موسم سخونة العربيات وفتاوى الميكانيكية ... وحل مقترح ومنفذ

**abedelmoaty** · 17-05-2014 06:18 PM

اولا - لا بد من تغير الريداتير بواحد تاني نحاس
ثانيا - تغير المروحة و تركب مروحة الشاهين

**l@ncer** · 13-04-2015 04:03 PM

تجربتي في موضوع الحرارة يمكن تفيد حد

عربيتي venture 2002 3400 cc شيفرولية

العربية كانت بتسخن علي طول في الصيف مطلعه عيني بالرغم من ان بلف الحراره كمان كان متشال

روحت علي واحد بتاع رادياتيرات محترم فك الردياتير وفك القايم اللي في جنب الردياتير وبدا يعمله تنظيف وتسييخ

وطبعا خرج منه هباب ده غير ان مسارات المياه كان نصها مقفول ... بعد كده روحت جبت مروحة مرسيدس الكبيرة وخليت كهربائي يركبهالي قدام الردياتير ويوصلهالي علي التكييف فقط ... بحيث تشتغل لما التكييف يشتغل

وخليت المراوح بتاعة العربية الاصلية تشتغل اول لما احط المفتاح في الكونتاكت ....

بعد الحاجات دي الحمد لله العربية حرارتها كويسة بتكييف ومن غير تكييف

**ahmed9003** · 25-08-2015 04:28 PM

السلام عليكم

دا واحد كان بيعانى من نفس المشكلة بتاعتنا وهى السخونية فى طرق السفر بعد مايعدى سرعة 120 كم

http://www.nilemotors.net/Nile/472593-120.html

ودا حل المشكلة بعد مامشى ورا كل الاحتمالات الممكنة :

http://www.nilemotors.net/Nile/474915-120.html

يارب تكون نهاية المطاف معاه وتكون سبب انها تحل المشكلة عند ناس تانية كتير

**ahmed9003** · 04-09-2015 10:08 AM

الحمد لله

انا غيرت الريداتير وجربت كدا تجربة حوالى عشرة كم على سرعة 120-130 وانا مشغل التكيف والحمد لله

العربية ماسخنتش منى ولا مؤشر الحرارة اتحرك من مكانه (فضل واقف بين النقطتين)

ورغم انى كنت منضف القديم والراجل بتاع الريداتيرات فكه ونضفه بالسيخ ومكانش فيه ولا خرم الا انه من

الواضخ انه كان سبب المشكلة اللى بعانى منها من سنتين

**zizoro** · 03-04-2016 06:57 AM

يا جماعة في واحد اسمه الدكتور معتز ماجد ده راجل شباب في قرية جنب ميت غمر
كان معايا نوبيرا عملت نفس الموضوع ودوخت بيه سنتين من تسليك لتغيير ثرموثتات لتغيير اكواع
وتغيير كل حاجة وبالصدفة في قاعدة بحكي لاصدقاءي علي الفيلم ده ...اتصلو بالراجل ده وجه قعد معانا هو مش ميكانيكي ولا حاجة ..بس فاهم اووووي عربيات وبعلم برمجيات وحاجات غريبة كده وعشان كده بيقولولو يا دكتور
رد ببساطه وقالي اشرب معايا الشاي فالبيت بكرة ...وروحتله فعلا
لقيته ضرب جوانتي بتاع طبيب وعمال يفك فالعربية حتة حتة ...فلما قلقت فالنص وقفته وسألته

قالي انت روحت لكل الناس ومحدش حللك المشكلة ...بس محدش فيهم فكر يبصلك علي طبب المية اللي فالماتور الماتور لان دي بالذات اللي لو سربت ميتها مش بتلحق تتشاف من سخونة الماتور وبالفعل فك طبتين لقيتهم مهريين خالص وروحت غيرتهم ومن يومها انا روحت للراجل ده فيلته وبوست راسه فعلا ...لان العربية وهو معايا جاب بيها 180 ولا حصل اي حااااااااجة خاااااالص ومن ساعتها ومن يومها اي حاجة فعربيتي بتصل بيه

للعلم هو بيعمل مركز صيانه خاص بيه ...وباذن الله نعمله دعوة معانا هنا ...انسان محترم جداااااا وهيفيدنا كتير

**AhmedAboknaa** · 15-08-2016 09:12 PM

السلام عليكم انا في المدينة المنورة و عندي سيارة فورد اكسبلورر 2003 المشكلة بتبدأ لما بكون ماشي بسرعة طبيعي و اجي ادوس فرامل و اهدي السرعة اسمع صوت خبط في الفتيس تحت لغاية من كام يوم بقا بعد صوت الخبطة تحت بقا فيه نتعة و صوت عالي في الغيار التاني و سعات اسمع صوت حديد تحت ! ايه الحل بالظبت و شكرا

**اminaadel** · 15-12-2016 01:04 PM

برجاء المساعدة في حل المشكلة دي علشان انا روحت لكزا ميكانيكي و مش عارف الحل

انا معايا سوزوكي sx4 2008 و حصل ان الرادياتير كان فيه مشكلة و لحامات فغيرته و بعد لما غيرته لقيت الميه بتنقص بعد كل مشوار تقريبا نصف لتر، وعملت كبس للرادياتير علشان لو فيه تنفيس و طلع سليم و شوفت مكان الزيت في الموتور قولت يكون جايب جوان وش سلندر و طلع سليم و حطيط كرتونه تحت العربية علشان لو في تنقيط و طلع مافيش حاجة و العربيه تبريدها ممتاز و مش بتسخن مؤشر تحت النصف و كل حاجة سليمة
ارجوا الاهتمام و المساعدة علشان بقالي اسبوعين بلف علي الميكانيكية و مش واصل لحل