هي الناس بتشتري الكروز ليه فيها ايه علشان تبقي ب 161 الف جنيه

**ابو ليلى** · 19-06-2011 03:02 AM

المشاركة الأصلية كتبت بواسطة aymanmaly

حبيبي والله انت عارف انا بقدرك اد اية
كرسي ياشباب وحد يطلب شاي لصاحب البيت
انت عارف لو الناس تيجى المقابلات و تتعرف علينا هاتفهم ان المنتدي تعدى خط العالم الافتراضى الى العالم الواقعى
وان السيارات مدخل لصداقات فى وقت بسيط تعدت صداقات سنين طويلة
و النهاردة انا معاية شيفورلية بعدة معايا كيا
انا املك سيارة من حوالى 25 سنة غيرت فيهم بتاع 8 سيارات
بس سيبك انت انا ناوي ان شاء الله اجيب رولز رويس علشان محدش يقدر يزم فيها
اخ هايقولوا ملهاش قطع غيار
طيب تفتكر اجيب اية :-)))
يجعلة عامر
عيزين ننظم مقابلة فيها القسمين و معانا نيسان
ما تتولى حضرتك الموضوع دة و ان شاء الله نتقابل على خير

ربنا يدوم المعروف بنا وريت الناس تقدر المعانى دى .

والله فكرة حلوة 3 اقسام فى مقابلة واحدة ... محتاجة تنظم يليق باعضائهم المحترمين

سيبنى كده اظبط الموضوع وارد عليك

المشاركة الأصلية كتبت بواسطة fawzyyyy

نسيت اصبح علي ابو ليلي ...و اهلا بيك يا باشا و عايزين نشوفك في المقابلة اللي جاية بقي

يعنى تخبط فى سوسو وبعدين تصبح عليا ......اقول لشعبى ايه ...
وحشنى جدا يا حبيبى والله وبأذن الله نشوف الفكرة اللى طرحها العمدة

**fawzyyyy** · 19-06-2011 02:11 PM

المشاركة الأصلية كتبت بواسطة abouleila

يعنى تخبط فى سوسو وبعدين تصبح عليا ......اقول لشعبى ايه ...
وحشنى جدا يا حبيبى والله وبأذن الله نشوف الفكرة اللى طرحها العمدة

والله يا ابو ليلي سوسو و اللي بيركبوها علي راسي من فوق...هو انا اقدر اخبط في السيراتو بردو (علي فكرة العربية ديه انا بعزها جدا ربنا يباركللك فيها).....و قسم كيا واحشنا والله

**mido** · 19-06-2011 02:29 PM

يا جدعان هوبا ده هربان من قسم كيا وعمل هناك مشاكل كتير وده مش اول اكونت يعمله بس الحق انه كل مره بيقول ان اسمه ايهاب

**khaloooda** · 19-06-2011 08:28 PM

انا مع رأي الاخ صاحب الموضوع
بدون مقارنة بين السيراتو والكروز
لو هنقيم الكروز بسسسسسسس
انا فعلا مش شايف في العربية دي اي سبب يخليني ادفع فيها المبلغ ده
غير شكلها وتابلوها الشيك بس ده في نظري مش كفاية

لما يكون سعرها ده يجيب كرولا مثلا
او اعلي منه شوية صغيرة يجيب جيتا

يبقي افتراااااااااا وسرقة واستهبال اني اشتري عربية زي الكروز بالسعر ده

**3ateef** · 19-06-2011 09:33 PM

مشكلة قلبت بمقابلة....

رب ضارة نافعة...

**Typerr** · 19-06-2011 11:45 PM

المشاركة الأصلية كتبت بواسطة bassem raafat

أبو ليلى .......... بجد منورنا فى قسم شيفروليه وبجد نفسنا نشوفك تانى .

وبعيداً عن غرض الموضوع الأساسى .. أنا مؤيد لفكره مقابلة الـ 3 أقسام ( نيسان – كيا – شيفروليه ) ، وعلى شرط إن اللى يساعدك فى تنظيم المقابله دى يكون صاحب الموضوع ( الأستاذ / إيهاب ) علشان يصالح كل الناس اللى زعلانه فى الموضوع ده .

ويا ريت بجد تكون روح المحبه فى المنتدى هى الأساس فى علاقة الأعضاء ، إحنا هنا علشان نساعد ونفيد بعض ، مش علشان نهاجم بعض .

وتقبلوا تحياتى

باسم رأفت

بعيدا عن النقاش في السيارات
يشرفني اني اتعرف علي اعضاء منتدي نايل موتورز بجد الناس دي كلها بالاجماع محترمين جدا
وفكره جميله جدا
بس انشاء الله نعملها واتشرف بمقابلتكم

**Typerr** · 19-06-2011 11:47 PM

المشاركة الأصلية كتبت بواسطة mido

يا جدعان هوبا ده هربان من قسم كيا وعمل هناك مشاكل كتير وده مش اول اكونت يعمله بس الحق انه كل مره بيقول ان اسمه ايهاب

هربان !!!!
عامه انا معايا كيا سيراتو
وثانيا ههرب ليه مش عارف
علي العموم الموضوع ليه وجهه نظر صريحه ياريت تكون فهمت وجهه نظري ومانخرجش
عن الفكره الرئيسيه للموضوع

**Typerr** · 19-06-2011 11:50 PM

المشاركة الأصلية كتبت بواسطة khaloooda

انا مع رأي الاخ صاحب الموضوع
بدون مقارنة بين السيراتو والكروز
لو هنقيم الكروز بسسسسسسس
انا فعلا مش شايف في العربية دي اي سبب يخليني ادفع فيها المبلغ ده
غير شكلها وتابلوها الشيك بس ده في نظري مش كفاية

لما يكون سعرها ده يجيب كرولا مثلا
او اعلي منه شوية صغيرة يجيب جيتا

يبقي افتراااااااااا وسرقة واستهبال اني اشتري عربية زي الكروز بالسعر ده

+111111111
هو ده سبب موضوعي
عايز اعرف ليه فيها ايه

**Typerr** · 19-06-2011 11:50 PM

المشاركة الأصلية كتبت بواسطة Ruin Scud

مع عدم امتلاكي للكروز ولكنها من وجهة نظري المتواضعه أحسن بمراحل من السيراتو + ان بتمن السيراتو ماممكن واحد يقول اجيب لانسر ياباني 100 100 دي وجهات نظر وانا وجهة نظري بدون زعل سيادتك او زعل اي حد من ملاكي السيراتو ان تمنها اكبر من قيمتها الفعليه بمراحل + ان معظم الناس بتقارنها بعربيات زي النيسان صني وزي اللانسر وفي واحد من فتره كان بيقارنها بهوندا سيفيك مش عارف ليه يمكن عشان منظرها بس اقول المنظر مش قوي هو الشكل كله عباره عن لعب في تصميم الفوانيس ولو اي خبطه بسيطه في العربيه من قدام هاتدمر الفوانيس + الكبوت اللي يعتبر في نفس مستوى الأكصدام + الشبكه .
وانا في زياره للحرفين اكتر عربيه عامله حوادث وللأسف العربيه مدمره من قدام يعني صعب السمكره كانت السيراتو انا شوفت اكتر من 4 عربيات حوادث في عدد 2 شارع فقط.
للأسف السيراتو واخده اكبر من حجمها بكتير وبمراحل وسوق العربيات في مصر ماشي بمدأ غريب مش عارف افهمه.
السيراتو عربيه معقوله او ممكن تقول عاديه بس مش ممتازه ولا حاجه لقطه لأن سعرها برده غالي ده غير الشكل ودي ازواق ولكن الكروز كخامات تابلوه وقعده وكعربيه مجمله تستاهل انها تكون غاليه بس العيب الوحيد انها نازله بماتور قديم وعلى مدى علمي مافيش شكاوي شوفتها قبل كده من ماتور الأوبترا اغلبها كانت من علبه الدركسيون او العفشه.
في عربيات حلوه وسعرها متناسب مع قيمتها وعربيات جيده كتير زي اللوجان وزي البروتون بس للأسف مش واخدين سمعه او شهره زي السيراتو.
ربنا يبارك للي جاب السيراتو وتكون مريحاه واللي جاب الكروز يكون مبسوط.
تقبل تحياتي .

شكرا علي رايك

-

الموضوع: هي الناس بتشتري الكروز ليه فيها ايه علشان تبقي ب 161 الف جنيه

LinkBack

أدوات الموضوع

عرض

-

-

-

-

-

-

-

المواضيع المتشابهه

معايا عربية gmc و عملت فيها حاجة و عايز استشير فيها الناس

عاوزين نكتب كل الي نعرفة عن سيات ماربيلا علشان الناس الي عندها العربية دي تبقي دليل

ايه هي المواصفات المطلوبة علشان تبقي في الصاعقة وبالأخص 777

الكروز ب 150000 الف جنيه

ليه مفيش اقبال علي السيراتو بفتحه سقف هل فيها مشاكل ولا الناس مستخسره ال5الاف جنيه ؟!

الكلمات الدلالية لهذا الموضوع

المفضلات

المفضلات

ضوابط المشاركة