مشكلة في لانسر بومه 2009 اوتو

**M.Al-Hefnawy** · 15-06-2011 03:09 PM

الحمد لله اشتريت لانسر 2009 العربية ماشية 34 ألف كيلو متر بس لما سافرت بيها لاحظت اني لما اعدي على عيون القطط او العوارض الحديد الموجودة في الطريق آلاقي العربية زي ما تكون مكتومة وبتسحب بصعوبة قولت يمكن في وساخة في البنزين فحطيط منظف في التنك الموضوع ده قل عن الاول بس بيحصل ساعات ... هل كده فلتر البنزين محتاج تنضيف ولا فيه مشكلة تانية (مع العلم اني مغير البوجيهات لـ ngk واحد شمعة ونضفت الفلتر وزيت الفتيس مظبوط)؟ رجاء الافادة.

**yahiahelaly** · 15-06-2011 03:18 PM

يعني اية لما تعدي على عيون القطط العربية بتتكم انت بتلحق تحس انها اتكمت اساسا دول 3 ثواني مثلا ثانيا ولو كان في تاثير اكيد بسبب العيون دي

**mah907** · 15-06-2011 03:20 PM

مش فاهم عيون القطط دي

**eldell** · 15-06-2011 04:33 PM

لو حضرتك تقصد بعد لما تعدى وتطلع تانى العربيه بتحس انها مخنوقه ده غالبا بيبقى من البوجيهات والفلتر

**M.Al-Hefnawy** · 16-06-2011 11:02 AM

عيون القطط اللي هي الإشارات الفسفورية الموجودة في الطريق على الطريق الزراعي بتبقى ساعات موجودة بكثافة ورا بعضها في المدن ... اللي قصدته ان العربية بتتكتم مع الرجة الجامدة لما تعدي على حاجات زي دي.

بالنسبة للبوجيهات انا غيرتها والموضوع ده كان موجود بردو قبل تغيير البوجيهات عشان كده انا غيرتها لـ ngk ونضفت الفلتر.

هل كده محتاج اني انضف فلتر البنزين كمان ولا ايه ... انا بمون العربية 92.

**hesham22822** · 17-06-2011 07:57 PM

ياباشا العربية مصممة لما تعدى على عيون القطة او البارات الحديد اللى بتبقى بالعرض قبل المطبات سرعتها بتنزل لان دة معناة انك داخل على منحنى خطر او مطب صناعى . اطمئن على العربية

**M.Al-Hefnawy** · 19-06-2011 05:24 PM

المشاركة الأصلية كتبت بواسطة hesham22822

ياباشا العربية مصممة لما تعدى على عيون القطة او البارات الحديد اللى بتبقى بالعرض قبل المطبات سرعتها بتنزل لان دة معناة انك داخل على منحنى خطر او مطب صناعى . اطمئن على العربية

اولا جزاك الله خيرا
بس هي لما السرعة تنزل تحس إن زي ما تكون العربية مكتومة؟

**hesham22822** · 19-06-2011 08:23 PM

تحس ان العربية فرملت مرة واحدة و بعدين ترجع لطبيعتها

**M.Al-Hefnawy** · 20-06-2011 10:23 AM

بس مش ده اللي بيحصل ... يعني مش عارف اظاهر اني ما قدرتش اوصل اللي الوضع الفعلي.

هو زي ما يكون البنزين في حاجة سداه لأنها بتحصل لثواني وترجع العربية لطبيعتها مش فرملة خالص.

**hesham22822** · 20-06-2011 08:34 PM

مش فرملة بالمعنى الحرفى و لكن بيحدث تباطئ للسرعة و بترجع عادى . ياباشا والله ما تخاف

الموضوع: مشكلة في لانسر بومه 2009 اوتو

LinkBack

أدوات الموضوع

عرض

-

-

-

-

-

المواضيع المتشابهه

مطلوب لانسر بومه 2006 او 2007 اوتو (راشه بره نضافه)

مطلوب لانسر بومه 2006 او 2007 اوتو (راشه بره نضافه)

لانسر بومه 2009

لانسر بومه 2009

لانسر بومه 2009 للبيع

الكلمات الدلالية لهذا الموضوع

المفضلات

المفضلات

ضوابط المشاركة