عربيتى اتحفر عليها خريطة

**zeyad1810** · 28-04-2008 10:13 PM

انهاردة شم النسيم طبعا قولت اخد الجماعة واغير جو فى البلد مع اكلة سمك ريفى
المهم طبعا كنت راكن العربية فى مكان فاضى وروحت اقعدت فى الزرع اتمتع بالخضرة وانقيلى شوية توت من ع الشجر اكلهم ولغاية كدة اليوم كان ممتع والواحد فريش وسعيد :):p وبعد اكل التوت واء واء الواد بيعيط :o عاوز ياكل روحت العربية اجيبلة منها الاكل وهوب الاقى الجنب اليمين فى العربية واحد ربنا ياخدة راسملى علية خطوط بالطول والعرض وعاملى خريطة وشكلة كدة كان معاة مسمار لان الخطوط حافرة البوية خالص مش خرابيش خفيفة وكمان عامل كام خط ع الكبوت قال يعنى علشان مايبقاش حارمنى من حاجة
المهم شوفت المنظر دة واتسمرت فى الارض وماعرفتش اعمل اية واتعكننت ع الاخر خصوصا انى لسة داهن العربية من شهرين بس وفرحان انها كانت شكلها نضيف ومفيهاش حاجة فى البوية بس خلاص بقى وبحمد ربنا انها جت على قد كدة بس بصراحة انا مخنووووووووووووووق جدا من الموضوع دة ومش عارف لية الاذية دى مع انى كنت فى حتة ماعرفش فيها حد اصلا

دلوقت انا عندى بوية فايضة منى لما كنت برش فهل لو عملت الخطوط دى بقطنة بلون العربية و بعدين لمعت العربية بكمباوند وبولش الخطوط دى مش هتبان وهترجع زى ما كانت ولا اعمل اية ؟؟؟؟

**Nile_Storm** · 28-04-2008 10:28 PM

مش عارف اقلك ايه و الله
حسبي الله و نعم الوكيل
بجد حاجه تنقط

**دموع الثلج** · 28-04-2008 10:31 PM

بعيد عن موضوع انك تعالج الخدوش

انا بقيت على اخرى من موضوع الناس اللى ماشيه تجرح فى العربيات واللى بيزنقوا فى الشارع لحد ما يحك لك العربيه وهو بيركن ولا وهو بيعدى خلاص نفسى اولع فى الناس اللى ف الشارع تقريبا كلهم

وقريبا هعلق لوحه على الزجاج الخلفى للعربيه هكتب عليها

اللى مستغنى عن عمره يلمس العربيه مكهربه

اتخنقنت بجد وف الاخر يقولك سواقه البنات ومبيعرفوش يسوقوا