الموضوع: إستفسار عن بي إم 2002-2004

لو ميزانيتك فى رنج 2004 - زودهم و تعالى على نفسك شويه و خلص 320 مو 2006 الشكل e90 - رنجها اليوم حوالى 160 الف بشرط الحاله .

انا شايف ان e46 احسن من e90 لكن فى حاله وجود idrive تكون e90 احسن ولا ايه

المشاركة الأصلية كتبت بواسطة mhdside

السلام عليكم. أنا ناوي أشتري عربية مستعملة وكنت ناوي على سيفيك 2009 أو مازدا 2010. المهم دلوقتي لقيت إن ميزانيتي تجيب بي إم 2004 تقريبا. طبعا البي إم عربية لا خلاف على جودتها. بس قبل ما أفكر أدخد القرار ده محتاج معلومات من أهل الخبرة في البي إم. إيه أخبار قطع الغيار (توافر وأسعار). وإيه أخبار استهلاك البنزين؟ (الـ318). وهل العربية بتعطل كتير؟ وهل كل شوية قطعة غيار بتبوظ وأروح أشتري واحدة تانية؟ وبصفة عامة هل تعتقدو إنو قرار سليم إني أجيب بي إم 2003 - 2005؟ ولا سيفيك أو مازدا 2009 - 2010 أضمن؟

السلام عليكم. بالنسبه للسيارات اليابانى فرقم 1 هى السوبارو و رقم 2 الهوندا. أنا بحب شكل المازدا لكن شكلا فقط. أنت بتقارن بين سيارات لا يصلح المقارنه بينهم البى إم دبليو أفضل طبعا من كل ما تفكر فى شراؤه و هتحتاج تقارن بى إم دبليو قارنها بفولكس باسات أو جيتا "جديد" هذا من حيث الإمكانيات أو بالأودى أيضا لجديد فى حالة مقارنه بمرسيدس هقول لك طبعا المرسيدس لكن البى إم دبليو شكلا شبابيه أكثر طبعا المرسيدس منذ عام 2000 بالنسبه للفئه C شكلها شبابى و كل المرسيدس الأشكال الجديده روعه و شبابى و أنيق و قياده أيضا :).

من حيث قطع الغيار متوفره فهى متوفره فى التوكيل و خارجه بالحرفيين و عدد من تجار قطع الغيار بشارع دمشق من الحيث الأسعار تعتبر مرتفعه نسبيا على سبيل المثال "شورت بلوك للمحرك" ب 3000 جنيه استيراد, فوانيس أماميه ب 2000 - 2500 جنيه استيراد, سيرفس كامل تكلفة 800 - 1000 جنيه. من حيث الأعطال الكثيره هذا على حسب حالة السياره التى اشتريتها قد تكون بحاله سيئه و تحتاج إلى صيانه كثيره و إن كانت بحاله جيده فلن تسبب لك المشاكل و التعب. قطع الغيار معمره جدا فى الشراء يعنى تشترى قطعة الغيار و تنساها من رأيى الشخصى تفقد موقع كونتاكت كارز يوجد به سياره E46 2005 مطلوب فيها 133000 جنيه يعنى تشتريها على 130000 جنيه و سعر طبعا ممتاز بالنسبه لموديل 2005 رأيى أنا كلم أصاحب السيارات البى إم دبليو الموجوده بموقع كونتاكت كارز و اعرف أماكن السيارات و روح عاين و شاهد بنفسك و تعرف على الإمكانيات و اركب و أنت تعرف الفرق بين المازدا و الهوندا و البى إم دبليو.

السياره بمحرك 1995 سى سى, قدرة 143 حصان و عزم 190 نيوتن يعنى لا مقارنه فى إمكانيات و لا فى ثبات و لا حتى فى سرعه.

أنا هقول لك بكل قوه بى إم دبليو طبعا خصوصا و أن ضبطت للشكل الرياضى ال M3 هتكون تحفه فنيه. و بالنسبه للمقارنه بين ال E90 و ال E46 أنا عالعموم بعشق ال E46 عن ال E90 بكثير و طبعا ال E90 قطع غيار أسعارها فى السماء, على سبيل المثال علبة دركسيون استيراد لل E90 ب 7000 جنيه و غير متوفره

وعالفكره نفس المحرك الموجود بال E46 318 2004 - 2006 هو الموجود بال E90 320 لكن الفارق إن الموجود بال E46 بيخرج 143 حصان بينما اللى فى ال E90 320 بيخرج 148 حصان

و ال E46 منذ عام 2002 - 2006 وجد بها محركين أولهم N42B20 اعوام 2002 - 2003 "خارجيا" و N46B20 أعوام 2004 - 2005 "2006 بمصر لأن هناك E46 موديل 2006 لكن عدد قليل" و ال 2 نفس المواصفات و الأمكانيات و الشكل الخارجى :).

E46 M3 Shape

المشاركة الأصلية كتبت بواسطة oct

انا شايف ان e46 احسن من e90 لكن فى حاله وجود idrive تكون e90 احسن ولا ايه

بعد التحيه ،

ال e90 تصميمها الميكانيكى اكثر تطورا وهاى تكنولوجي و عن تجربه طبعا هى افضل فى الاداء و القوه و العفشه و الباور ستيرنج و اقل فى استهلاك للبنزين.... جرب سواقه e90 لمده يومين و بعد كده جرب e46 حتشعر فورا بالفرق و كل ما ذكرت اعلاه .

ال idrive ده مجرد شاشه فى التابلوه ، لكن بقيه العربيه هى هى !! و غير صحيح لتقييم اى سياره وجود كماليه مثل ال idrive ، هو طبعا اوبشن جميل لكن ليس اساسي لتقييم e90 و يمكن الاستغناء عنه لان كل الوظائف الموجوده به موجوده فى اماكنها مثل شاشه الراديو و التكييف و الشاشه الموجوده بين العدادات ... و لو مطلوب يبقى مو 2007 و هى اليوم فى رنج 190 +/- 5 الاف.

تحياتى ...

المشاركة الأصلية كتبت بواسطة mhdside

ألف شكر thebuccaneer باشا على وقتك ومجهودك. والله الموضوع محير جدا. أنا باقالي كتييييرفي الموضوع ده. كل شوية أدخل عربية في المقارنة واطلع عربية. وزي مانتا عارف آراء الناس ضد بعض فالحيرة بتزيد. البي إم أكيد أحسن من كل المنافسين كماركة. بس لما نحط كل ماركة بموديل بتبقى المقارنة صعبة. أنا كنت خلاص قربت من الجيتا بس قلقت من موضوع الفتيس الـdsg. عموما أنا حاعمل مقارنة جديدة في قسم المقارنات حاحط فيها كل العربيات اللي في دماغي دلوقتي.

الفولكس جيتا جميله لكن أنا على حسب ما عرفت إن الفتيس بها صينى و به مشاكل. أنا عندى لك الحل حضرتك قرر الخيارات اللى حضرتك فى الحالى نويت عليها و توجه لموقع كونتاكت كارز و ابحث و اذهب بنفسك و اركب و جرب و تعرف على الإمكانيات و هتقدر ساعتها تقرر عن تجربه فعليه و ليس فقط من مجرد السؤال و اعتقد هذا أفضل 1000 مره من السؤال. و ربنا يوفقك :)