

اولا وحشتونى جدا و قلت أمسى عليكم
ثانيا انا ناوى بإذن ربنا أأمن ع اللوجان 2011 بكره وقالولي ف مصر للتأمين ان قيمه القسط السنوى 2500 تأمين شامل تلفيات وحوادث وسرقه فامش عارف كده كتير ولا عادي عايز أسمع رأيكم

**keeko** · 17-06-2011 12:25 AM

انا كمان عايز أأمن علي العربية
و علي فكرة المبلغ اللي انت قولته مش كتير خالص
يعتبر مناسب اووي و في المعقول
التأمين تبع كونتاكت حوالي 3أو 4تقريبا و يعتبر اغلي تأمين في مصر بس بصراحة التعامل معاهم محترم
اي حدثه لا قدر الله بيدوك فلوس التصليح من غير مايطلعوا عنيك زي باقي الشركات اللي تخليك تقعد بتاع5 شهور عشان تاخد فلوس التصليح اللي صلحت بيها العربية
........................
المهم ياريت تقولنا التفاصيل
هل اي حاجة بتحصل للعربية شركة التأمين هاتتكفل بيها ولا حاجات معينة بس عشان الواحد يبقي عارف بس

**wassim_nasser** · 17-06-2011 02:50 AM

التأمين بيكون مسئول عن جسم العربية الخارجى في حاله اي خبطه او تلف أو حادثه الشركه بتصلحها والعميل بيتحمل 10% من تكلفه التصليح .. لو الحادثه جامده أو العربية لاقدر الله اتسرقت الشركه بتصرف للعميل شيك بالقيمه الموجوده ف البوليصة .. انا كنت محدد تمن العربية 69 الف بس كنت عايز اعرف هل 2500 كل سنة كتير ولا معقول

**ABOHAZEM_NEW** · 18-06-2011 12:20 AM

أنا مأمن تبع مصر للتأمين حددوا قيمة العربية بـ 60 ألف دفعت حوالى 2200 جنيه ده كان فى شهر فبراير الماضى

**sandero** · 18-06-2011 02:18 PM

سؤال التامين حرام ولا حلال

**Xlance2010** · 18-06-2011 02:26 PM

انا انوى التأمين على السيارة فلو تكرمتم لو حد من حضراتكم عنده معلومات عن التأمين من حيث اقل قيمة تأمين واحسن خدمة ياريت يتفضل ويطرحها علينا علشان نناقشها سويا ولحضراتكم جزيل الشكر . المدون طارق الجيزاوى