الموضوع: عايز عربيات معينة ... ياريت المساعدة

يا دماغك العالية !! افضل حاجة انك تدور على حد عنده العربية بس مش عارف قيمتها ساعتها هاتخدها برخص التراب لكن لو صاحبها عارف قيمتها هتسمع اسعار هلامية جدا ..

يا فندم اولا كده
البونتياك الGTO ....للاحلام فقط .....ممكن Trans AM
الدودج كان في واحده برتقالي في المهندسين مش للبيع
الكامارو ...مش لازم SS بس الشكل دا موجود كتير ممكن ب 15 الف تجيب واحده بس حتصرف عليها بالعبيط احسن تجيب واحده حالتها نضيفة ...كان في واحده زرقاء في محطة الرمل
الامبالا .....صعب اوووووي
نصيحة ..انا ليا باع مع العربيات الكلاسيك و بما فيهم الmuscle ....بلاش حضرتك تشتري عربية متبهدله و تتخيل ان شدها حيبقي سهل او ان العربية حتطلع بحالة ممتازه ..مافيش الكلام دا خااااااااااااااااااااالص
و حضرتك لازم تحط في الاعتبار ان الحاجات دي مكلفة جدا لان العربيات دي هوايه اكتر من كونها وسيلة مواصلات و مصاريفها عاليه
حضرتك ممكن تشتري عربية من دول ب 30 الف و ممكن تلاقي واحده ب 250 او 300 الفكرة حضرتك لو بتشتري من واحد هاوي او ركيب ...حيرفع السعر لان بمجرد ان هو صاحبها و فاهم فيها حيضاعف السعر و لو مصروف عليها صح ( مثلا حتلاقي قدرة الموتور عاليه(400 حصان فيما فوق) و جايب الموتور و معظم قطع العربية من بره مصر )دا يطلب 200 او 300 الف و حتتباع بسهولة كمان....بس متوسط السعر 120 140 الف (للكامارو) ....لو الموتور 6 سلندر و العربية فوق الممتازة مش حتعدي ال70 الف
اول سعر بيتقال في العربيات دي لازم بكون سعر خرافي ...و بعد كده يبدا يقل و لازم سيادتك متبينش انك محتاج العربية او بتدور عليها .....لان صاحب العربية لو حس بكده حتلاقي السعر ارتفع و مش هينزله
و بما ان حضرتك من اسكندرية انا حقول لسيادتك من يجبلك الحاجات دي
في واحد علي الطريق الزراعي عند ابيس (مدخل العوايد ) دي مشهور جدا بيشتغل في الامريكي فقط اسمه (تيمور ) ده يعرف سكك العربيات
و في واحد تاني في الازريطة روحتله مره من زمااااان بس للاسف نسيت الورشه مكانها فين بس فاكر ان اسمه الاسطي (عنتر)
و اهم نصيحة تحلي بالصبر لان الحاجات دي بيتاخد وقت

المشاركة الأصلية كتبت بواسطة MBhead

يا فندم اولا كده
البونتياك الGTO ....للاحلام فقط .....ممكن Trans AM
الدودج كان في واحده برتقالي في المهندسين مش للبيع
الكامارو ...مش لازم SS بس الشكل دا موجود كتير ممكن ب 15 الف تجيب واحده بس حتصرف عليها بالعبيط احسن تجيب واحده حالتها نضيفة ...كان في واحده زرقاء في محطة الرمل
الامبالا .....صعب اوووووي
نصيحة ..انا ليا باع مع العربيات الكلاسيك و بما فيهم الmuscle ....بلاش حضرتك تشتري عربية متبهدله و تتخيل ان شدها حيبقي سهل او ان العربية حتطلع بحالة ممتازه ..مافيش الكلام دا خااااااااااااااااااااالص
و حضرتك لازم تحط في الاعتبار ان الحاجات دي مكلفة جدا لان العربيات دي هوايه اكتر من كونها وسيلة مواصلات و مصاريفها عاليه
حضرتك ممكن تشتري عربية من دول ب 30 الف و ممكن تلاقي واحده ب 250 او 300 الفكرة حضرتك لو بتشتري من واحد هاوي او ركيب ...حيرفع السعر لان بمجرد ان هو صاحبها و فاهم فيها حيضاعف السعر و لو مصروف عليها صح ( مثلا حتلاقي قدرة الموتور عاليه(400 حصان فيما فوق) و جايب الموتور و معظم قطع العربية من بره مصر )دا يطلب 200 او 300 الف و حتتباع بسهولة كمان....بس متوسط السعر 120 140 الف (للكامارو) ....لو الموتور 6 سلندر و العربية فوق الممتازة مش حتعدي ال70 الف
اول سعر بيتقال في العربيات دي لازم بكون سعر خرافي ...و بعد كده يبدا يقل و لازم سيادتك متبينش انك محتاج العربية او بتدور عليها .....لان صاحب العربية لو حس بكده حتلاقي السعر ارتفع و مش هينزله
و بما ان حضرتك من اسكندرية انا حقول لسيادتك من يجبلك الحاجات دي
في واحد علي الطريق الزراعي عند ابيس (مدخل العوايد ) دي مشهور جدا بيشتغل في الامريكي فقط اسمه (تيمور ) ده يعرف سكك العربيات
و في واحد تاني في الازريطة روحتله مره من زمااااان بس للاسف نسيت الورشه مكانها فين بس فاكر ان اسمه الاسطي (عنتر)
و اهم نصيحة تحلي بالصبر لان الحاجات دي بيتاخد وقت

عنتر اللي في الازاريطة ده انا عارفه بس بقاله مدة مش عارف يجيبلي حاجة ...
حشوف تيمور ده مكانه فين واحاول اروحله و ربنا يسهل
ال trans AM روووووعة و انا موافق عليها ...
فعلا انا مش بحاول اشتري من واحد ركيب عشان متكونش غالية و انا كده كده ليا ناس بيعرفوا يجيبولي قطع الغيار من السعودية (زي عنتر ما بيعمل) بس بسعر ارخص لأن الحاجات دي رخص التراب هناك ...
ربنا يسهل الحال
و مشكووور جدا عالنصايح و المساعدة

المشاركة الأصلية كتبت بواسطة BLOODY_STONE

عنتر اللي في الازاريطة ده انا عارفه بس بقاله مدة مش عارف يجيبلي حاجة ...
حشوف تيمور ده مكانه فين واحاول اروحله و ربنا يسهل
ال trans AM روووووعة و انا موافق عليها ...
فعلا انا مش بحاول اشتري من واحد ركيب عشان متكونش غالية و انا كده كده ليا ناس بيعرفوا يجيبولي قطع الغيار من السعودية (زي عنتر ما بيعمل) بس بسعر ارخص لأن الحاجات دي رخص التراب هناك ...
ربنا يسهل الحال
و مشكووور جدا عالنصايح و المساعدة

العفو مفيش اي مشكله
بس حضرتك خلي بالك من حاجة ان في ناس بتجيب عربية من بره مصر و تقطعها و تجيب من مصر واحده متبهدلة و تركبهم علي بعض ......خلي بالك كويس اوووي لان ممكن صاحبها يكون جايب شاسيه عربية كانت متكهنه و تلاقي حالتها نضيفة (لانه ملاكب عليها قطع غيار العربية اللي جايه من بره ) و تشتريها .......و ماتطلعش عربية اساسا
انا كانت هتحصل الحركة دي فيها ...كانت بونتياك Firebird كنت هاخدها ب 65 الف
ال Trans AM موجوده كتير كمان بحوالي 30 الف ......بس بلاش تركب امريكي 6 سلندر
لان ال6 سلندر القديم قدرته قليلة اوووي ممكن تلاقيه 6 سلندر و 3.0 لتر و قدرته 120 حصان و استهلاكه لبنزين عالي و مش بيسحب كويس عشان العربيات دي معظمها تقيل و معدي ال2 طن .
كان في سموحه عند جامع حاتم كده Chevelle 69 باب واحد كان مكتوب عليها ورقة للبيع و كانت ماشاء الله حالتها نضيفه جدا جدا جدا ممكن سيادتك تشوف كده لسه موجوده و لا
لما بقي تجي تبيع و معاك عربية مصروف عليها ....لازم تبيع لواحد ركيب بحيث ان حضرتك تجيب اللي صرفته عليها مش لازم تكسب . لان غير كده هتخسر انا كان معايا مرسيدس W114 280 كنت معمرها بحوالي 48 و جايب الصالون كله جديد من المانيا و ظبتها و مكنتش ناوي ابعها بس حصلت ظروف و استعجلت جدا و بعتها بخساره 3 الاف مع انها كانت نضيفه جدا و كانت ملك والدي من الزيرو و عمرها ما تبهدلت ...بعتها لواحد ركيب بس حس اني مستعجل في بعها و دلوقتي معايا W116 350SE اعدت فتره طويلة ادور علي واحده نضيفة و اشترتها من واحد كان شغال في سفاره و العربية كانت مركونه من سنين طويلة عاملة 70 الف كيلو و جبتلها حاجات كتير من بره مصر و اقدر اقول بدون مبالغه ان مافيش زيها اتنين في مصر سواء بالمواصفات اللي فيها او الحالة
الراجل اللي اشتري عربيتي الW114 عنده مزاج يلم المرسيدس ..شاف عربيتي قالي هخدها منك ب 40 الف فولته مش ببعها شويه تانيه يتصل بيا و يقولي 50 الف و شويه كمان 65 و في الاخر قالي 80 الف و هدفعهم وقتي
قلت لنفسي اما انك راجل ابن تيييييت صحيح يعني لو كنت قلتلك علي عربيتي مش بيعها و اتتنكت عليك كنت هتددفع اكتر
و بردو بلاش سيادتك تروح تسال عند نفس الواحد كذا مره ...كده هيعرف ان حضرتك حتموت عليها و هيخلي صاحب العربية يرفع السعر عشان العموله بتاعته تزيد او يجيب لحضرتك عربيه اي كلام
انا بقول لحضرتك كل دا عشان وسط العربيات دي مختلف تمام الاختلاف عن العربيات العاديه و اسعار مختلفه جدا متستغربش مثلا لما تسمع ان واحد اتعرض عليه450 الف في hemi Cuda و مبعهاش
و اسف جدا علي الاطاله