اقتباس المشاركة الأصلية كتبت بواسطة khaled ayman مشاهدة المشاركة
بص بقى يا سيدى
المنهج كان عباره عن 5 فصول ..انا طبعا طالب متميز قريت فصلين قرايه سريعه كده قلبى كان حاسس انهم هييجو فى الامتحان
المهم طبعا احساسى عمره ما يخيب..الدكتور جاب الفصلين فى الامتحان ..بس فى امتحان الانتظام وانا انتساب :)
المهم دخلت اللجنه
خدت الورقه
3 اسئله ..نختار اتنين
بصيت لاول واحد !! انجليزى ده يا مرسى؟؟ بس قلت قشطه هألف فيه و احل امه :)
بصيت للسؤال التانى حسيت دمه تقيل كده
بصيت للتالت قلت الللللللللعب صباح التأليف الى هعمله فى السؤال ده ..ده انا هجيب تقدييييييير
قررت احل السؤال الاول و التالت ..,بدأت بالتالت لانى كنت متحمس اووووووووووى
غطست فى ورقه الاجابه ...وقاعد اكتتتتتتتتتتب
خلصت ورقه
التانيه
التالته
وفجاااااااااااااه
بنت قالت عاوزه دكتور الماده فى سؤال من برا المنهج
سير كاتينه قلبى قطع ساعه ما سمعت الجمله دى
فتحت بؤى
وعينى بقت فى حجم الجنوط ال 17 كده
جه الدكتور بيقولها انهى سؤال يا بنتى ؟؟
قالتله السؤال التالت :((((((((((((((((((((((((((((((
بص كده و قال اه يا ولاد..السؤال ده من الفصل التانى ..وده مش مقرر عليكم الغوه من الامتحان و حلو الاول و التانى
انا ساعتها طبعا دخلت جوا القميص الى كنت لابسه
فقولتله لو سمحت يا دكتور انا حليت السؤال التالت اعمل ايه ؟؟
قالى و انت يبنى عرفت الاجابه منين ؟؟
قلتله اصل انا مذاكر الكتاب كله :)
قالى والله يا ابنى انت طالب محترم (عنده حق منا مذاكر الكتاب كله هههه) قالى كمل اجابتك عادى ..وهتاخد الدرجه عادى جدا :)
وقالهم يا ولاد لو فيكو حد مذاكر المنهج كله زى زميلكو و عارف الاجابه يحله عادى
ههههههههههههههههههههههههه ههههههههههههههههههههههههه هههههههههههههه
بعد ما الدكتور طلع ..اللجنه كلها بتبصلى ..
والعيال الى ورايا و ادامى مصممين يغشو منى اجابه السؤال ههههههههههههههههههههههههه ههههههههههههههههههههههههه ههههههههههههه
يا جدعان و راس جدى انا مألف الاجابه و معرفش المنهج اصلا
ههههههههههههههههههههههههه هههههههه
ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه هههههه مش قادر وبالذات وانت بتقوله مذاكر المنهج كله ههههههههههههههههههههههههه هههههه