يا اهالي الكريستالة الكرام استغاثة الموضوع بقي رخم قوي

**casper_Dj30** · 18-06-2011 02:23 PM

معلش الموضوع رخم شوية و كنت هاعمل حادثة امبارح بس ربنا ستر بسبب ان العربية ماسعفتنيش خالص
اولا العربية 98 اتوماتيك 1300 تمام
دلوقتي لما ادوس بنزين واحدة واحدة العربية تبقي كويسة و مفيش مساكل و تسحب معقول
لو كبست علشان اطلع من حد او من زنقة بحس ان لا حياة لمن تنادي العربية مبتعبرنيش لأ دي كمان
بتتكتم زيادة
لسة مغير فلتر بنزين و فلتر هوا و بوجيهات حسيت بفرق اة بس طفيف مش فرق يعني
غير انها بتسحب بنزين زيادة شوية مش قوي يعني بس فوق المعدل الطبيعي
و للعلم انا بجري بيها مش مبجريش بس لازم ابقي دايس بنزين بسيط و اسايس فيها
اخر مرة جريت بيها من اسبوعين كان علي الصحراوي و كنت ماشي 160 لفترة و دياما لما بسافر بسافر 130 140
يعني المفروض الموتور متفتح و الله اعلم
بس برضة لازم ادوس بنزين واحدة واحدة علشان لو كبست مش هتجيب السرعات دي و علي فكرة انا في القاهرة هنا اخري 100 لو 110 بش بجري جامد بس انا عايز العربية تسعفني لو اتزنقت و حصل موقف لا قدر الله
لو حد عندة تفسير او حل يا ريت يقول

**zoro007** · 18-06-2011 02:51 PM

ممكن تكون المشكله فى الكربراتير روح للميكانيكى شيك عليه ونضفه

**HeMa_LanCeR** · 18-06-2011 03:19 PM

نضفت الكربراتير قبل كده ؟
بتحط بنزين كام؟

**minded** · 19-06-2011 11:06 AM

1++++++++++++++++++++++++

**minded** · 19-06-2011 11:07 AM

1+++++++++++++++++

**prisoner** · 19-06-2011 12:35 PM

اعتقد ان الاوتوماتيك كله كده والله اعلم لانى جربت اسوق عربية مرسيدس عيون ولما كنت بكبس جامد مكنتش بتجرى وبرضوا التويوتا الجمل نفس الموضوع ولو فضلت كابس تقعد شوية وبعد كده صوت الموتور يعلى ممكن يكون كل الاوتوماتيك كده وقبل ما اشترى كريستالتى واحد قاللى اوعى تركبها اوتوماتيك وانا اصلا مبحبوش مبيساعدش على الشد لو حبيت تشد ده طبعا غير التكنولوجيا اللى فى العربيات الجديدة

**casper_Dj30** · 19-06-2011 03:02 PM

شكرا للرد يا جماعة
انا بنظف الكربراتير بالاسبراي تقريبا كل شهر و نص شهرين او كل 7000 كيلو
و باستخدم بنزين 90 او 92 لما بشغل التكيف علشان متسقفش

**أبو_حمزة** · 20-06-2011 10:59 AM

دى أعراض كربراتير مش نضيف أو شكمان مش سالك
و على فكرة الاتوماتيك مش بتتكتم مع الكيك دون
هى بس بتاخد بتاع نص ثانية لحد ما تجمع و تلاقى الموتور صوته على و سحبت وده عادى عشان الموتور صغير
عن نفسى بحب المانوال عن الاتوماتيك عشان النص ثانية دى
بس فى الزحمة الاتوماتيك نعمـــــــــــــة

**mohammedabdallh** · 20-06-2011 11:40 AM

انا عندى نفس المشكله وعربيتى مانول
وعملت موضوع قبل كدا وموصلتش لنتيجه فى ناس طرمبة بنزين وناس قالتلى الكبراتير وناس قاللتلى فلترهوا وفلتر بنزين وغير ت فلتر الهوا وفلتر البنزين ونضفت الكبراتير
مش عارف اعمل ايه تانى وخايف ليكون طرمبة البنزين (غاليه اوى )) وبعد ما اجبها متطلعش منها
وغيرت كما البوجيهات
اعمل ايه تانى