هي الناس بتشتري الكروز ليه فيها ايه علشان تبقي ب 161 الف جنيه

**Typerr** · 21-06-2011 05:00 AM

المشاركة الأصلية كتبت بواسطة migos

لولا إختلاف الازواق لبارت السلع
بالنسبه لمقارنات الفنيه اعتقد الكروز تكسب
بالنسبه لمقارنات الكماليات السيراتو تكسب
وانت اختار كماليات ولا فنيات
وكل واحد دماغه مريحاه
ورأي الشخصي السيراتو عربيه خطر على البني آدمين
والكروز غاليه على عربيه كوري بتمنها تجيب هوندا او كرولا أفضل
والكمال لله

هي دي الردود اللي انا عايزها
الله ينور عليك
تسلم يا جميل

**MOUSTAFA_SAAD** · 21-06-2011 07:30 AM

على فكره انا برده شايف انها مبالغ فى سعرها جدا
لكن شكلها مغرى جدا وجمال التصميم بيدفع بعض المشترين انهم يضحوا بالسعر ويدفعوا زياده

اعتقد دية وجهة نظرى فى سعرها المبالغ فيه وممكن تكون صحيحه

**ahmad--ezzat** · 21-06-2011 07:35 AM

الكروز اشيك من السيراتو وشكلها افخم

وبصراحه بحترمها عن السيراتو

مين اللى قال موتور الكروز وحش؟

**fawzyyyy** · 21-06-2011 10:02 AM

المشاركة الأصلية كتبت بواسطة Typerr

طريقه كلامك من اول رد هجوميه
وانا علشان مخرجش من سياق الموضوع
وعلشان الناس بتقول ان هدف الموضوع خناقه وده والله مش هدفي

انا مش هرد عليك
اعذرني ...

طيب عشان حضرتك متخرجش عن سياق الموضوع و برده عشان نخلص و تريحنا

الاجابة اللي حتريحك اهه

الكرووز عربية فاشلة بكل المقاييس ....الماتور ضعيف ...الصاج ورق....مفيهاش كاسيت ...فيها راديو بس....اخر عدادها 120
انا مش عارف الناس بتشتريها علي ايه....لو كانوا فكروا شوية ....او لو كانوا شافوا السيراتو اكييد مكانوش حيبقوا ندمانيين زي دلوقتي .....كفاية فتحة السقف اللي في السيراتو اللي لما بتفتحها بتجيبلك هوا بحري زي الفل يغنييك عن التكيييف .......غيير الكاسيت cd اللي فييها و اربع سماعات اصواتهم ايييييه تحفة .....ولا انوار العدادات حكااااااية .........ولا الصاج ما شاء الله اتقل من ال lada ......غير ان اخر عدادتها 420 و بتجيبهم ما شاء الله
و اللي ميعرفش ان السيراتو متصنعة هي و المرسيدس مع بعض في مصنع واحد....!!!

بصراحة كدة انا عايز اقول ان اللي اشتري الكروووز لبس فيها يا حرام ...و الله يكون في عونه ...اكيد اللي اشتري الكرووووز عمل حاجة وحشة في حياته ..عشان كدة ربنا عاقبه بيها

متهيألي كدة انا جاوبت علي صاحب الموضوع علي اللي كان نفسه يسمعه.....يا ريت يبطل يكتب في الموضوع بقي و يريح نفسه و يريح الاعضاء
و بردو يا ريت تبقي تقولنا بس نقطة اخيرة و تقفل بعدها الموضوع...هو حضرتك سنك قد ايه ؟؟ و بقالك قد ايه بتسوق عربيات ؟؟؟ اصل اي حد مش عاجبك بتقوله انت معاك ايه؟؟ و انزل شوف عربيتك اللي تحت البيت عاملة ازاي ؟؟!!